१ तिमोथि 4:16 - जुम्‍ली

¹⁶ आम्‍नो बार्‍यामै र आम्‍नो सिच्‍छ्‌याका बार्‍यामै चनाखो भइ बस। यि कुडाहरुमै लागिरौ। यइथो गर्‍यौ भुन्‍या तुमि आपै र स्‍हुन्‍याहरु दुबैले मुक्‍ति पाउन्‍याछुन्।

१ तिमोथि 4:16 Iomraidhean Croise

मर्कुस 13:9

“तुमिहरु आम्‍ना बिअ चुनाखा होउ। तिनुहरुले तुमिहरुकन अदालतमै सुम्‍पिदिन्‍याछुन्। तुमिहरु सबाघरहरुमै कुटिन्‍याछौ। अनि हाकिमहरु र राजाहरुका अगेडि मेरो बार्‍यामै तुमिहरु स्‍हाँचि दिन उबिन्‍याछौ।”

लुका 21:34

“तर तुमिहरु चुनाखा होउ, मोजमज्‍जा नगर, मात्‍तिकन नहँड र यइ जुनिको निम्‍ति चिन्‍ता नगर। नतर तुमिहरुको मुन बोदो हुन्‍याछ र एक्‍कासि तुमिहरुमै तेइ दिन पासो जस्‍तै आइपड्‌न्‍याछ।

प्रेरित 26:22

तर आजको दिनस्‍हम्‍म परमेसोरबाट मोइले सायता पायाछु। यइबिअ नाना ठुला दुबैकन स्‍हाँचि दिनै मु नेइ उबियाछु। परमेसोरका रैबार्‍याहरुले र मोसाले बोल्‍या बचन अबस्‍य पुरा हुन्‍याछुन् भुन्‍न्‍या कुडा बाएक मोइले अरु केइ भुन्‍यानाइ।

प्रेरित 6:4

तर हामि प्रार्थना र परमेसोरको बचन प्रचारको सेबामै पुरै सुमय दिन्‍याछौ।”

१ थेसलोनिकि 2:16

तिनुहरुले अरु जातिका मान्‍ठहरुकन मुक्‍ति पाउन्‍या कुडा स्‍हुनाउन हामिकन दियानुन्। यइथैगरि उकुरै तिनुहरुले झुन झुन पाप गद्‌दै जान्‍छुन्। तर आखिरमै परमेसोरको झोक तिनुहरुमै पड्‌याछ।

१ तिमोथि 1:3

मु माकेडोनिया सहरमै जान्‍या बेला तुमिकन एफिसस सहरमै बस भुनि बिन्‍ति गर्‍याछियाँ र झुटो सिछ्‌या सिकाउन्‍याहरुकन तेइथो सिछ्‌या नसिकाउ भुनि स्‍हारो आग्‍या दिनु।

१ तिमोथि 4:15

तुमिकन जिम्‍मालाया कामहरु राम्‍मोगरि गर। तिँ कुडामै ध्‍यान लाया क्‍यानभुन्‍या तुम्‍मो फल्‍लिफाप भया स्‍हबैले देखोस्।

१ तिमोथि 4:6

यति तुमिले भाइहरुकन यि स्‍हबै कुडाका बार्‍यामै सिकायौ भुन्‍या, तुमिले मान्‍या राम्‍मा सिच्‍छ्‌या र बिसास गर्‍या बचनमै बलियो भइ तुमि ख्रिस्‍ट इसुका राम्‍मा सेबक हुन्‍याछौ।

२ तिमोथि 2:10

यइबिअ परमेसोरले छान्‍याहरुका लेखि मु स्‍हबै स्‍हन स्‍हक्‍छु, क्‍यानभुन्‍या तिनुहरुले पुनि कैलै नस्‍हकिन्‍या महिमा र ख्रिस्‍ट इसुमै भया मुक्‍ति पाउन स्‍हकुन्।

२ तिमोथि 3:14

तर तुमि आपुले सिक्‍या र बदिलोस्‍हात बिसास गर्‍या यि कुडाहरुमै पक्‍का भैरौ। ति कैबाट सिक्‍यौ, तेइ तुमिकन थाँ छ।

२ तिमोथि 4:2

बेला होस् या कुबेला परमेसोरको बचन स्‍हुनाउन स्‍हतिरौ। धिर गरेर मान्‍ठहरुकन अत्‍तो देउ, हप्‍काउ र राम्‍मो सिच्‍छ्‌याबाट हौसला देउ।

तितस 1:9

तेइकन सिकाया स्‍हाँचो बचनमै लागिराखोस् क्‍यानकि तेइले अरुकन पुनि यइ स्‍हइ सिच्‍छ्‌या हो भुनि सिच्‍छ्‌या दिनस्‍हकोस् अनि यइको बिरोद गन्‍न्‍याहरुको गल्‍ति काम पुनि देखाइदिन स्‍हकोस्।

तितस 2:15

यि कुडाहरु तुमिले पुरै हकस्‍हात स्‍हुनाउ, अत्‍ति देउ र हप्‍काउ। कोइले पुनि तुमिकन हेला नगरोस्।

तितस 2:7

तुमि स्‍हबै कुडामै राम्‍मा काम गरि उदारन बन, र तुम्‍मो सिच्‍छ्‌यामै बिसासिलो, स्‍हबैले मान्‍या,