प्रेरित 19:9 - जुम्‍ली

⁹ तर कोइ कोइले मुन कठोर बुनाइ प्रभुमै बिसास गर्‍यानुन्। तिनुहरुले प्रभुले दिया मुक्‍ति पाउन्‍या बाटोकन स्‍हबैका अगाडि बिरोद गर्‍या। तेइबिअ पावल तिनुहरुको सबाघरमै जानै छोडिदिया र प्रभुमै बिसास गन्‍न्‍या चेलाहरुकन आपुस्हात ल्हिइ टुरान्‍नसको पाठसालामै मान्‍ठहरुस्‍हात खल गन्‍न लाग्‍या।

प्रेरित 19:9 Iomraidhean Croise

प्रेरित 11:26

जब बारनाबासले साउलकन भेटाया र एन्‍टिओखिया सहरमै ल्‍याया, अनि दुबै जुनाले एक बर्स्‍हस्‍म्‍म एन्‍टिओखियाका मन्‍डलिका मान्‍ठहरुस्‍हात भेटगाट गद्‌दै मथ्‍थै मान्‍ठहरुकन सिकाया। एन्‍टिओखियामै स्‍हबै भुन्‍दा पैला ख्रिस्‍टका चेलाहरुकन ख्रिस्‍टियान भुनिया हो।

प्रेरित 14:4

तर सहरका मान्‍ठहरु छुटियार कोइ यहुदितिर र कोइ मुख्‍य चेलाहरुति गया।

प्रेरित 17:4

पावलको यइ कुडा स्‍हुनायर यहुदिहरुले प्रभुमै बिसास गर्‍या र तेइथैगरि परमेसोरकन पुज्‌न्‍या मथ्‍थै ग्रिकहरु र मथ्‍थै नाउँ चलेइ स्‍हैनिहरुले पुनि बिसास गरिकन पावल र सिलासस्‍हात हँड्‍या।

प्रेरित 19:23

तेइबेला एफिससमै प्रभुले दिया मुक्‍ति पाउन्‍या बाटा बार्‍यामै माइमरि हल्‍ला खल्‍ला फिजियो।

प्रेरित 19:30

पावलले मान्‍ठहरु भया ठौर जान खोज्‍या, तर बिसासिहरुले तिनुकन जान दियानुन्।

प्रेरित 20:31

यइबिअ तुमिहरु यइ कुडा स्हुम्‍जि होस्‍यार भैकन बस। मोइले तिन बर्स्‍हस्‍हुम्‍मै दिन रात रोइ रोइ तुमिहरु स्हबैकन भुन्‍या कुडा स्‍हुम्‍ज।

प्रेरित 22:4

मोइले प्रभुले दिन्‍या मुक्‍तिको बाटोमै हँड्न्‍या मान्ठहरुकन मरुन्‍जैस्हुम्‍म दुख दिया, अनि स्हैनि र लोग्‍न्‍या दुबैकन पक्‍डेर झ्‍यालखानमै थुन्‍दिया।

प्रेरित 24:21

तिनुहरुले मुकन एक कुडामै मात्‍तै दोस लाउन स्हक्‍न्‍याछुन। तेइ क्‍या हो भुन्‍या, ‘मर्‍या मान्‍ठ फेरि ज्‍युँदिन्‍याछुन् भुन्‍न्‍या बार्‍यामै मोइले तिनुहरुका म्हाँजौनो ढुकि कोक्‍काउँदै भुन्‍याँ छियाँ, आज तुम्‍मा साम्‍न्‍या यइको मुद्‍दा चलिरयाछ।’”

प्रेरित 28:22

तर तुम्‍मो बिचार क्‍या छ, तेइ तुमिबाट स्‍हुन्‍न खोज्‍याछौं। क्‍यानकि यइ दलको बार्‍यामै हामिकन यति मात्‍तै थाँ छ, कि जाँकै मान्‍ठहरुले यइखो बिरुद्‌दमै मात्‍तै बोल्‍लाछुन्।”

प्रेरित 7:51

“या जिद्‌दि गन्‍न्‍या मान्‍ठौ, कठ्‍ठोर हिर्दया र कुन्‍फुटा कान भयाहरु हौ, तुमिहरु जैलेपुनि पबित्‍त आत्‍माको बिरोद गद्‌दाछौ। तुमिहरुका पुर्खाले जैथो गर्‍या तुमिहरु पुनि तेइथै गद्‌दाछौ।

प्रेरित 9:2

साउलले प्रभु इसुकन मान्‍न्‍या लोग्‍न्‍या या स्‍हैनि जैकन फेला पाड्‍या पुनि तिनुहरुकन पग्‍डेर यरुसलेममै ल्‍याउन पाउँ भुनि दमस्‍कसमै भया यहुदि सबाघरका सासकहरुकन पत्‍तर लेखिदेउ भुनि पुर्जि माग्‍यो।

१ तिमोथि 6:5

अनि यइथा कुबुद्‌दि भया र स्‍हाँचो कुडाबाट पर गया मान्‍ठहरुका म्‍हाँजौदो फाटो आउन्‍छ, र परमेसोरको भक्‍ति गन्‍नु फाइदा उठाउन्‍या बाटो हो भुनि तिनुहरु स्‍हुइताछुन्।

२ तिमोथि 1:15

एसिया ठौरमै हुन्‍याहरु स्‍हबै मुदेखि तर्किया तुमिकन थाँ छ, तिनुहरु मद्‌दि फुगेलस र हर्मोगेनस पुनि हुन्।

२ तिमोथि 3:5

अरुकन देखाउन मात्‍तै परमेसोरकन मान्‍छु भुन्‍दाछुन् तर परमेसोरको सक्‍तिकन बिसास नमान्‍न्‍या हुन्‍याछुन्। यइथा मान्‍ठहरुदेखि परै रौ।

२ तिमोथि 4:2

बेला होस् या कुबेला परमेसोरको बचन स्‍हुनाउन स्‍हतिरौ। धिर गरेर मान्‍ठहरुकन अत्‍तो देउ, हप्‍काउ र राम्‍मो सिच्‍छ्‌याबाट हौसला देउ।