प्रेरित 13:48 - जुम्‍ली

⁴⁸ यइ कुडा अरु जातिहरुले स्‍हुन्‍यार खुसि भया र परमेसोरको गुणगान गर्‍या। अनि अजम्‍बरिको जिबनको निम्‍ति अगाडिबाटै छान्‍या जातिले बिसास गर्‍या।

प्रेरित 13:48 Iomraidhean Croise

लुका 7:8

क्‍यानभुन्‍या मु पुनि ठुला हाकिमहरुको अदिनमै बइन्‍या मान्‍ठ हु, अनि मेरा अदिनमै पुलिसहरु छुन्। मु एकाकन ‘जा’ भुन्‍छु, अनि तेइ जान्‍छ, र अक्‍काकन ‘आइजा’ भुन्‍छु, अनि तेइ आउन्‍छ। मेरो कमाराकन ‘ज्‍या गर्’ भुन्‍छु, अनि तेइले गर्छ।”

प्रेरित 13:12

यइथो भया देख्‍यार ठुलो हाकिम सर्गियस पौलसले प्रभुमै बिसास गर्‍या, क्‍यानभुन्‍या प्रभुको सिच्‍छ्‍यामै तिनुले अचुम्‍म मान्‍या छिया।

प्रेरित 13:42

पावल र बारनाबास सबाघरबाट निक्‍लेर जान्‍याबेला मान्‍ठहरुले अक्‍को पट्‌याइ मान्‍या दिनमै पुनि आइकन यइथा कुडा हामिकन स्‍हुनाइ देउ भुनि बिन्‍ति गर्‍या।

प्रेरित 15:2

यइथो सिच्‍छ्‍या स्‍हुनेर पावल र बारनाबासको तिनुहरुस्‍हात भुनाभुन भयो। तेइबिअ ताँइका दाजुभाइहरुले पावल, बारनाबास र अरु कोइ कोइ बिसासि मान्‍ठहरुकन यइ कुडा मिलाउन यरुसलेमका मुख्‍य चेलाहरु र मन्‍डलिका अगुवाति जान्‍या निदो गर्‍या।

प्रेरित 15:31

तेइ चिठिकमै लेख्‍या आँट दिन्‍या कुडा स्‍हुन्‍यार स्‍हबै खुसि भया।

प्रेरित 2:41

तब मथ्‍थैले पत्‍तुरुसका कुडाकन बिसास गर्‍या र तिनुहरुले बप्‍तिस्‍मा ल्‍हिया, तेइ दिन लगभग तिन हजार मान्‍ठहरु तिनुहरुस्‍हात थपिया।

प्रेरित 2:47

जैलेपुनि परमेसोरको गुनगान गद्‍दाछिया, र अरु मान्‍ठहरुले पुनि तिनुहरुकन ठिक मान्‍ना छिया। तिनुहरुस्‍हात मुक्‍ति पाउन्‍या मान्‍ठहरु दिनदिनै परमेसोरले थपि दिन्‍छिया।

प्रेरित 20:13

हामि त्रोआसबाट पानिझाँजमै चडि अस्सोस सहरमै गयौं। पावलले अस्‍सोस सहरस्‍हम्‍म पैदेला जान्‍या र ताँइ मात्‍तै पानिझाँजमै चड्‍न्‍या तिनुले निदो गर्‍या छिया।

प्रेरित 22:10

मोइले भुन्‍या, ‘हे प्रभु अब क्या गरुँ?’ अनि प्रभुले मुकन भुन्‍या, ‘उठ, र दमस्‍कसमै जा, र तोइले गन्‍नु पड्‌न्‍या कामको बार्‍यामै तोकन भुनिन्‍याछ।’

प्रेरित 28:23

तब तिनुहरुले पावलका निम्‍ति एक दिन पक्‍का गर्‍या, र मथ्‍थै मान्‍ठहरु तिनुको डेरामै आया। पावलले तिनुहरुकन ब्‍यान देखि बाहापल्‍टिस्‍हम्‍म सिच्‍छ्‍या दिया। तिनुले मोसाका अइन र परमेसोरको रैबार्‍याहरुका किताबबाट परमेसोरको राज्‍याको स्‍हाँचि दिया, अनि इसुको बार्‍यामै तिनुहरुकन बुजाउँदै बिसासमै ल्‍याउन्‍या कोसित गर्‍या।

प्रेरित 8:8

यइबिअ सामरिया सहरका मान्‍ठहरु जात्‍ति खुसि भया।

२ थेसलोनिकि 3:1

अब दाजुभाइहरु औ, उन्‍तिममै क्‍या भुन्‍न चायाछु भुन्‍या, हाम्‍मा लेखि प्रार्थना गर, क्‍यानभुन्‍या तुमिहरुका म्‍हाँजौदो भया जैथै प्रभुको बचन स्‍हाँटा फिजियोस् र मान स्‍हुम्‍मान होस्।