प्रेरित 20:23 - जुम्‍ली

²³ तर मोइले यति मात्‍तै थाँ पायाछु, कि स्हबै सहरमै मुकन दुख हुन्‍याछ र मोइले झ्‍यालखानमै मथ्थै दुख स्‍हनु पड्‌न्‍याछ भुनि पबित्‍त आत्‍माले मुकन भुन्‍याछुन्।

प्रेरित 20:23 Iomraidhean Croise

लुका 16:28

क्‍यानभुन्‍या मेरा पाँच भाइछुन्। तेइले तिनुहरुकन स्‍हुम्‍जाइ देला, नतर तिनुहरु पुनि यइ दुखका ठौरमै आइजानान्।’

प्रेरित 14:22

ताँइ तिनुहरुले चेलाहरुकन बिसासमै बलिया हुनु भुन्‍दै अत्‍तो दिया, र परमेसोरको राज्‍यामै पैनु भुन्‍दा अगाडि हामि स्‍हबैले मथ्‍थै दुख स्‍हनु पड्‌छ भुनि तिनुहरुकन सिकाया।

प्रेरित 18:5

सिलास र तिमोथि माकेडोनियाबाट आयापछि, पावलले पुरै सुमय इसुको बार्‍यामै स्हुनाउन्‍या काम गर्‍या। अनि उनुले यहुदिहरुकन इसु नै मुक्‍ति दिन्‍या ख्रिस्ट हुन् भुनि बुजाउन्‍या काम गर्‍या।

प्रेरित 20:21

यहुदिहरु र ग्रिकहरुकन आम्‍नो आम्‍ना पापबाट पछ्‍ताप गरि परमेसोरपट्‍टि फर्क र हाम्‍मो प्रभु इसु ख्रिस्‍टमै बिसास गर भुन्‍न्‍या कुडाको बार्‍यामै मोइले सिकायाछु।

प्रेरित 20:24

तर मु आम्‍नो जिबनकन ठुलो र प्‍यारो ठान्‍नैन। यइ मात्‍तै स्हुइतोछु, कि परमेसोरको दयाको राम्‍मो रैबार स्‍हुनाउन प्रभु इसुबाट पाया यइ काम मु पुरा गन्‍न स्हकु।

प्रेरित 21:11

तिँ परमेसोरका रैबार्‍या हामि भया ठौरमै आया र पावलको पाउडो ल्‍हिया र आम्‍नो हात खुट्‍टा बानिकन, भुन्‍या, “पबित्‍त आत्‍मा यइथो भुन्‍नाछुन, ‘यइ पाउडो जो मान्‍ठको हो, तेइकन यरुसलेममै यहुदिहरुले यइथैगरि बान्‍न्‍याछुन र अरु जातिहरुका हातमै स्हुम्‍पिदिन्‍याछुन्।’”

प्रेरित 21:33

तब ति सेनापति पावलको काखति आइकन स्हुमात्‍यार दुइ स्‍हाँङ्‌लाले तिनुकन बान्‍न्‍या हुकुम दिया। यइ मान्‍ठ को हो र यइले क्या गर्‍यो भुनि स्होद्‍या।

प्रेरित 21:4

अनि हामिले बिसासिहरुकन खोज्‍यौं र फेला पाडि तिनुहरुस्हात हामि सात दिन स्हम्‍म बस्यौँ। तिनुहरुले पबित्‍त आत्‍माले भुन्‍या कुडा थाँ पायार पावलकन यरुसलेममै नजानु भुन्‍या।

प्रेरित 8:29

तब पबित्‍त आत्‍माले फिलिपकन भुन्‍या, “जा र रथको पछि लाग।”

प्रेरित 9:16

मेरो निम्‍ति तेइले कति दुख स्‍हनुपड्‍छ तेइ मु तेइकन देखाउन्‍याछु।”

१ थेसलोनिकि 3:3

क्‍यानकि यिँ दुखहरुले गद्‌दा कोइले हरेस नखाओस्। तुमिहरु आपैकन थाँ छ, कि यइथा दुख स्‍हन हामि खटाइया हौं।

१ तिमोथि 4:1

पबित्‍त आत्‍माले छर्लङ्‍गै पारि भुन्‍याछुन्, पछि आउन्‍या सुमयमै मान्‍ठहरुले छल्‍ल्‍या आत्‍मा र भुतका सिच्‍छ्‌यामै मुन लायर बिसासबाट तर्किन्‍याछुन्।

२ तिमोथि 2:12

हामिले स्‍हयौं भुन्‍या, हामि पुनि उनुस्‍हातै राज गन्‍याछौं, हामिले उनुकन मान्‍न छोड्‌यौं भुन्‍या, उनुले पुनि हामिकन मान्‍न छोड्‌न्‍याछुन्,