प्रेरित 1:2 - जुम्‍ली

² इसु सोर्गमै ल्‍हिइनु भुन्‍दा अग्‍यार उनुले छान्‍या मुख्‍य चेलाहरुकन पबित्‍त आत्‍माको सक्‍तिबाट आग्‍या दिया।

प्रेरित 1:2 Iomraidhean Croise

मर्कुस 6:30

अनि मुख्‍य चेलाहरु इसुति जुम्‍मा भयार, तिनुहरुले ज्‍या गर्‍याछिया, र ज्‍या सिकाया छिया, ति स्‍हबै इसुकन स्‍हुनाया।

लुका 24:51

इसुले तिनुहरुकन असिपात दिदैगद्‌दा, इसु तिनुहरुबाट छुट्‌टियार सोर्गमै ल्‍हिइया।

लुका 9:51

इसुको सोर्ग जान्‍या दिन आउनै लाग्‍दा इसुले यरुसलेमतिरै जान्‍या पक्‍का गर्‍या।

प्रेरित 1:11

तिनुहरुले भुन्‍या, “गालिलका मान्‍ठौ, तुमिहरु क्‍यान सरगतिर हेद्‌दै उबियाछौ? यिँ इसु, जो तुमिहरुबाट सोर्गमै ल्‍हिइया, अइले ज्‍यागरि तुमिहरुले इसुकन सोर्गमै गया देख्‍यौं, तेइथैगरि इसु फेरि आउन्‍याछुन्।”

प्रेरित 1:13

यरुसलेम सहर भित्‍त पस्‍यापछि तिनुहरु घरको हपल्‍ला तला आपु बैन्‍या कोठामै उल्‍क्‍या। तिनुहरु पत्‍तुरुस, युहन्‍ना, याकुब, अन्‍द्रियास, फिलिप, थोमा, बारथोलोमाइ, मत्‍ति, अल्‍फायसको छोरा याकुब, देसकन माया गन्‍न्‍या दलका सिमोन अनि याकुबको छोरो यहुदा छिया।

प्रेरित 1:22

या तेइ मान्‍ठ युहन्‍नाले बप्‍तिस्‍मा दिया सुमय देखि ल्‍हियार इसु हामिबाट उबो उठाइया दिनस्‍हम्‍म हामिस्‍हातै छियो। तेइ मान्‍ठले हामिस्‍हातै इसु मर्‍याबाट ज्‍युँदा भया हुन् भुनि स्‍हाँचि दिनु पड्‌डोछ।”

प्रेरित 1:9

इसुले यिँ कुडा भुनि स्‍हक्‍यापछि, तिनुहरुले हेद्‌दा हेद्‌दै इसु सोर्गतिर उठाइया, र बादलमै तिनुहरुका अगाडि बिलाया।

प्रेरित 10:38

परमेसोरले नासरतका इसुकन पबित्‍त आत्‍मा र सक्‍तिले अबिसेक गर्‍या, अनि इसुले राम्‍मा राम्‍मा काम गद्‌दै र सैतानबाट दुख पायाहरुकन भलो पाड्‌डै गया, क्‍यानभुन्‍या परमेसोर इसुस्‍हातै छिया।

१ तिमोथि 3:16

हामि मान्‍नाछौं, यइ हामिले गर्‍या बिसास भित्‍तको कुडा जात्‍ति ठुलो छः उनु आपै मान्‍ठको चोला ल्‍हि आया, पबित्‍त आत्‍माले उनुकन धर्मि हुन् भुनि देखाया, सोर्गका रैबार्‍याहरुले उनुकन देख्‍या, जाति जातिहरुका म्‍हाझौनो उनुको प्रचार भयो, धत्‍तिका मान्‍ठहरुले उनुकन बिसास गर्‍या, परमेसोरले उनुकन सोर्गमै ल्‍हिया।