२ तिमोथि 3:10 - जुम्‍ली

¹⁰ तिमोथि, मोइले सिकाया सिच्‍छ्‌या, मेरो चालचलन, मेरो उदेस्‍य, मेरो बिसास, मेरो धिर, मेरो माया र मेरो स्‍हन स्‍हक्‍न्‍या सक्‍तिकन तुमिले मान्‍याछौ।

२ तिमोथि 3:10 Iomraidhean Croise

लुका 1:3

अनि मोइले पैलैदेखि ध्‍यान दियर स्‍हबै कुडा खोजि गर्‍याछु, र यि कुडा धारैलाइ तुम्‍मो निम्‍ति लेख्‍न मुन लाग्‍यो।

प्रेरित 11:23

तिँ एन्‍टिओखियामै आयर परमेसोरले ताँइका मान्‍ठहरुकन दया गर्‍या देख्‍यार जात्‍ति खुसि भया, र तिनुहरु स्‍हबैकन सारा हिर्दयाले प्रभुकन बिसास गरि रनु भुनि बारनाबासले आँट दिया।

प्रेरित 2:42

अनि तिनुहरु मुख्‍य चेलाहरुका सिच्‍छ्‍या, सङ्‍गति, प्रभुभोज र प्रार्थनामै जैलेपुनि लागिरन्‍छिया।

प्रेरित 20:18

तिनुहरु पावल भया ठौरमै आयापछि पावलले तिनुहरुकन भुन्‍या, “एसियामै पुग्‍या अगेल्‍लो दिनबाटै नै मोइले स्हबै सुमयस्हुम्‍म तुमिहरुका भ्‍हाँजौनो क्यागरिकन बस्‍याँ भुन्‍या कुडा त तुमिहरुले थाँ पाया छौ।

प्रेरित 26:4

“मु आम्‍नै देसमै र यरुसलेम सहरमै भया यहुदिजातिका बिचमै हुर्क्‍याँ। तेइबिअ यहुदिहरुले मुकन राम्‍मरि रौन्‍छुन्।

१ थेसलोनिकि 1:5

क्‍यानभुन्‍या हामिले तुमिकन स्‍हुनाया राम्‍मो रैबार तस्‍हैका कुडा मात्‍तै छियानुन्, तर सक्‍ति र पबित्‍त आत्‍मामै पक्‍का आया हो। तुमिहरुका म्‍हाँजौदो छुन्‍जै तुमिहरुकै भलो होस् भुनि हामि कैथा मान्‍ठ भइ बस्‍या छियौं तुमिहरुकन थाँ छ।

१ तिमोथि 1:3

मु माकेडोनिया सहरमै जान्‍या बेला तुमिकन एफिसस सहरमै बस भुनि बिन्‍ति गर्‍याछियाँ र झुटो सिछ्‌या सिकाउन्‍याहरुकन तेइथो सिछ्‌या नसिकाउ भुनि स्‍हारो आग्‍या दिनु।

१ तिमोथि 4:6

यति तुमिले भाइहरुकन यि स्‍हबै कुडाका बार्‍यामै सिकायौ भुन्‍या, तुमिले मान्‍या राम्‍मा सिच्‍छ्‌या र बिसास गर्‍या बचनमै बलियो भइ तुमि ख्रिस्‍ट इसुका राम्‍मा सेबक हुन्‍याछौ।

१ तिमोथि 6:11

तर परमेसोरको मान्‍ठ तिमोथि, यि स्‍हबै कुडा छोड। अनि धार्मिकता, भक्‍ति, बिसास, माया, धिर गन्‍न र झुक्‍न्‍या कुडामै मुन लाउ।

२ तिमोथि 2:22

यइबिअ बुँइस हुन्‍जै मुनौदो आउन्‍या अराम्‍मा कुडाहरु छोड, र स्‍हुद्‌दो मुनले प्रभुको नाउँ ल्‍हिन्‍याहरु स्‍हात धार्मिकता, बिसास, माया र सान्‍तिमै लाग।

२ तिमोथि 4:2

बेला होस् या कुबेला परमेसोरको बचन स्‍हुनाउन स्‍हतिरौ। धिर गरेर मान्‍ठहरुकन अत्‍तो देउ, हप्‍काउ र राम्‍मो सिच्‍छ्‌याबाट हौसला देउ।

२ तिमोथि 4:3

क्‍यानकि यइथा दिन आउन्‍याछुन्, तेइबेला मान्‍ठहरु स्‍हाँचो सिच्‍छ्‌याकन स्‍हन स्‍हक्‍यानाइ, तर आपुकन मुन लाग्‍या कुडा मात्‍तै स्‍हुन्‍न मुन गन्‍न्‍याछुन् र आपुकन मुन लाग्‍या कुडा सिकाउन्‍याहरुकन खेड्‌न्‍याछुन्,

२ तिमोथि 4:7

मोइले बिसासको राम्‍मो लडाइ लडेकोछु। परमेसोरले मुकन स्‍हुम्‍पिया काम पुरा गन्‍न दगुड्‌न्‍या खेलाडिले दगुड स्‍हक्‍याजुन मोइले पुरा गर्‍याछु। मु बिसासमै रैरयाछु।

तितस 2:7

तुमि स्‍हबै कुडामै राम्‍मा काम गरि उदारन बन, र तुम्‍मो सिच्‍छ्‌यामै बिसासिलो, स्‍हबैले मान्‍या,