प्रेरित 19:23 - जुम्‍ली

²³ तेइबेला एफिससमै प्रभुले दिया मुक्‍ति पाउन्‍या बाटा बार्‍यामै माइमरि हल्‍ला खल्‍ला फिजियो।

प्रेरित 19:23 Iomraidhean Croise

प्रेरित 18:26

पावल सबाघरमै भेइ नमानिकन बोल्‍न लाग्‍या। जब पावलले बोल्‍या कुडा प्रिस्किला र अकिलासले स्‍हुन्‍यापछि तिनुहरुले पावलकन आम्ना घरमै ल्‍हिया, अनि तिनुकन परमेसोरले देखाया जिबनको बाटाका बार्‍यामै सप्‍पारि बुजाइदिया।

प्रेरित 19:9

तर कोइ कोइले मुन कठोर बुनाइ प्रभुमै बिसास गर्‍यानुन्। तिनुहरुले प्रभुले दिया मुक्‍ति पाउन्‍या बाटोकन स्‍हबैका अगाडि बिरोद गर्‍या। तेइबिअ पावल तिनुहरुको सबाघरमै जानै छोडिदिया र प्रभुमै बिसास गन्‍न्‍या चेलाहरुकन आपुस्हात ल्हिइ टुरान्‍नसको पाठसालामै मान्‍ठहरुस्‍हात खल गन्‍न लाग्‍या।

प्रेरित 22:4

मोइले प्रभुले दिन्‍या मुक्‍तिको बाटोमै हँड्न्‍या मान्ठहरुकन मरुन्‍जैस्हुम्‍म दुख दिया, अनि स्हैनि र लोग्‍न्‍या दुबैकन पक्‍डेर झ्‍यालखानमै थुन्‍दिया।

प्रेरित 24:14

तर यइ कुडा मु तुम्‍मै अगाडि भुन्‍छु, प्रभुले दिन्‍या मुक्‍तिको बाटाकन यिनुहरु झुटो भुन्‍छन। तेइ बाटोका पछाडि लागिकन अइनमै भया कुडा र परमेसोरका रैबार्‍याको किताबमै लेख्या स्हबै कुडा बिसास गरि मेरा जिजुबाज्‍याहरुका परमेसोरको आराधना गद्‍दोछु।

प्रेरित 24:22

यइ परमेसोरले दिन्‍या मुक्‍तिको बाटाका बार्‍यामै फेलिक्‍सकन राम्‍मरि थाँ छियो। उनुले यिँ कुडा स्‍हुन्‍यापछि तिनुहरुकन यइथो भुनि पठाया, “अब सेनापति लुसियस नेइ आयापछि मु तुमिहरुको मुद्‍दा छिनोफानो गरिदिन्‍याछु।”

प्रेरित 9:2

साउलले प्रभु इसुकन मान्‍न्‍या लोग्‍न्‍या या स्‍हैनि जैकन फेला पाड्‍या पुनि तिनुहरुकन पग्‍डेर यरुसलेममै ल्‍याउन पाउँ भुनि दमस्‍कसमै भया यहुदि सबाघरका सासकहरुकन पत्‍तर लेखिदेउ भुनि पुर्जि माग्‍यो।