प्रेरित 19:21 - जुम्‍ली

²¹ यिँ स्हबै कुडाहरु भैइस्हक्यापछि, पावलले माकेडोनिया र अखैयाको बाटो भैकन यरुसलेममै जान्‍या मुन गर्‍या। तिनुले भुन्‍या, “ताँइ पुग्‍यापछि मु रोम सहरमै जानै पड्‌छ।”

प्रेरित 19:21 Iomraidhean Croise

प्रेरित 16:12

अनि ताँइबाट हामिहरु माकेडोनिया ठौरको मुख्‍य सहर फिलिप्‍पिमै पुग्‍यौं। तेइ सहर रोमिहरुको कब्‍जामै छियो। हामि तेइ सहरमै दुइ चार दिन बस्‍यौं।

प्रेरित 18:12

अखैया भुन्‍न्‍या ठौरमै गलियोन भुन्‍या मान्‍ठ ठुलो हाकिम हुँदा, यहुदिहरु मिलेर पावलकन पक्‍डेर अदालतमै ल्‍हिया।

प्रेरित 18:21

तिनुहरुस्हात छुट्‌टिन्या बेला पावलले यइथो भुन्‍या, “परमेसोरको इच्छा भयो भुन्‍या फेरि मु तुमिहरुति आउन्याछु।” तेइपछि तिँ एफिससबाट पानिझाँजमै चडि गया।

प्रेरित 19:22

तिनुकन सेबा गन्‍न्‍या दुइजुना तिमोथि र इरास्तसकन पावलले माकेडोनियामै पठाया, तर आपु मात्‍तै नाप्‍नापा दिनस्हम्‍म एसियामै बस्‍या।

प्रेरित 19:29

यइ कुडा स्हबै सहरभरि हल्‍ला फिजियो र तिनुहरु स्हबै एक जुट भैकन पावल र तेइका स्हात्या माकेडोनिया ठौरका गायास र अरिस्तार्खसकन स्हमात्‍यार लछार पछार गद्‍दै ठुलो सबा गन्‍न्‍या ठौरमै ल्‍हिया।

प्रेरित 20:16

एसियामै सुमय बिताउन्‍या मुन नगर्‍या हुनाले तिनुले एफिसस सहरमै नपसि जान्‍या निदो गर्‍या। स्हक्‍यास्हम्‍म पेन्‍तिकोसको दिन यरुसलेममै पुग्‍नुपड्‍छ भुनि पावल आत्‍तिया छिया।

प्रेरित 20:22

अब स्हुन, मुकन पबित्‍त आत्‍माले भुन्‍या उन्‍सार बाद्‍य भयार यरुसलेममै जानैछु, ताँइ मुकन क्या कैथो हुन्‍या हो मुकन केइ पुनि थाँ नाइ।

प्रेरित 21:17

जब हामि यरुसलेममै पुग्‍यौं, तब ताँइका बिसासिहरुले हामिकन खुसिले सुम्‍मान गर्‍या।

प्रेरित 21:4

अनि हामिले बिसासिहरुकन खोज्‍यौं र फेला पाडि तिनुहरुस्हात हामि सात दिन स्हम्‍म बस्यौँ। तिनुहरुले पबित्‍त आत्‍माले भुन्‍या कुडा थाँ पायार पावलकन यरुसलेममै नजानु भुन्‍या।

प्रेरित 23:11

तेइ रात प्रभुले पावलति आइकन भुन्‍या, “याइ पावल भेइ नमान, क्‍यानकि जस्‍हरि तोइले यरुसलेममै मेरा बार्‍यामै स्‍हाँचि दिइस् तेइथै गरि तोइले रोममै पुनि स्‍हाँचि दिनु पड्‌छ।”

प्रेरित 27:1

हामि पानिझाँजमै चडि इटालिया जानुपड्‌छ भुन्‍न्‍या निदो गर्‍यापछि तिनुहरुले पावल र अरु कैदिहरुकन राजा अगस्‍टसका सिपाइ युलियस नाउँ गर्‍या कप्‍तानका जुम्‍मा लाइदिया।

प्रेरित 27:24

र भुन्‍या, ‘या पावल, भेइ नमान्, तो रोमि म्‍हाँराजाका अगाडि जानै पड्‌छ। हेर्, तोकन परमेसोरले दया गर्‍या हुनाले तेइस्‍हात झाँजमै चड्‍न्‍या जति स्‍हबैकन उनुले जोगाउन्‍या छुन्।’

प्रेरित 28:16

हामि रोम सहरमै पुग्‍यापछि, एकजुना सिपाइको रेखदेखमै पावलकन एक्‍लै बैन्‍या आग्‍या दिइयो।

१ थेसलोनिकि 1:7

न्‍यास्‍हम्‍म कि माकेडोनिया र अखैया सहरमै स्‍हबै बिसासिहरुका म्‍हाँजौदो तुमिहरु उदारन बन्‍यौ।