१ तिमोथि 6:14 - जुम्‍ली

¹⁴ मु तुमिकन आदेस दिन्‍छु, प्रभु इसु ख्रिस्‍ट फेरि देखाला नपरुन्‍जै यइ आग्‍याकन स्‍हुद्‌दो मुनले मान, क्‍यानकि कोइले पुनि तुमिकन बदि लाउन नस्‍हकोस्।

१ तिमोथि 6:14 Iomraidhean Croise

१ थेसलोनिकि 3:13

उनुले तुमिहरुका मुन कैलै नफेरिन्‍या बुनाइदिउन्, जैबेला उनुका मान्‍ठहरुस्‍हात हाम्‍मा प्रभु इसु ख्रिस्‍ट फेरि आउन्‍याछुन्, तेइबेला उनुले हाम्‍मा परमेसोर बाबाका अगेडि तुमिहरुका हिर्दया पबित्‍त र बिनाखोटको ठर्‍याउन्।

१ थेसलोनिकि 5:23

सान्‍तिका परमेसोर आपैले स्‍हबै तरिकाले तुमिहरुकन पबित्‍त पारुन्, र तुमिहरुका आत्‍मा, परान र हड हाम्‍मा प्रभु इसु ख्रिस्‍ट फेरि आउन्‍या दिनमै कोइ पुनि खोट नभया होस्।

२ थेसलोनिकि 2:1

दाजुभाइहरु औ, हाम्‍मा प्रभु इसु ख्रिस्‍ट फर्कि आउन्‍या बार्‍यामै र उनुकन भेट्‌न हामि स्‍हबैस्‍हातै खेडिन्‍या बार्‍यामै हामि तुमिहरुकन बिन्‍ति गद्‌दाछौं,

२ थेसलोनिकि 2:8

तेइपछि तेइ पाप गन्‍न्‍या मान्‍ठ देखला पड्‌न्‍याछ, प्रभु इसुले आम्‍नो स्‍हासले र उनु फर्कि आउन्‍या दिनको उजिलोले तेइकन नास गन्‍न्‍याछुन्।

१ तिमोथि 6:20

तिमोथि, ज्‍या तुमिकन जुम्‍मा दियाछ, तेइ जगाइ राख्‍या। परमेसोरकन मान नहुन्‍या कुडाहरु नगर्‍या, तेइ झुटा ग्‍यान हुन्, तेइथा कुडाहरुबाट टाडै बस्‍या।

२ तिमोथि 4:1

ज्‍युँदा र मर्‍याका स्‍हबै मान्‍ठहरुको निसाप गन्‍न आउन्‍या ख्रिस्‍ट इसुको र परमेसोरको अगेडि, अनि उनु आउन्‍या दिन र उनुको राज्‍याकन ध्‍यानमै राखि मु तुमिकन स्‍हारो आग्‍या दिदाछु,

तितस 2:13

यइथैगरि हामिले आस गर्‍या कुडा पुरा हुन्‍या दिनको बाटो हेद्‌दाछौं। तेइ दिन हाम्‍मो म्‍हाँन परमेसोर र मुक्‍तिदिन्‍या इसु ख्रिस्‍टको ठुलो मान भया देख्‍न्‍याछौं।