Matiyu 4:3 - LAYIDUKURA

³ Sutana gwɛrɛla a la k'a fɔ a ye ko: “N'i ye Ala Deen ye, a fɔ ko kabakuru nunu ka yɛlɛma ka kɛ buru ye.”

Jula NT of Côte d’Ivoire

³ Setana gbarara a ra k’a fɔ a ye ko: «Den min bɔra Ala ra*, ni ele lo can ra, a fɔ nin kabakuruw ye ko o ye yɛlɛma ka kɛ buru ye kɛ!»

ALA KA KUMA

³ Sutana gwɛrɛla a la k'a fɔ a ye ko: «N'i ye Ala Deen ye, a fɔ ko kabakuru nunu ka yɛlɛma ka kɛ buru ye.»

Matiyu 4:3 Iomraidhean Croise

Matiyu 14:33

Kalanden tɔ minw tun bɛ kurun kɔnɔ, olu y'u kunbiri gwan Yezu kɔrɔ k'a fɔ a ye ko: “Tinyɛ na, i ye Ala Deen ye.”

Matiyu 16:16

Simɔn Piyɛri y'a jaabi ko: “I ye Ala ka Mɔgɔ wolomanin nin ye, Ala Dencɛ.”

Matiyu 26:63

Yezu m'a jaabi. Sarakalasebaga kuntigiba y'a fɔ a ye ko: “Ni ele lo ye Ala ka Mɔgɔwolomanin, ni Ala Dencɛ ye, a fɔ an ye Ala kɔsɔn.”

Matiyu 3:17

Kumakan dɔ bɔra sankolo la k'a fɔ ko: “Nin ye ne Dencɛ ye. A koo ka di ne ye haali. A diyara ne ye, n y'a woloma.”

Marika 1:1

Kibaru diman min bɛ Ala Dencɛ Yezu Krista koo fɔ, o bɛ daminɛ yan.

Marika 3:11

Ni jinatɔw y'a ye tuma o tuma, u tun b'u kunbiri gwan a kɔrɔ ka pɛrɛn ko: “I ye Ala Dencɛ ye.”

Marika 5:7

A pɛrɛnna ko: “Mun b'an cɛ, Ala kɔrɔtaninba Dencɛ Yezu? N b'i dali Ala kama, i kana n tɔɔrɔ.”

Luka 1:35

Mɛlɛkɛ y'a jaabi ko: “Nii Senuman bɛna jigi i kan, Setigi Ala bɛn'a ka setigiya yira i la. O kama, i bɛna Deen senuman min wolo, o bɛna wele Ala Dencɛ.

Luka 22:70

U bɛɛ y'a fɔ ko: “O tuma na, e ye Ala Dencɛ ye wa?” A y'a fɔ u ye ko: “Aw yɛrɛ y'a fɔ ka ban do, ne lo.”

Luka 4:3

O tuma na, Sutana y'a fɔ a ye ko: “N'i ye Ala Dencɛ ye, a fɔ ko kabakuru nin ka yɛlɛma ka kɛ buru ye.”

Luka 4:41

Jinaw fana bɔra mɔgɔ caaman na. U bɔtɔ, u tun bɛ pɛrɛn ko: “I ye Ala Dencɛ ye.” Nga Yezu ye kangari la u ye. A tun tɛ sɔn u ka kuma, bari olu tun b'a lɔn ko Ala ka Mɔgɔwolomanin nin lo.

Luka 4:9

A laban na, Sutana taara n'a ye Zeruzalɛmu Alabatosoba kuun na, k'a fɔ a ye ko: “N'i ye Ala Dencɛ ye, pan ka cun duguma,

Yuhana 1:34

Ne y'o ye, o la ne ko ale le ye Ala Deen ye.”

Yuhana 1:49

Natanayɛli y'a jaabi ko: “Karamɔgɔ, i ye Ala Deen ye, i ye Isirayɛli ka masa ye.”

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka hɛrɛ banbali sɔrɔ a barika la.

Yuhana 9:35

Yezu y'a mɛn k'u y'a gwɛn minkɛ, a nan'a kunbɛn, a y'a nyininga ko: “I bɛ la Mɔgɔ Dencɛ la wa?”

Kɛwalew 9:20

O yɔrɔnin bɛ Sɔli y'a daminɛ ka mɔgɔw kalan Alabatosow kɔnɔ ko Yezu ye Ala Deen ye.

Kor 2nan 1:19

Bari ne ni Silivɛn ani Timote, anw ye Ala Dencɛ Yezu Krista min kibaru fɔ aw ye, o ma kɛ ɔnhɔn, ni ayi koo ye, nga o ye Ala ka tinyɛ ye.

Galasikaw 2:20

Hali n'aw y'a ye ko ne bɛ nii na halibele, o tɛ ne yɛrɛ sababu ye, o ye Krista ka sababu ye. Bari n'aw y'a ye ko ne nyanaman lo farisogo la, o kɛra Ala Dencɛ barika la, ne ye n jigi la o min kan. A ye ne kanu fɔɔ k'a yɛrɛ di ne kɔsɔn.

Tes fɔlɔ 3:5

Ne tun tɛ se ka munyuli kɛ tugu, o la ne ye Timote ci, waasa ale ka taa aw filɛ yala n'aw jigi bɛ Ala kan tugu, janko a ka kɔsegi ka na n'o kibaruya ye. Ne tun bɛ siran ko Sutana kana aw nigɛ k'an ka baara kɛ fu ye.

Heburuw 12:16

Mɔgɔ si kana kɛ kakala ye, walima Alanyasiranbali ye, i n'a fɔ Ezawu, ale min y'a ka kɔrɔya falen dumuni na.

Heburuw 4:14

Ayiwa, sarakalasebagaw kuntigiba nyanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi bɛ min kan, an k'a to o kan.

Heburuw 7:3

Faa t'a fɛ, baa t'a fɛ, buruju t'a fɛ, wololon t'a fɛ, a ma sa fana. Sarakalasebaga lo tuma bɛɛ i n'a fɔ Ala Dencɛ.

Zan fɔlɔ 3:8

Min bɛ to ka kojugu kɛ, o tigi ye Sutana ka mɔgɔ ye, bari Sutana ye kojugukɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.

Yirari 2:10

Tɔɔrɔ min bɛna aw sɔrɔ, aw kana siran o nya. Ayiwa, aw cɛma, mɔgɔ damani bɛna kaso kɛ Sutana sababu la. A bɛna o kɛ k'aw kɔrɔbɔ. Aw bɛna tɔɔrɔ tile tan kɔnɔ. Aw ka jija fɔɔ ka taa se saya ma, n'o kɛra, aw bɛna sini hɛrɛ sɔrɔ ne barika la.