8 यान्नेस र याम्ब्रेसले मोसाको बिरोद गर्याजुन, यिँ मान्ठहरुले पुनि स्हइको बिरोद गद्दाछुन्। यिँ मान्ठहरु बुद्दि बिग्र्या र स्हाँचो बिसास नभया हुन्छुन्।
हामिले नपठाइकन हाम्मो बिचौनोबाट कोइ कोइ मान्ठहरु तुमिहरुति आइ बिफरा कुडा सिकाया र दुख दिया हामिले स्हुन्याछौं।
बिसास र राम्मो स्हुचाइ राखिराख। कोइ कोइ मान्ठहरुले राम्मो स्हुचाइकन मतलब नदिइ आम्नो बिसास नास गर्याछुन्।
यइथा सिच्छ्या लबार्न्या मान्ठहरुका छलबाटै हुन्याछ, जैका स्हुचाइ पोल्ल्या फलामले डाम्मि मरिस्हक्या जैथो केइ थाँ नपउन्या बोदो हुन्छ।
अनि यइथा कुबुद्दि भया र स्हाँचो कुडाबाट पर गया मान्ठहरुका म्हाँजौदो फाटो आउन्छ, र परमेसोरको भक्ति गन्नु फाइदा उठाउन्या बाटो हो भुनि तिनुहरु स्हुइताछुन्।
तेइदेखि तुमि पुनि चुनाखो भइ बस, क्यानकि तेइले हामिले स्हुनाया राम्मो रैबारको जात्ति बिरोद गर्यो।
क्यानभुन्या मथ्थै मान्ठहरु अरुको भुन्या नमान्या, तस्हैका कुडा गन्न्या र मान्ठहरुकन छल्याहरु हुन्याछुन्, झुन खासगरि खतना गन्नुपड्छ भुन्न्याहरु यइथै हुन्छुन्।
तिनुहरु परमेसोरकन रया छौं भुनि भुन्नाछुन् तर तिनुहरु आम्ना कामले उनुकन मान्नैनुन्। तिनुहरु घिन लाग्न्या र भुन्या नमान्न्या हुन्छुन् र केइ पुनि राम्मो काम गन्न लायकका हुदैनुन्।