प्रेरित 17:3 - जुम्‍ली

³ पावलले ताँइका मान्‍ठहरुकन यइथोगरि बुजाइदिया, “मुक्‍ति दिन्‍या राजा ख्रिस्‍टले दुख पाइ मन्‍नु पड्‍यो र मर्‍याबाट ज्‍युँदिनु पड्‌यो, अनि मोइले प्रचार गर्‍या इसु नै मुक्‍ति दिन्‍या ख्रिस्‍ट हुन्” भुनि धर्मसास्‍त्रबाट प्रमाण दिया।

प्रेरित 17:3 Iomraidhean Croise

लुका 24:32

तिनुहरुले आपु आपु भुन्‍न लाग्‍या, “उनुले हामि स्‍हात बाटोमै हन्‍डै धर्मसास्‍तरको अथ्‍थ बुजाइदिँदा हाम्‍मो हिद्‌दया आनन्‍दले गद्‌गद् भया छियोन र?”

लुका 24:44

अनि इसुले तिनुहरुकन भुन्‍या, “तुमिहरु स्‍हात हुँदा मोइले बोल्‍या बचनहरु यिँ नै हुन्। मोसाको अइनमै, परमेसोरका रैबार्‍याले र भजनका किताबमै मेरा बारेमै लेख्‍या स्‍हबै कुडा पुरा हुनै पड्‌छ।”

लुका 24:46

र इसुले तिनुहरुकन भुन्‍या, “यइथो लेख्‍याछ, मुक्‍ति दिन्‍या ख्रिस्‍टले दुख पाउनु र तिन दिनमै मर्‍याबाट ज्‍युँदिनु पड्‌छ,

प्रेरित 1:4

एक चोटि इसुले मुख्‍य चेलाहरु स्‍हात खच्‍च खान बस्‍याबेला यइथो हुकुम दिया, “मेरा बाबाले पबित्‍त आत्‍मा दिन्‍छु भुनि गर्‍या बाचा पुरा नभया स्‍हुम्‍म तुमिहरु यरुसलेम छोडि काँइ नगया। यइखा बार्‍यामै तुमिहरुले मोइबाट स्‍हुनि स्‍हक्‍याछौं।

प्रेरित 18:28

क्‍यानभुन्‍या तिनुले परमेसोरको बचनबाटै इसु नै मुक्‍तिदिन्‍या ख्रिस्ट हुन् भुनि मान्ठहरुको अगाडि यहुदिहरुकन केइ पुनि बोल्‍न नस्हक्‍न्‍या गर्‍या।

प्रेरित 18:5

सिलास र तिमोथि माकेडोनियाबाट आयापछि, पावलले पुरै सुमय इसुको बार्‍यामै स्हुनाउन्‍या काम गर्‍या। अनि उनुले यहुदिहरुकन इसु नै मुक्‍ति दिन्‍या ख्रिस्ट हुन् भुनि बुजाउन्‍या काम गर्‍या।

प्रेरित 3:18

ख्रिस्‍टले दुख पाउनु पड्‌छ भुनि परमेसोरले स्‍हबै आम्‍ना रैबार्‍याहरुबाट भुन्‍या कुडा इसुले यइथै गरि पुरा गर्‍या।

प्रेरित 9:22

तर साउल झनझन सक्‍तिसालि हुनै गयो र इसु नै ख्रिस्‍ट हुन् भुन्‍न्‍या प्रमान दिया हुनाले दमस्‍कसमै रन्‍या यहुदिहरुले केइ पुनि जबाक दिन स्‍हक्‍यानुन्।