प्रेरित 18:18 - जुम्‍ली

¹⁸ तेइपछि पावल मथ्‍थै दिन कोरिन्थि सहरका बिसासि दाजुभाइस्हात ताँइ बस्‍या। तब तिनुहरुबाट बिदा भैइ पानिझाँज चडि सिरिया गया। तिँस्हात प्रिस्किला र अकिलास पुनि छिया। उनुले भाकल गर्‍या उनुसारले किंक्रिया सहरमै आम्नो कप्‍पाल खौर्‍या।

प्रेरित 18:18 Iomraidhean Croise

मर्कुस 6:46

तिनुहरु स्‍हात छुट्‌टियापछि इसु डाँडामै प्रार्थना गन्‍न गया।

प्रेरित 1:15

केइ दिनपछि ताँइ लगभग एक सय बिस जुना प्रभु इसुमै बिसास गन्‍न्‍या मान्‍ठहरु खेडिया छिया, र तिनुहरुका म्‍हाँजौनो पत्‍तुरुस उठ्‍यार भुन्‍या,

प्रेरित 15:23

तिनुहरुस्‍हात यइथो चिठिक पठाया, “एन्‍टिओखिया, सिरिया र किलिकियामै रन्‍या अरु जातिका बिसासि दाजुभाइहरुकन मुख्‍य चेलाहरु र अगुवाहरुको जदेउ।

प्रेरित 15:41

अनि पावल र सिलास सिरिया र किलिकिया भरिका मन्‍डलिहरुकन बिसासमै भरिला बुनाउँनै गया।

प्रेरित 18:2

ताँइ पावलले पोन्‍टस ठौरको अकिलास भुन्न्या एक जुना यहुदिकन भेट्‌या। तेइ आम्नि जोइ प्रिस्‍किलास्हात इटालिया देसबाट आया छियो, क्‍यानभुन्‍या रोमको राजा क्लौडियसले स्हबै यहुदिहरुकन रोम सहर छोड्न्या हुकुम दियाछिया। पावल तिनुहरुकन भेट्न गया।

प्रेरित 18:26

पावल सबाघरमै भेइ नमानिकन बोल्‍न लाग्‍या। जब पावलले बोल्‍या कुडा प्रिस्किला र अकिलासले स्‍हुन्‍यापछि तिनुहरुले पावलकन आम्ना घरमै ल्‍हिया, अनि तिनुकन परमेसोरले देखाया जिबनको बाटाका बार्‍यामै सप्‍पारि बुजाइदिया।

प्रेरित 18:27

तिनुले अखैयामै जान्‍या मुन गद्‍दा बिसासि दाजुभाइहरुले तिनुकन ताँइ जान्‍या आँट दियार उनुकन सम्‍मान गरुन् भुनि ताँइका बिसासि दाजुभाइहरुकन हौसला दिइ निबेदन लेख्‍या। ति ताँइ पुग्‍यार प्रभुको अनुग्रबाट बिसासिहरुकन मथ्थै सयोग गर्‍या।

प्रेरित 21:23

यइबिअ ज्‍या हामि भुन्‍दाछौं, तेइथै गर परमेसोरस्हात भाकल गन्‍न्‍या चार जुना हामिस्हात छुन्‌।

प्रेरित 21:24

यिनुहरुकन ल्हियार तुमि पुनि तिनुहरुस्हात चोखिन्‍या काममै लाग्‍नु। तिनुहरुकन चाइन्‍या खच्‍च तुमिले हालिदिनु, र तिनुहरुको कप्‍पाल खौरुनु। यइथै गरि तुमिले अइन मान्‍या देख्‍यार तुम्‍मो बार्‍यामै स्हुन्‍या कुडा स्‍हाँचो रैनछ भुनि स्हबैले थाँ पाउन्‍याछुन्।

प्रेरित 21:3

जब साइप्रस टापु देखियो, तब हामि ताँइबाटै दाब्‍र्‍या पट्‍टि भैकन सिरियामै गयौं र टुरोस भुन्‍न्‍या ठौरमै ओल्‍यौं। क्‍यानभुन्‍या पानिझाँजमै ल्‍याया मालसामान ताँइ उतार्नु पड्‍न्‍या छियो।