प्रेरित 12:7 - जुम्‍ली

⁷ एक्‍कासि प्रभुका एक सोर्गका रैबार्‍या देखिया र झ्‍यालखानका कोठा उज्‍यालो भया, अनि सोर्गका रैबार्‍याले पत्‍तुरुसको कुम हल्‍लाउँदै, “स्‍हाँटा उठ!” भुनेर उठाया। तेइबेला पत्‍तुरुसका हातमै बान्‍या स्‍हाँङ्‌लाहरु चुँडियर छत्‍तिया।

प्रेरित 12:7 Iomraidhean Croise

लुका 2:9

प्रभुका रैबार्‍या भेडिगलाति देखिया, र प्रभुको महिमाको उज्‍यालो तिनुका वरिपोरि चुम्‍क्‍यो, अनि तिनुले जात्‍तिगरि भेइ मान्‍या।

लुका 24:4

तिनुहरु यइकै बारेमै अल्‍मलिरयाइ छिन्‌, तेइबेला उज्‍याला टाला लाया दुइ जुन मान्‍ठ तिनुहरुका काखति ढुक्‍या।

प्रेरित 10:30

तब कर्नेलियसले भुन्‍या, “चारदिन अगेडिको कुडा हो। दिउँसको लगभग तिन बज्‍यातिर मु घरमै प्रार्थना गद्‌दै छिया। अचानक एकजुना चुम्‍किला टाला लाया मान्‍ठ मेरा अगाडि ढुक्‍या।

प्रेरित 12:23

तर परमेसोरको महिमा नगर्‍या हुनाले तेइबेलै प्रभुका एक सोर्गका रैबार्‍याले हेरोदकन हान्‍या र स्‍याउँ स्‍याउँ किडा पडेर मर्‍यो।

प्रेरित 12:6

हेरोदले पत्‍तुरुसकन मान्‍ठका अगाडि ल्‍याउनु भुन्‍दा अगेल्‍लो रात, पत्‍तुरुस दुइटा स्‍हाँङ्‌लाले बानिकन दुइजुना सिपाइहरुका म्‍हाँजौनै सियाछिया। सिपाइहरु पुनि धेला अगाडि ढुकिकन झ्‍यालखानको सुरछ्‌या गरिरया छिया।

प्रेरित 12:8

सोर्गका रैबार्‍याले भुन्‍या, “पाउडो बान र पौला लाउ।” अनि पत्‍तुरुसले तेइथै गर्‍या। तिनुले फेरि भुन्‍या, “तुम्‍मो ओड्‌न्‍या ओडेर मेरो पछि पछि आउ।”

प्रेरित 16:26

तेइबेलै एक्‍कासि ठुलो भुइँचालो आयो। तब झ्‍यालखानका जगहरु हल्‍याया, स्‍हबै धेला उग्‍ड्‍या र कैदिहरुकन बान्‍या स्‍हाङ्‌लाहरु फुक्‍या।

प्रेरित 2:24

इसुकन परमेसोरले मित्‍युको दुखबाट छुटाया र ज्‍युँदो गर्‍या। क्‍यानकि मित्‍युले इसुकन कब्‍जामै राखिरन सुम्‍भब छियोन।

प्रेरित 5:19

तर तेइ रात प्रभुका एक सोर्गका रैबार्‍याले झ्‍यालखानका धेलाहरु खोल्‍दिया, र मुख्‍य चेलाहरुकन बाइर ल्‍यायर भुन्‍या,

प्रेरित 9:3

जब साउल जाँदै गद्‍दा दमस्‍कसति पुग्‍यो, र एक्‍कासि सरगबाट उज्‍यालो तेइका ओरिपोरि चुम्‍क्‍यो।