१ थेसलोनिकि 2:17 - जुम्‍ली

¹⁷ क्‍यानकि दाजुभाइहरु औ, हामि हिर्दयाबाट हैन, तर आँखा अगेडि केइ छिनका बिअ छुट्‌टिया हुनाले, तुमिहरुकन फेरि भेट्‌न्‍या ठुलो इच्‍छ्‌या छ।

१ थेसलोनिकि 2:17 Iomraidhean Croise

लुका 12:58

तुमिहरुकन उजुरि हाल्‍या स्‍हात अदालत जाँदा, बाटमै तेइस्‍हात मिलाप गर, नतर तेइले तुमिकन न्‍यायादिसति तानेर ल्‍हैजान्‍याछ, र न्‍यायादिसले तुमिकन हाकिमका हातमै जुम्‍मा दिन्‍याछ, र हाकिमले तुमिकन झ्‍यालखानमै हाल्‍दिन्‍याछ।

लुका 22:15

इसुले तिनुहरुकन भुन्‍या, “मैले दुख्‍ख पाउनु भुन्‍दा अग्‍यार नै तेइ मुक्‍तिको त्‍युबारको भोज तुमिहरु स्‍हात खान्‍या ठुलो इच्‍छ्‌या गर्‍या छियाँ।”

प्रेरित 17:10

पावल र सिलासकन प्रभुमै बिसास गन्‍न्‍या दाजुभाइहरुले राता रात बेरिया सहरमै पठाया। अनि तिनुहरु बेरियामै पुग्‍यापछि यहुदिहरुको सबाघर भित्‍त पस्‍या।

१ थेसलोनिकि 3:6

तर अइले तिमोथि तुमिहरुकन भेटि हामिति आयार तुमिहरुमै बिसास र माया छ भुनि रैबार हामिकन स्‍हुनाया। तुमिहरुले हामिकन भेट्‌न्‍या मुन गरि उकुरै मायाले हाम्‍मो ल्‍हरि गाड्‌डाछौ भुन्‍या रैबार तिनुले दिया। हामि पुनि तुमिहरुकन भेट्‌न्‍या उत्‍तिकै घिडो गर्‍याछौं।