१ थेसलोनिकि 1:10 - जुम्‍ली

¹⁰ अनि सोर्गबाट आउन्‍या परमेसोरका छोरा जैकन परमेसोरले मर्‍याबाट ज्‍युँद्‍या, तुमिहरु तिँ नै इसुकन ढुकि बस्‍याछौ, जोले आइपड्‌न्‍या दुन्‍डबाट हामिकन बचाउन्‍याछुन्।

१ थेसलोनिकि 1:10 Iomraidhean Croise

लुका 2:25

तेइबेला यरुसलेममै एक जुन सिमियोन नाउँ गर्‍या मान्‍ठ छिया। तिँ इस्राएलका धर्मि र भक्‍तजन भया हुनाले, तिँ इस्राएलिहरुकन बचाउन्‍या मान्‍ठको बाटो ढुकि बस्‍या छिया। परमेसोरको आत्‍मा तिनुति छियो।

लुका 3:7

मस्‍थै मान्‍ठहरु बप्‍तिस्‍मा ल्‍हिन युहन्‍नाति आया। तर युहन्‍नाले मान्‍ठहरुकन भुन्‍या, “ए स्‍हापका स्‍हुन्‍तनौ, परमेसोरले गन्‍न्‍या सजायबाट उम्‍किन स्‍हकौला भुनि तुमिहरुकन कोइले सिकायो?

प्रेरित 1:11

तिनुहरुले भुन्‍या, “गालिलका मान्‍ठौ, तुमिहरु क्‍यान सरगतिर हेद्‌दै उबियाछौ? यिँ इसु, जो तुमिहरुबाट सोर्गमै ल्‍हिइया, अइले ज्‍यागरि तुमिहरुले इसुकन सोर्गमै गया देख्‍यौं, तेइथैगरि इसु फेरि आउन्‍याछुन्।”

प्रेरित 17:31

क्‍यानभुन्‍या परमेसोरले धत्‍तिका स्‍हबै मान्‍ठहरुको निसाप गन्‍न्या दिन छानि स्‍हक्‍या छुन्। तेइ दिन उनुले छान्‍या मान्‍ठबाट सुन्‍सारका मान्‍ठहरुको स्‍हइ निसाप गर्न्‍याछुन्। तेइ मान्‍ठकन निसाप गन्‍न्‍या अदिकार छ भुन्‍न्‍या प्रमाण स्‍हबै मान्‍ठहरुकन दिन परमेसोरले उनुकन मर्‍याबाट ज्‍युँद्‍याया।”

प्रेरित 2:24

इसुकन परमेसोरले मित्‍युको दुखबाट छुटाया र ज्‍युँदो गर्‍या। क्‍यानकि मित्‍युले इसुकन कब्‍जामै राखिरन सुम्‍भब छियोन।

प्रेरित 2:32

यिँ इसुकन परमेसोरले ज्‍युँद्‌याया। यइ कुडाका हामि स्‍हबै स्‍हाँचि छौं।

प्रेरित 3:15

र जिबन दिन्‍याकन तुमिहरुले मार्‍यौं, जैकन परमेसोरले मर्‍याबाट ज्‍युँद्‍याया, यइखो स्‍हाँचि हामि छौ।

प्रेरित 3:21

परमेसोरले पैला देखि आम्‍ना पबित्‍त रैबार्‍याबाट बोल्‍या स्‍हबै कुडा फेरि नौला नबुनायास्‍हम्‍म इसु ख्रिस्‍ट सोर्गमै रनु पड्‌छ।

प्रेरित 4:10

तुमिहरु स्‍हबैकन र इस्राएलका स्‍हबै मान्‍ठहरुकन थाँ होस्‌, कि तुमिहरुले क्रुसमै टाँग्‍यर मार्‍या र परमेसोरले मर्‍याबाट ज्‍युँदो पाड्‍या नासरतका इसु ख्रिस्‍टको नाउँमै यइ मान्‍ठ तुमिहरुका अगाडि पुरै भलो भइ उठ्‌याछ।

१ थेसलोनिकि 1:7

न्‍यास्‍हम्‍म कि माकेडोनिया र अखैया सहरमै स्‍हबै बिसासिहरुका म्‍हाँजौदो तुमिहरु उदारन बन्‍यौ।

१ थेसलोनिकि 2:16

तिनुहरुले अरु जातिका मान्‍ठहरुकन मुक्‍ति पाउन्‍या कुडा स्‍हुनाउन हामिकन दियानुन्। यइथैगरि उकुरै तिनुहरुले झुन झुन पाप गद्‌दै जान्‍छुन्। तर आखिरमै परमेसोरको झोक तिनुहरुमै पड्‌याछ।

१ थेसलोनिकि 2:7

आमाले आम्‍ना छाचुरिहरुकन पाल्‍ताल् गर्‍या जैथै हामिले तुमिहरुकन मायाले बेबार गर्‍यौं।

१ थेसलोनिकि 5:9

क्‍यानकि परमेसोरले हामिकन दुन्‍ड दिन हैन, तर हाम्‍मा प्रभु इसु ख्रिस्‍टबाट मुक्‍ति पाउन पैलै छान्‍या हुन्।

२ तिमोथि 4:1

ज्‍युँदा र मर्‍याका स्‍हबै मान्‍ठहरुको निसाप गन्‍न आउन्‍या ख्रिस्‍ट इसुको र परमेसोरको अगेडि, अनि उनु आउन्‍या दिन र उनुको राज्‍याकन ध्‍यानमै राखि मु तुमिकन स्‍हारो आग्‍या दिदाछु,

तितस 2:13

यइथैगरि हामिले आस गर्‍या कुडा पुरा हुन्‍या दिनको बाटो हेद्‌दाछौं। तेइ दिन हाम्‍मो म्‍हाँन परमेसोर र मुक्‍तिदिन्‍या इसु ख्रिस्‍टको ठुलो मान भया देख्‍न्‍याछौं।