१ थेसलोनिकि 3:3 - जुम्‍ली

³ क्‍यानकि यिँ दुखहरुले गद्‌दा कोइले हरेस नखाओस्। तुमिहरु आपैकन थाँ छ, कि यइथा दुख स्‍हन हामि खटाइया हौं।

१ थेसलोनिकि 3:3 Iomraidhean Croise

लुका 21:12

तर यि स्‍हबै कुडा हुन अग्‍यर मान्‍ठहरुले तुमिहरुकन पक्‍डन्‍याछुन्, सताउन्‍याछुन र तुमिहरुकन सबाघरमै ल्‍हि बदि लाउन्‍याछुन् र झ्‍यालखाना हाल्‍याछुन्। अनि तुमिहरुले मुकन पछ्‌याया हुनाले तुमिहरुकन राजाहरु र सासकहरुका मुखति पिरउन्‍याछन।

प्रेरित 14:22

ताँइ तिनुहरुले चेलाहरुकन बिसासमै बलिया हुनु भुन्‍दै अत्‍तो दिया, र परमेसोरको राज्‍यामै पैनु भुन्‍दा अगाडि हामि स्‍हबैले मथ्‍थै दुख स्‍हनु पड्‌छ भुनि तिनुहरुकन सिकाया।

प्रेरित 2:25

क्‍यानकि दाउद राजाले इसुको बार्‍यामै भुन्‍नाछुन्, “‘मोइले प्रभुकन जैलेपुनि मेरा अगाडि देख्‍याँ, मु भेइ मान्‍दैन क्‍यानकि परमेसोर मेरा दाइन्‍या पट्‌टि छुन्।

प्रेरित 21:11

तिँ परमेसोरका रैबार्‍या हामि भया ठौरमै आया र पावलको पाउडो ल्‍हिया र आम्‍नो हात खुट्‍टा बानिकन, भुन्‍या, “पबित्‍त आत्‍मा यइथो भुन्‍नाछुन, ‘यइ पाउडो जो मान्‍ठको हो, तेइकन यरुसलेममै यहुदिहरुले यइथैगरि बान्‍न्‍याछुन र अरु जातिहरुका हातमै स्हुम्‍पिदिन्‍याछुन्।’”

प्रेरित 21:13

तर पावलले भुन्‍या, “तुमिहरु क्यान यइथोरि रोइ मेरो मुनकन छिया छिया पाड्‌डाछौ? क्‍यानकि प्रभु इसुको नाउँको निम्‍ति मु झ्‍यालखानामै थुनिनु मात्‍तै हैन, तर यरुसलेममै मन्‍न पुनि राजि छु।”

प्रेरित 9:16

मेरो निम्‍ति तेइले कति दुख स्‍हनुपड्‍छ तेइ मु तेइकन देखाउन्‍याछु।”

१ थेसलोनिकि 5:9

क्‍यानकि परमेसोरले हामिकन दुन्‍ड दिन हैन, तर हाम्‍मा प्रभु इसु ख्रिस्‍टबाट मुक्‍ति पाउन पैलै छान्‍या हुन्।

२ थेसलोनिकि 1:4

यइबिअ तुमिहरुका स्‍हबै दुख र तुमिहरुले स्‍हया दुखहरुका म्‍हाँजौदो तुमिहरुले गर्‍या धिर र बिसासका लेखि परमेसोरका मन्‍डलिहरुका म्‍हाँजौदो हामि तुमिहरुका बार्‍यामै गर्ब गद्‌दै भुन्‍दाछौं।

२ तिमोथि 1:8

यइबिअ हाम्‍मा प्रभुका बार्‍यामै भुन्‍न स्‍हरम नमान, र मु उनुको नाउँमै कैदि भया कुडामै स्‍हरम नमान, तर परमेसोरको सक्‍तिमै राम्‍मो रैबारका बिअ दुख गन्‍न तुमि पुनि स्‍हातै हँड।