२ थेसलोनिकि 1:7 - जुम्‍ली

⁷ र तुमि दुख पायाकाहरुकन हामिहरु स्‍हातै दुखहरुबाट छुटाउन्‍याछुन। यइ तेइबेला हुन्‍याछ जैबेला प्रभु इसु आम्‍ना सक्‍तिसालि सोर्गका रैबार्‍यास्‍हात बल्‍दो आगामै सोर्गबाट आउन्‍याछुन्।

२ थेसलोनिकि 1:7 Iomraidhean Croise

मर्कुस 14:62

इसुले भुन्‍या, “मु हुँ। अनि तुमिहरुले मान्‍ठका छोराकन स्‍हबै भुन्‍दा ठुलो परमेसोरका दाइन्‍या काखैति बसिरया र सरगको बादलमै आइरया देख्‍न्‍याछौ।”

मर्कुस 8:38

अनि यइ बेबिचारि र पापि पुस्‍तामै जो मु देखि र मेरा बचन देखि स्‍हरम मान्‍नोछ, मान्‍ठको छोरा पुनि आम्‍ना बाबाको महिमामै पबित्‍त रैबार्‍यास्‍हात आउँदा तेइ देखि स्‍हरम मान्‍न्‍याछ।”

लुका 16:25

“तर अब्राहामले भुन्‍या, ‘छोरा, याद गर, तो आम्‍नो जुनिभरि सुखमै छिस्, अनि यइ लाजरसले दुखै दुख पायो। तेइ अब नेइ सुखमै छ र तो ताँइ दुख्‍खमै छै।

लुका 17:30

मान्‍ठको छोरा देखिन्‍या दिनमै यइथै हुन्‍याछ।

प्रेरित 1:11

तिनुहरुले भुन्‍या, “गालिलका मान्‍ठौ, तुमिहरु क्‍यान सरगतिर हेद्‌दै उबियाछौ? यिँ इसु, जो तुमिहरुबाट सोर्गमै ल्‍हिइया, अइले ज्‍यागरि तुमिहरुले इसुकन सोर्गमै गया देख्‍यौं, तेइथैगरि इसु फेरि आउन्‍याछुन्।”

प्रेरित 3:19

यइबिअ पछ्‍ताप गर र परमेसोरतिर फर्क, कि तुमिहरुका पाप माप हुन्‍याछुन्, र परमेसोरले तुमिहरुकन आत्‍मामै नौलो बल पाउन्‍या सुमय दिन्‍याछुन्।

१ थेसलोनिकि 3:13

उनुले तुमिहरुका मुन कैलै नफेरिन्‍या बुनाइदिउन्, जैबेला उनुका मान्‍ठहरुस्‍हात हाम्‍मा प्रभु इसु ख्रिस्‍ट फेरि आउन्‍याछुन्, तेइबेला उनुले हाम्‍मा परमेसोर बाबाका अगेडि तुमिहरुका हिर्दया पबित्‍त र बिनाखोटको ठर्‍याउन्।

२ तिमोथि 2:12

हामिले स्‍हयौं भुन्‍या, हामि पुनि उनुस्‍हातै राज गन्‍याछौं, हामिले उनुकन मान्‍न छोड्‌यौं भुन्‍या, उनुले पुनि हामिकन मान्‍न छोड्‌न्‍याछुन्,

तितस 2:13

यइथैगरि हामिले आस गर्‍या कुडा पुरा हुन्‍या दिनको बाटो हेद्‌दाछौं। तेइ दिन हाम्‍मो म्‍हाँन परमेसोर र मुक्‍तिदिन्‍या इसु ख्रिस्‍टको ठुलो मान भया देख्‍न्‍याछौं।