प्रेरित 14:3 - जुम्‍ली

³ तर पुनि पावल र बारनाबास तेइ सहरमै मथ्‍थै दिनस्‍हम्‍म बस्‍या। तिनुहरुले प्रभुमै भरोसा राखेर आँट गरि बोल्‍या। अनि प्रभुले तिनुहरुको हातबाट अचुम्‍मका चिनारिहरु र काम गन्‍न्‍या सक्‍ति दियर तिनुहरुले बोल्‍या दयाको रैबार स्‍हाँचो हो भुनि देखाइ दिया।

प्रेरित 14:3 Iomraidhean Croise

मर्कुस 16:20

अनि तिँ चेलाहरु गयार स्‍हबै ठौरमै प्रचार गर्‍या। प्रभुले तिनुहरु स्‍हात काम गरिरया, र तिनुहरुले प्रचार गर्‍या कुडाकन अचुम्‍मका कामबाट स्‍हाँचो ठराइदिया। आमेन।]

प्रेरित 13:46

तर पावल र बारनाबासले भेइ नमानिकन यइथो भुन्‍या, “परमेसोरको बचन स्‍हबै भुन्‍दा पैला तुमिहरुकनै स्‍हुनाउनु आबासेक छियो। तर तुमिहरुले यइ बचन नमानि आपैकन अजम्‍बरिको जिबन पाउन लायक नाइ भुन्‍या हुनाले हामि अब अरु जातिहरुति जान्‍याछौं।

प्रेरित 2:22

“इस्राएलका मान्‍ठौ, मेरा कुडा स्‍हुन, नासरतका इसु यइथा मान्‍ठछिया, जैकन परमेसोरले सक्‍तिसालि कामहरु, अचुम्‍मका कामहरु र चिनारिहरुबाट तुमिहरुका अगाडि छर्लङ्‍गै पाड्‍या। तुमिहरुकन थाँ है छ कि परमेसोरले तुमिहरुका म्‍हाँजौनो यिँ कामहरु इसुबाट गर्‍याहुन्।

प्रेरित 20:24

तर मु आम्‍नो जिबनकन ठुलो र प्‍यारो ठान्‍नैन। यइ मात्‍तै स्हुइतोछु, कि परमेसोरको दयाको राम्‍मो रैबार स्‍हुनाउन प्रभु इसुबाट पाया यइ काम मु पुरा गन्‍न स्हकु।

प्रेरित 20:32

“अब मु तुमिहरुकन परमेसोरमै र उनुको अनुग्रको बचनकन जुम्‍मामै छोडिदिन्‍याछु, जोले तुमिहरुकन बिसासमै भरिलो पाड्‌न्‍याछ, अनि परमेसोरले आम्‍ना पबित्‍त मान्ठहरुकन असिपातको हक पुनि दिन्‍याछुन्।

प्रेरित 4:31

तिनुहरुले प्रार्थना गरिस्‍हक्‍यापछि तिनुहरु जुम्‍मा भया ठौर हल्‍लियो, र तिनुहरु स्‍हबै जुना पबित्‍त आत्‍माले भरिया, र भेइ नमानिकन परमेसोरको बचन बोल्‍न लाग्‍या।

प्रेरित 5:32

हामि यिँ स्‍हबै कुडाका स्‍हाँचि छौं, र पबित्‍त आत्‍मा पुनि स्‍हाँचि छुन्। परमेसोरले आम्‍ना आग्‍या मान्‍न्‍याहरुकन पबित्‍त आत्‍मा दियाछुन्।”

१ थेसलोनिकि 2:2

हामिले पैलै फिलिप्‍पि भुन्‍न्‍या सहरमै दुख स्‍हयौं र हेला गर्‍या पुनि स्‍हयौं यिँ कुडा तुमिहरुकन थाँ छ, तर जात्‍ति बिरोद गन्‍न्‍याहरु हुँनाहुनै पुनि परमेसोरको राम्‍मो रैबार स्‍हुनाउन हामिकन परमेसोरले आँट दिया।