२ तिमोथि 1:12 - जुम्‍ली

¹² यइबिअ मोइले यिँ दुख स्‍हयाछु। तर मु स्‍हरम मान्‍नैन क्‍यानभुन्‍या मुइले को मै बिसास गर्‍याछु तेइ मुकन मात्‍तै थाँ छ र तेइ बेला स्‍हम्‍म मुइले उनुमै गर्‍या बिसास उनुकनै स्‍हुम्‍पियाछु, तेइ जगाइ राख्‍न स्‍हक्‍न्‍याछुन् भुनि मु पक्‍का छु।

२ तिमोथि 1:12 Iomraidhean Croise

लुका 10:12

मु तुमिकन भुन्‍दछु, निसापको दिन तेइ सहरको भुन्‍दा सदोम सहरको हालत स्‍हन स्‍हकिन्‍या हुन्‍याछ।”

लुका 23:46

अनि इसुले ठुलो डाको गरि भुन्‍या, “हे बाबा, मेरो आत्‍मा तुम्‍मा हातमै स्‍हुम्‍पुन्‍छु!” यति भुनि स्‍हक्‍यापछि इसुको परान गयो।

प्रेरित 13:46

तर पावल र बारनाबासले भेइ नमानिकन यइथो भुन्‍या, “परमेसोरको बचन स्‍हबै भुन्‍दा पैला तुमिहरुकनै स्‍हुनाउनु आबासेक छियो। तर तुमिहरुले यइ बचन नमानि आपैकन अजम्‍बरिको जिबन पाउन लायक नाइ भुन्‍या हुनाले हामि अब अरु जातिहरुति जान्‍याछौं।

प्रेरित 13:50

तर पावल र बारनाबासको बिरोदमै यहुदिहरुले धार्मिक मान्‍ठहरु र नाउँ चल्‍यायै स्‍हैनि र सहरका मुख्‍य मुख्‍य मान्‍ठहरुकन उस्‍काया, र तिँ दुइ जुनाकन आम्‍नो सिमानाबाट धपाया।

प्रेरित 21:13

तर पावलले भुन्‍या, “तुमिहरु क्यान यइथोरि रोइ मेरो मुनकन छिया छिया पाड्‌डाछौ? क्‍यानकि प्रभु इसुको नाउँको निम्‍ति मु झ्‍यालखानामै थुनिनु मात्‍तै हैन, तर यरुसलेममै मन्‍न पुनि राजि छु।”

प्रेरित 7:59

तिनुहरुले स्‍तिफनसकन ढुंगाले हानि रयाछिया, र तेइले प्रार्थना गर्‍यो, “हे प्रभु इसु, मेरो आत्‍माकन ल्‍हिदेउ।”

प्रेरित 9:16

मेरो निम्‍ति तेइले कति दुख स्‍हनुपड्‍छ तेइ मु तेइकन देखाउन्‍याछु।”

१ थेसलोनिकि 2:16

तिनुहरुले अरु जातिका मान्‍ठहरुकन मुक्‍ति पाउन्‍या कुडा स्‍हुनाउन हामिकन दियानुन्। यइथैगरि उकुरै तिनुहरुले झुन झुन पाप गद्‌दै जान्‍छुन्। तर आखिरमै परमेसोरको झोक तिनुहरुमै पड्‌याछ।

१ थेसलोनिकि 5:4

तर दाजुभाइहरु औ, तुमिहरु पापमै भयाहरु जैथै उद्‌यारोमै नाइ, तेइबिअ तेइ दिनले तुमिहरुकन चोर आया जैथै अचुम्‍ममै पड्‌न्‍या नाइ।

१ तिमोथि 6:20

तिमोथि, ज्‍या तुमिकन जुम्‍मा दियाछ, तेइ जगाइ राख्‍या। परमेसोरकन मान नहुन्‍या कुडाहरु नगर्‍या, तेइ झुटा ग्‍यान हुन्, तेइथा कुडाहरुबाट टाडै बस्‍या।

२ तिमोथि 1:14

तुमिकन जुम्‍मा लाया स्‍हाँचो कुडाकन हामिमै रन्‍या पबित्‍त आत्‍माको सयोगले जगाइ राख।

२ तिमोथि 1:16

प्रभुले ओनेसिफरसको घरा मान्‍ठहरुकन दया गरुन्, क्‍यानभुन्‍या तिनुले मुकन जैलेपुनि हौसला दिन्‍छिया, र मु झ्‍याल्‍खानामै थुनिया कुडामै स्‍हरम मान्‍दैनछिया।

२ तिमोथि 1:18

प्रभु फेरि आउन्‍या दिनमै तिनुकन प्रभुले दया गरुन्। मु एफिससमै भयाबेला तिनुले मेरो सेबा गर्‍या कुडा तुमिकन राम्‍मरि थाँ छ।

२ तिमोथि 1:8

यइबिअ हाम्‍मा प्रभुका बार्‍यामै भुन्‍न स्‍हरम नमान, र मु उनुको नाउँमै कैदि भया कुडामै स्‍हरम नमान, तर परमेसोरको सक्‍तिमै राम्‍मो रैबारका बिअ दुख गन्‍न तुमि पुनि स्‍हातै हँड।

२ तिमोथि 2:9

तेइ राम्‍मो रैबार स्‍हुनाया हुनाले मोइले जात्‍ति दुख पाइरयाछु र अपरादिका जैथै स्‍हाङ्‌लाले बानियाँछु। तर परमेसोरका बचन स्‍हाङ्‌लाले बानिदैनुन्।

२ तिमोथि 4:8

अब परमेसोरले मुकन जुम्‍मा लाया काम गर्‍या हुनाले मेरालेखि धार्मिकताको इनाम राखिदियाछुन्। निसाप गन्‍न्‍या प्रभुले आपु आउन्‍या दिन मुकन दिन्‍याछुन्, मुकन मात्‍तै हैन, तर उनु आउन्‍यादिनकन खुसि मानि ढुक्‍न्‍याहरु स्‍हबैकन दिन्‍याछुन्।

तितस 3:8

यइ भुनाइ पक्‍का छ। मोइले चायाछु तुमिले यइ कुडाहरुमै लागिरौ, तेइबिअ जोले परमेसोरमै बिसास गर्‍याछुन् आपुकन राम्‍मो काममै रैरन ध्‍यान देउन् क्‍यानकि यिँ कुडा मान्‍ठहरुका लेखि जात्‍ति राम्‍मो र काम लाग्‍न्‍याछ।