प्रेरित 14:22 - जुम्‍ली

²² ताँइ तिनुहरुले चेलाहरुकन बिसासमै बलिया हुनु भुन्‍दै अत्‍तो दिया, र परमेसोरको राज्‍यामै पैनु भुन्‍दा अगाडि हामि स्‍हबैले मथ्‍थै दुख स्‍हनु पड्‌छ भुनि तिनुहरुकन सिकाया।

प्रेरित 14:22 Iomraidhean Croise

मर्कुस 10:30

तेइले दुख कस्‍ट स्‍हातै सय गुना बत्‍ता घर, दाजुभाइ, दिदि बुइनि, आमा बाबा छोराछोरि र जग्‍गा जुमिन यइबेला पाउन्‍याछ, र आउन्‍या युगमै अजम्‍बरिको जिबन पाउन्‍याछ।

मर्कुस 9:47

यति तुम्‍मो आँखाले तुमिकन पाप गन्‍न लाउँछ भुन्‍या तेइकन लन्‍डाइदेउ। दुबै आँखा भइ नरकमै जानु भुन्‍दा कान्‍या भइ परमेसोरको राज्‍यामै जानु तुम्‍मो निम्‍ति राम्‍मो हो।

लुका 24:26

क्‍या मुक्‍ति दिन्‍या ख्रिस्‍टले आम्‍नो महिमामै जानु भुन्‍दा पैला यि दुख्‍खहरु पाउनु खाँचो छियोन र?”

प्रेरित 11:23

तिँ एन्‍टिओखियामै आयर परमेसोरले ताँइका मान्‍ठहरुकन दया गर्‍या देख्‍यार जात्‍ति खुसि भया, र तिनुहरु स्‍हबैकन सारा हिर्दयाले प्रभुकन बिसास गरि रनु भुनि बारनाबासले आँट दिया।

प्रेरित 11:26

जब बारनाबासले साउलकन भेटाया र एन्‍टिओखिया सहरमै ल्‍याया, अनि दुबै जुनाले एक बर्स्‍हस्‍म्‍म एन्‍टिओखियाका मन्‍डलिका मान्‍ठहरुस्‍हात भेटगाट गद्‌दै मथ्‍थै मान्‍ठहरुकन सिकाया। एन्‍टिओखियामै स्‍हबै भुन्‍दा पैला ख्रिस्‍टका चेलाहरुकन ख्रिस्‍टियान भुनिया हो।

प्रेरित 11:29

यइ कुडा स्‍हुन्‍यार प्रभुका चेलाहरु आपुले स्‍हक्‍या उन्‍सार यहुदियामै बैन्‍या दाजुभाइहरुकन भेटि उठायर पठाउन्‍या स्‍हल्‍ला गर्‍या।

प्रेरित 13:43

बैठेक स्‍हकियापछि मथ्‍थै यहुदिहरु र यहुदि धर्म मान्‍या अरु जातिका मान्‍ठहरु पावल र बारनाबासको पछाडि लाग्‍या। तेइपछि पावल र बारनाबासले तिनुहरुकन स्‍हुम्‍जाउँनै जैलेपुनि परमेसोरको दयामै रैरनु भुनि बिन्‍ति गर्‍या।

प्रेरित 14:20

अनि चेलाहरु आयार पावलका ओरिपोरि जुम्‍मा भयापछि पावल जुडुक्‍क उठ्‌यार सहरभित्‍त पस्‍या। अनि भोलिपल्‍ट बारनाबासस्‍हातै डर्बि भुन्‍न्‍या सहरमै गया।

प्रेरित 14:28

तेइपछि दुबैजुना मथ्‍थै दिनस्‍हम्‍म एन्‍टिओखिया मन्‍डलिका दाजुभाइहरुस्‍हात बस्‍या।

प्रेरित 15:32

यहुदा र सिलास आपै पुनि परमेसोरका रैबार्‍या भया हुनाले बिसासि दाजुभाइहरुकन मथ्‍थै बचनबाट आँट दियर तिनुहरुको बिसासकन भरिला गराया।

प्रेरित 15:41

अनि पावल र सिलास सिरिया र किलिकिया भरिका मन्‍डलिहरुकन बिसासमै भरिला बुनाउँनै गया।

प्रेरित 18:23

पावल ताँइ एक दुइ दिनस्हम्म बस्‍या। तेइपछि पावल गलातिया र फ्रिगियाको स्हबै ठौरमै जाँनै बिसासिहरुकन बिसासमै भरिला पाड्‌दै अक्‍को ठौरमै गया।

प्रेरित 6:7

यइगरि परमेसोरको बचन बेस्‍सरि फिजिँदै गयो। र यरुसलेममै चेलाहरु जात्‍तिगरि थपिनै गया, अनि पुजारिहरुमद्‌दि मथ्‍थै जुनाले तेइ बिसासकन पछ्‍याय।

प्रेरित 9:16

मेरो निम्‍ति तेइले कति दुख स्‍हनुपड्‍छ तेइ मु तेइकन देखाउन्‍याछु।”

१ थेसलोनिकि 3:13

उनुले तुमिहरुका मुन कैलै नफेरिन्‍या बुनाइदिउन्, जैबेला उनुका मान्‍ठहरुस्‍हात हाम्‍मा प्रभु इसु ख्रिस्‍ट फेरि आउन्‍याछुन्, तेइबेला उनुले हाम्‍मा परमेसोर बाबाका अगेडि तुमिहरुका हिर्दया पबित्‍त र बिनाखोटको ठर्‍याउन्।

२ तिमोथि 1:8

यइबिअ हाम्‍मा प्रभुका बार्‍यामै भुन्‍न स्‍हरम नमान, र मु उनुको नाउँमै कैदि भया कुडामै स्‍हरम नमान, तर परमेसोरको सक्‍तिमै राम्‍मो रैबारका बिअ दुख गन्‍न तुमि पुनि स्‍हातै हँड।

२ तिमोथि 3:12

यइ भया कुडा हो, ख्रिस्‍ट इसुमै बिसास गरि धर्मि जिबन ज्‍युँन्‍या मुन गन्‍न्‍याहरु स्‍हबै जुनाले दुख पाउन्‍या छुन्।