Kɛwalew 9:36 - LAYIDUKURA

³⁶ Zope kalandenw cɛma, muso dɔ tun bɛ yen, a tɔgɔ tun ko Tabita, girɛkikan na, u ko Dɔrɔkasi, o kɔrɔ ko sinɛ. Mɔgɔnyuman tun lo, ka faantanw dɛmɛ, o tun y'a ka baara ye.

Jula NT of Côte d’Ivoire

³⁶ Ayiwa, lanabagamuso dɔ tun bɛ Zafa dugu kɔnɔ, a tɔgɔ tun ye ko Tabita, walama Dɔrikasi, gɛrɛkikan na; o kɔrɔ ye ko dagbɛ. O muso tun bɛ koɲuman caman kɛ, ka fagantanw dɛmɛ.

ALA KA KUMA

³⁶ Zope kalandenw cɛma, muso dɔ tun be yen, a tɔgɔ tun ko Tabita, girɛkikan na, u ko Dɔrɔkasi, o kɔrɔ ko sinɛ. Mɔgɔɲuman tun lo, ka fantanw dɛmɛ, o tun y'a ka baara ye.

Kɛwalew 9:36 Iomraidhean Croise

Matiyu 25:17

Min tun ye fila sɔrɔ, ale fana taara ka jago kɛ ka fila wɛrɛ sɔrɔ tɔnɔ ye.

Yuhana 15:5

Ne ye ɛrɛzɛnsun ye, aw kɛra a bolow ye. Ni mɔgɔ min tora ne fɛ, ni ne fana kɛra a tigi fɛ, o tigi nin bɛna se ka baara caaman kɛ Ala ye, bari ni ne sababu tɛ, aw tɛ se ka foyi kɛ aw yɛrɛ ma.

Yuhana 15:8

Ni aw ye baara caaman kɛ, o le b'a to n Faa bɛ bonya sɔrɔ, ani aw fana bɛ kɛ ne ka kalandenw ye.

Kɛwalew 10:23

Piyɛri ye lonan nunu minɛ kosɛbɛ o loon sufɛ. A dugusagwɛ, a tugura u kɔ ka taa. Zope kalandenw mɔgɔ damani y'a bila sira.

Kɛwalew 10:31

A y'a fɔ ko: ‘Kɔrinɛyi, Ala y'i ka daliliw jaabi, i ye dɛmɛ min kɛ dɛsɛbagatɔw ye, o diyara a ye.

Kɛwalew 10:8

Koo min tun kɛra, Kɔrinɛyi y'o bɛɛ fɔ u ye, ka sɔrɔ k'u ci Zope.

Kɛwalew 11:13

A y'a fɔ an ye ko mɛlɛkɛ dɔ y'a yɛrɛ yira ale la a ka soo k'a fɔ ale ye ko a ka mɔgɔ ci Zope, ka taa cɛɛ dɔ wele min tɔgɔ ko Simɔn n'u b'a wele ko Piyɛri.

Kɛwalew 11:5

A ko: “N tun bɛ Ala dali la ka n to Zope dugu kɔnɔ, Ala ye fɛɛn dɔ yira n na. O fɛɛn nin bɔnin tun bɛ fanibelebeleba dɔ ma n'a bɛ jigira ka bɔ sankolo la fɔɔ ka na se ne kɔrɔ. Juru sirinin tun bɛ a dakun naani nunu na.

Kɛwalew 9:38

Zope ni Lida man jan nyɔgɔn na minkɛ, kalandenw y'a mɛn ko Piyɛri b'o yɔrɔ la. U ye ciraden fila bila ka ta'a fɛ k'a dali ko a ka teliya ka na bɔ u fɛ Zope joona joona.

Kɛwalew 9:42

Zopekaw bɛɛ ye kibaru nin mɛn, u caaman lara Matigi la.

Ɛfɛsikaw 2:10

An ye Ala bolonɔ ye, a y'an dan Yezu Krista barika la kɛwalinyumanw kama, Ala y'o minw latigɛ kabini fɔlɔfɔlɔ janko an k'o kɛ.

Filipikaw 1:11

ani janko aw ka kɛwalinyuman kɛ sɛbɛ la, o min see bɛ sɔrɔ Krista barika la, waasa bonya ni tandoli ka kɛ Ala ye.

Kɔlɔsikaw 1:10

O la, aw ka taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaranyuman sifa bɛɛ kɛ, ani ka Ala lɔn kosɛbɛ kosɛbɛ.

Tes fɔlɔ 4:10

Aw b'o la aw balimaw faan fɛ, minw bɛ Maseduwani mara bɛɛ la. Nga an b'a nyini aw fɛ ko aw ka dɔ fara a kan tugu.

Tim fɔlɔ 5:10

Ani a tɔgɔnyuman ka fɔ a ka kɛwalinyuman kɔsɔn, a ka kɛ muso ye min y'a deenw lamɔ ka nya, ka kɛ lonan ladonbaga ye. A ka kɛ Ala ka jama dɛmɛbaga ye. A ka kɛ mɔgɔ ye min y'a hakili to dɛsɛbagatɔw la ka olu dɛmɛ, ani ka kɛwalinyuman sifa bɛɛ kɛ.

Tite 2:14

Ale lo y'a yɛrɛ di an kɔsɔn, waasa k'an kunmabɔ tilenbaliya koow bɛɛ la, ani k'an saniya k'an kɛ a yɛrɛ ka jama ye, k'a kɛ mɔgɔw ye minw labɛnnin bɛ konyuman kɛli kama.

Tite 2:7

fɛɛn bɛɛ la. I ka cogonyuman yira u la, k'i ka kalan minɛ ka nya.

Tite 3:8

Kuma nin ye tinyɛ ye i bɛ se k'i jigi la o min kan. Ne b'a fɛ i ka to o kan k'a fɔ ka gwɛlɛya, waasa mɔgɔ minw ye u jigi la Ala kan, olu ka u yɛrɛ bila konyuman kɛli la, o le ka nyi ani nafa b'o la mɔgɔw fɛ.

Heburuw 13:21

a yɛrɛ ka barika don aw la, aw ka se ka konyuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Bonya ka la ale kan tuma bɛɛ. Amiina.

Yakuba 1:27

Alasira taamacogo min tilennin bɛ, ni finyɛ t'a la an Faa Ala nyakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga dinyɛ ka koo nɔgɔninw bɛɛ ma.