१ तिमोथि 3:15 - जुम्‍ली

¹⁵ केइ गरि मुइले बार गर्‍या भुन्‍या परमेसोरको घरा मान्‍ठहरु कैथो गरि हड्‌नु पड्‌छ भुन्‍न्‍या कुडा यइ चिठिकबाट थाँ पाउन्‍याछौ। परमेसोरको घर भुन्‍नाले ज्‍युँदो परमेसोरको मन्‍डलि, स्‍हाँचो कुडाको खामो र जग हो।

१ तिमोथि 3:15 Iomraidhean Croise

प्रेरित 1:2

इसु सोर्गमै ल्‍हिइनु भुन्‍दा अग्‍यार उनुले छान्‍या मुख्‍य चेलाहरुकन पबित्‍त आत्‍माको सक्‍तिबाट आग्‍या दिया।

प्रेरित 14:15

“या दाजुभाइहरु हौं, तुमिहरु क्‍यान यइथो काम गद्‌दाछौं? हामि पुनि तुमिहरु जैथै सुख दुख गन्‍न्‍या मान्‍ठ हौं, हामि तुमिहरुकन परमेसोरले दिया रैबार स्‍हुनाउन आया हौं। यइथो नराम्‍मो काम छोडि सोर्ग र धत्‍ति, अनि ताँइ भया स्‍हबै चिज बुनाउन्‍या ज्‍युँदा परमेसोरकन मान्‍नु पड्‌छ।

१ थेसलोनिकि 1:9

क्‍यानकि तुमिहरुति आउँदा जैथो तओ तरिकाले हाम्‍मो स्‍हुम्‍मान गर्‍यौ, अनि ज्‍युँदा र स्‍हाँचो परमेसोरको सेबा गन्‍न तुमिहरु मुत्‍ति पुजाहरु छोडेर परमेसोरतिर फर्क्‍यौ, यि कुडा त मान्‍ठहरुले नै स्‍हुनाउनाछुन्।

१ तिमोथि 3:14

मु तुमिति स्‍हाँटै आउन्‍या आस राख्‍याछु रपुनि यइ तुमिकन लेख्‍ताछु,

१ तिमोथि 3:16

हामि मान्‍नाछौं, यइ हामिले गर्‍या बिसास भित्‍तको कुडा जात्‍ति ठुलो छः उनु आपै मान्‍ठको चोला ल्‍हि आया, पबित्‍त आत्‍माले उनुकन धर्मि हुन् भुनि देखाया, सोर्गका रैबार्‍याहरुले उनुकन देख्‍या, जाति जातिहरुका म्‍हाझौनो उनुको प्रचार भयो, धत्‍तिका मान्‍ठहरुले उनुकन बिसास गर्‍या, परमेसोरले उनुकन सोर्गमै ल्‍हिया।

१ तिमोथि 3:2

यइबिअ मन्‍डलिको अगुवा हुन्‍या मुन गन्‍न्‍या मान्‍ठकन कोइले पुनि बदि लाउन नस्‍हक्‍न्‍या हुनुपड्‌छ। तेइको एक्‍कै जोइ हुनुपड्‌छ, आपुकन कब्‍जामै राख्‍न्‍या, कुडा बुझि राम्‍मो काम गन्‍या, स्‍हबैले मान्‍याको, पाउनाकन मान गन्‍न्‍या र बिसासिकन परमेसोरको रैबार राम्‍मरि सिकाउन स्‍हक्‍न्‍या हुनुपड्‌छ।

१ तिमोथि 3:5

यति कोइ मान्‍ठले आम्‍नो घरा झानकन तह लाउन जान्‍नैन भुन्‍या, तेइले परमेसोरका मन्‍डलिको हेरबिचार क्‍यारि गन्‍न स्‍हकला?

१ तिमोथि 4:10

क्‍यानकि यइ उदेस्‍यले हामि म्‍हिनेत र कोसित गद्‌दाछौ, क्‍यानकि हाम्‍मो आस ज्‍युँदा परमेसोरमै राख्‍या छ। उनु नै स्‍हबै मान्‍ठका र बिसेसगरि उनिमै बिसास गन्‍न्‍याहरुका मुक्‍ति दिन्‍या हुन्‍याछुन्।

१ तिमोथि 6:16

उनु अजम्‍बरि रैरन्‍छुन्, र उनु तेइथो उजिलाउदो बैथाछुन् तेइ उजिला काखति कोइ पुनि जान स्‍हक्‍तैनुन्। उनुकन कोइ मान्‍ठले पुनि देख्‍या नाइ, न त देख्‍न स्‍हक्‍तोछ। उनुको मान होस् र सक्‍ति उकुरै रैरहोस्। आमेन।

२ तिमोथि 2:19

तर परमेसोरले बिसाया जग पक्‍का रैरन्‍छ। ताँउनो छापलाइ यइ लेखियाछ, “प्रभुले आम्‍ना जतिकन रौन्‍छुन्,” र “परमेसोरको नाउँ ल्‍हिन्‍याहरु जति स्‍हबै अराम्‍मा कामहरुबाट परै बसुन्।”

२ तिमोथि 2:20

स्‍हाउका घर सुन र चाँदिका भाँडाहरु मात्‍तै हुनैनन्, तर काठा र माटाका पुनि हुन्‍छुन्। कोइ मान गन्‍न र कोइ मान नहुन्‍या कामका लेखि हुन्‍छुन्।