२ तिमोथि 2:19 - जुम्‍ली

¹⁹ तर परमेसोरले बिसाया जग पक्‍का रैरन्‍छ। ताँउनो छापलाइ यइ लेखियाछ, “प्रभुले आम्‍ना जतिकन रौन्‍छुन्,” र “परमेसोरको नाउँ ल्‍हिन्‍याहरु जति स्‍हबै अराम्‍मा कामहरुबाट परै बसुन्।”

२ तिमोथि 2:19 Iomraidhean Croise

मर्कुस 12:16

तिनुहरुले इसुकन एक रुडो ल्‍यायर दिया, तब इसुले भुन्‍या, “यइ रुडामै कैको नाउँ र छाप छ?” तिनुहरुले भुन्‍या, “रोमि म्‍हाँराजाको।”

मर्कुस 13:22

क्‍यानभुन्‍या झुटा मुक्‍तिदिन्‍या ख्रिस्‍टहरु र झुटा रैबार्‍याहरु उबिन्‍याछुन्। अनि स्‍हकेस्‍हम्‍म छान्‍याहरुकन पुनि छकाउन अच्‍चुम्‍मका कामहरु र चिनारिहरु देखाउन्‍याछुन्।

लुका 13:27

“तिनुले भुन्‍न्‍याछुन्, ‘मु तुमिहरुकन भुन्‍दछु, तुमिहरु काँबाट आयौ मु रौँदैन। खराब काम गन्‍न्‍यौ मुबाट जाउपुडा।’

लुका 6:48

तेइ एक जुन घर बुनाउन्‍या मान्‍ठजैथै हो, जोले गैरो खुनि पडामै घरको जग बसाल्‍यो। अनि ठुलै भल आयोर तेइ घरमै ठोकियो, तर तेइ घरकन हल्‍लाउन स्‍हकेन, क्‍यानभुन्‍या तेइ घर पक्‍का बुनाया छियो।

प्रेरित 11:26

जब बारनाबासले साउलकन भेटाया र एन्‍टिओखिया सहरमै ल्‍याया, अनि दुबै जुनाले एक बर्स्‍हस्‍म्‍म एन्‍टिओखियाका मन्‍डलिका मान्‍ठहरुस्‍हात भेटगाट गद्‌दै मथ्‍थै मान्‍ठहरुकन सिकाया। एन्‍टिओखियामै स्‍हबै भुन्‍दा पैला ख्रिस्‍टका चेलाहरुकन ख्रिस्‍टियान भुनिया हो।

प्रेरित 15:17

तेइबिअ अरु जातिका मान्‍ठहरुले परमप्रभुकन खोइन स्‍हकुन्। अनि अरुजातिका मान्‍ठहरुकन मोइले आम्‍नै हुन घोइराया छु।

प्रेरित 9:14

नेइ पुनि तुम्‍मो नाउँ ल्‍हिन्‍या स्‍हबै मान्‍ठहरुकन पग्‍डुन्‍या अदिकार मुख्‍य पुजारिहरुबाट पाइकन आया छ।”

१ तिमोथि 3:15

केइ गरि मुइले बार गर्‍या भुन्‍या परमेसोरको घरा मान्‍ठहरु कैथो गरि हड्‌नु पड्‌छ भुन्‍न्‍या कुडा यइ चिठिकबाट थाँ पाउन्‍याछौ। परमेसोरको घर भुन्‍नाले ज्‍युँदो परमेसोरको मन्‍डलि, स्‍हाँचो कुडाको खामो र जग हो।

१ तिमोथि 6:19

यइथैगरि तिनुहरुले पछि आम्‍नो स्‍हाँचो जिबनमै काम लागन्‍या धुनस्‍हुम्‍पति जुम्‍मा गरुन् र तिनुहरुले स्‍हाँचो जिबन जगाइ राख्‍न स्‍हक्‍न्‍याछुन्।