प्रेरित 17:32 - जुम्‍ली

³² अनि तिनुहरुले मर्‍याबाट ज्‍युँदिन्‍या बार्‍यामै स्‍हुन्‍यार कोइ कोइले पावलकन खिसि गर्‍या। तर अरुहरुले भुन्‍या, “तुमिले भुन्‍या यइ कुडाका बार्‍यामै हामिकन फेरि स्‍हुन्‍न्‍या मुन छ।”

प्रेरित 17:32 Iomraidhean Croise

लुका 14:18

तर तिनुहरु स्‍हबैले नखरा गन्‍न लाग्‍या। पैलो एकाले भुन्‍यो, ‘मुइले एक खेत किन्‍याछु, तेइ हेन्‍न जानुछ। तेबिअ मुकन माफ गद्‌देउ भत्‍याडमै आउन स्‍हक्‍तैन।’

लुका 22:63

अनि इसुकन हेन्‍न बस्‍या मान्‍ठहरुले उनुकन खिसि गद्‌दै कुट्‌या,

लुका 23:11

हेरोदले र तेइका सेनाहरुले इसुकन बेइजेत र गिल्‍ला गर्‍या। इसुकन राजाले लाउन्‍या टाला जस्‍तै लाइदिइकन पिलातसति फर्काइदिया।

लुका 23:36

सिपाइहरुले पुनि आयर चुकिलो अंगुरको जाँड दिइ यइथो भुनि खिसि गर्‍या,

प्रेरित 13:41

‘या गिल्‍ला गन्‍न्‍या हौं, हेर र अचुम्‍म मान! अनि नास भैजाउ, क्‍यानभुन्‍या तुमिहरुका सुमयमै एक काम गन्‍न्‍याछु, तेइ कामको बार्‍यामै कोइले तुमिहरुकन बयान गर्‍या पुनि तुमिहरुले कैलेइ बिसास गन्‍न्‍यानाइ।’”

प्रेरित 17:18

अनि इपिक्‍युरि र स्‍तोइकि दलका गुरुहरुले पावलस्‍हात खल गर्‍या। तिनुहरुमद्‍दि कोइ कोइले भुन्‍या, “यइ बक्‍बकेले क्‍या भुन्‍दोछ?” अरुहरुले पुनि भुन्‍या, “यइले त अरु नौला देउताको कुडा गद्‍दैछ!” क्‍यानभुन्‍या पावलले इसु मर्‍याबाट ज्‍युँदिया भुन्न्‍या कुडाको बार्‍यामै स्‍हुनाया छिया।

प्रेरित 17:31

क्‍यानभुन्‍या परमेसोरले धत्‍तिका स्‍हबै मान्‍ठहरुको निसाप गन्‍न्या दिन छानि स्‍हक्‍या छुन्। तेइ दिन उनुले छान्‍या मान्‍ठबाट सुन्‍सारका मान्‍ठहरुको स्‍हइ निसाप गर्न्‍याछुन्। तेइ मान्‍ठकन निसाप गन्‍न्‍या अदिकार छ भुन्‍न्‍या प्रमाण स्‍हबै मान्‍ठहरुकन दिन परमेसोरले उनुकन मर्‍याबाट ज्‍युँद्‍याया।”

प्रेरित 17:33

तेइपछि पावल तिनुहरुबाट गया।

प्रेरित 2:13

तर अरुहरुले हाँसो गर्‍यार भुन्‍या, “तिनुहरु नौलो जाँडले मात्‍तिया हुन्।”

प्रेरित 24:25

अनि परमेसोरको धार्मिक आग्‍याहरु मान्‍यर काम गन्‍नु पड्‌छ, आम्‍नो मुनकन निर्धक्‍क गन्‍नु पड्‌छ र परमेसोरले निसाप गन्‍न्‍या दिन आउन्‍याछ भुन्‍या कुडा पावलले भुन्‍दा फेलिक्स आत्‍तिया, र यइथो भुन्‍या, “अइले जाउपुडा, मौका पड्‌यो भुन्‍या मु तुमिकन फेरि घोइर्‍याउँला।”

प्रेरित 25:19

तर तिनुहरुको खल आम्‍नै धर्म र मरिस्‍हक्‍या इसुका बार्‍यामै रैछ। इसुकन पावलले अँजै ज्‍युँदा छुन् भुनि जिद्‌दि गद्‍दा छिया।

प्रेरित 26:8

परमेसोरले मर्‍याहरुकन ज्‍युँदो गद्‌दाछुन् भुन्‍न्‍या कुडा क्‍यान तुमिहरु कैकनै बिसास लाग्‍योन?