२ तिमोथि 4:8 - जुम्‍ली

⁸ अब परमेसोरले मुकन जुम्‍मा लाया काम गर्‍या हुनाले मेरालेखि धार्मिकताको इनाम राखिदियाछुन्। निसाप गन्‍न्‍या प्रभुले आपु आउन्‍या दिन मुकन दिन्‍याछुन्, मुकन मात्‍तै हैन, तर उनु आउन्‍यादिनकन खुसि मानि ढुक्‍न्‍याहरु स्‍हबैकन दिन्‍याछुन्।

२ तिमोथि 4:8 Iomraidhean Croise

लुका 10:12

मु तुमिकन भुन्‍दछु, निसापको दिन तेइ सहरको भुन्‍दा सदोम सहरको हालत स्‍हन स्‍हकिन्‍या हुन्‍याछ।”

१ थेसलोनिकि 1:10

अनि सोर्गबाट आउन्‍या परमेसोरका छोरा जैकन परमेसोरले मर्‍याबाट ज्‍युँद्‍या, तुमिहरु तिँ नै इसुकन ढुकि बस्‍याछौ, जोले आइपड्‌न्‍या दुन्‍डबाट हामिकन बचाउन्‍याछुन्।

१ थेसलोनिकि 5:4

तर दाजुभाइहरु औ, तुमिहरु पापमै भयाहरु जैथै उद्‌यारोमै नाइ, तेइबिअ तेइ दिनले तुमिहरुकन चोर आया जैथै अचुम्‍ममै पड्‌न्‍या नाइ।

२ थेसलोनिकि 2:8

तेइपछि तेइ पाप गन्‍न्‍या मान्‍ठ देखला पड्‌न्‍याछ, प्रभु इसुले आम्‍नो स्‍हासले र उनु फर्कि आउन्‍या दिनको उजिलोले तेइकन नास गन्‍न्‍याछुन्।

१ तिमोथि 6:19

यइथैगरि तिनुहरुले पछि आम्‍नो स्‍हाँचो जिबनमै काम लागन्‍या धुनस्‍हुम्‍पति जुम्‍मा गरुन् र तिनुहरुले स्‍हाँचो जिबन जगाइ राख्‍न स्‍हक्‍न्‍याछुन्।

२ तिमोथि 1:10

तर मुक्‍तिदिन्‍या ख्रिस्‍ट इसु आयार तेइ अनुग्र हामिकन देखाया। इसुले मित्‍युकन नास पारि अजम्‍बरि जिबनकन राम्‍मो रैबारबाट देखाया।

२ तिमोथि 1:12

यइबिअ मोइले यिँ दुख स्‍हयाछु। तर मु स्‍हरम मान्‍नैन क्‍यानभुन्‍या मुइले को मै बिसास गर्‍याछु तेइ मुकन मात्‍तै थाँ छ र तेइ बेला स्‍हम्‍म मुइले उनुमै गर्‍या बिसास उनुकनै स्‍हुम्‍पियाछु, तेइ जगाइ राख्‍न स्‍हक्‍न्‍याछुन् भुनि मु पक्‍का छु।

२ तिमोथि 1:18

प्रभु फेरि आउन्‍या दिनमै तिनुकन प्रभुले दया गरुन्। मु एफिससमै भयाबेला तिनुले मेरो सेबा गर्‍या कुडा तुमिकन राम्‍मरि थाँ छ।

२ तिमोथि 2:5

खेलमै भाग ल्‍हिन्‍याले नियम उन्‍सार नखेल्‍या स्‍हम्‍म कोइ खेलाडिले पुनि इनाम पाउन स्‍हक्‍तैन।

२ तिमोथि 4:1

ज्‍युँदा र मर्‍याका स्‍हबै मान्‍ठहरुको निसाप गन्‍न आउन्‍या ख्रिस्‍ट इसुको र परमेसोरको अगेडि, अनि उनु आउन्‍या दिन र उनुको राज्‍याकन ध्‍यानमै राखि मु तुमिकन स्‍हारो आग्‍या दिदाछु,

तितस 2:13

यइथैगरि हामिले आस गर्‍या कुडा पुरा हुन्‍या दिनको बाटो हेद्‌दाछौं। तेइ दिन हाम्‍मो म्‍हाँन परमेसोर र मुक्‍तिदिन्‍या इसु ख्रिस्‍टको ठुलो मान भया देख्‍न्‍याछौं।