२ थेसलोनिकि 1:10 - जुम्‍ली

¹⁰ इसु आउन्‍या दिन आम्‍ना पबित्‍त स्‍हुन्‍तानहरुबाट उनुले महिमा पाउन्‍याछुन् र उनुकन बिसास गन्‍न्‍याहरु स्‍हबैले अचुम्‍म मान्‍न्‍याछुन्। तुमिहरु पुनि ताँइ हुन्‍याछौ क्‍यानभुन्‍या हामिले इसुको बार्‍यामै स्‍हुनाउँदा तुमिहरुले बिसास गर्‍यौ।

२ थेसलोनिकि 1:10 Iomraidhean Croise

लुका 10:12

मु तुमिकन भुन्‍दछु, निसापको दिन तेइ सहरको भुन्‍दा सदोम सहरको हालत स्‍हन स्‍हकिन्‍या हुन्‍याछ।”

१ थेसलोनिकि 1:5

क्‍यानभुन्‍या हामिले तुमिकन स्‍हुनाया राम्‍मो रैबार तस्‍हैका कुडा मात्‍तै छियानुन्, तर सक्‍ति र पबित्‍त आत्‍मामै पक्‍का आया हो। तुमिहरुका म्‍हाँजौदो छुन्‍जै तुमिहरुकै भलो होस् भुनि हामि कैथा मान्‍ठ भइ बस्‍या छियौं तुमिहरुकन थाँ छ।

१ थेसलोनिकि 2:1

दाजुभाइहरु औ, हामि तुमिहरुति भेटगाट गन्‍न गया तस्‍है खड गयोन यइ त तुमिहरु आपैकन थाँ छ।

१ थेसलोनिकि 2:12

यइबिअ तुमिहरुले परमेसोरकन मुन पड्‌न्‍या जिबन ज्‍युँन स्‍हक, अनि परमेसोरले तुमिहरुकन आम्‍नो राज्‍य र महिमामै डाक्‍न्‍याछुन्।

१ थेसलोनिकि 2:13

यइबिअ हामि पुनि परमेसोरकन बादै धन्‍यबाद चडाइरयाछौं, क्‍यानकि तुमिहरुले हामिबाट स्‍हुन्‍या कुडा परमेसोरको बचन हो। तुमिहरुले मान्‍ठको बचनजैथै हैन तर परमेसोरको बचन मानि ग्रहन गर्‍यौ तेइ बचनले बिसास गन्‍न्‍याहरुमै काम गद्‌दोछ।

२ थेसलोनिकि 1:12

तेइबिअ हाम्‍मा परमेसोर र प्रभु इसु ख्रिस्‍टको अनुग्र उनुसार तुमिहरुले प्रभु इसुको नाउँको महिमा गद्‌दाछौ, अनि उनुबाट तुमिहरुले पुनि मान पाउँछौ।

२ थेसलोनिकि 2:13

प्रभुले माया गर्‍या दाजुभाइहरु, तुमिहरुका लेखि हामि परमेसोरमै उकुरै धन्‍यबाद दिनै पड्‌छ। क्‍यानकि पैलैदेखि नै पबित्‍त आत्‍माको पबित्‍त पाड्‌या कामले र स्‍हाँचो बिसासले बाँइन परमेसोरले तुमिहरुकन छान्‍या।

१ तिमोथि 3:16

हामि मान्‍नाछौं, यइ हामिले गर्‍या बिसास भित्‍तको कुडा जात्‍ति ठुलो छः उनु आपै मान्‍ठको चोला ल्‍हि आया, पबित्‍त आत्‍माले उनुकन धर्मि हुन् भुनि देखाया, सोर्गका रैबार्‍याहरुले उनुकन देख्‍या, जाति जातिहरुका म्‍हाझौनो उनुको प्रचार भयो, धत्‍तिका मान्‍ठहरुले उनुकन बिसास गर्‍या, परमेसोरले उनुकन सोर्गमै ल्‍हिया।

२ तिमोथि 1:12

यइबिअ मोइले यिँ दुख स्‍हयाछु। तर मु स्‍हरम मान्‍नैन क्‍यानभुन्‍या मुइले को मै बिसास गर्‍याछु तेइ मुकन मात्‍तै थाँ छ र तेइ बेला स्‍हम्‍म मुइले उनुमै गर्‍या बिसास उनुकनै स्‍हुम्‍पियाछु, तेइ जगाइ राख्‍न स्‍हक्‍न्‍याछुन् भुनि मु पक्‍का छु।

२ तिमोथि 1:18

प्रभु फेरि आउन्‍या दिनमै तिनुकन प्रभुले दया गरुन्। मु एफिससमै भयाबेला तिनुले मेरो सेबा गर्‍या कुडा तुमिकन राम्‍मरि थाँ छ।

२ तिमोथि 4:8

अब परमेसोरले मुकन जुम्‍मा लाया काम गर्‍या हुनाले मेरालेखि धार्मिकताको इनाम राखिदियाछुन्। निसाप गन्‍न्‍या प्रभुले आपु आउन्‍या दिन मुकन दिन्‍याछुन्, मुकन मात्‍तै हैन, तर उनु आउन्‍यादिनकन खुसि मानि ढुक्‍न्‍याहरु स्‍हबैकन दिन्‍याछुन्।