Kɛwalew 9:29 - LAYIDUKURA

²⁹ Zuwifu minw bɛ girɛkikan fɔ, Sɔli tun bɛ baro kɛ, ka sɔsɔli kɛ n'olu fana ye. Nga olu kɔni tun b'a fagayɔrɔ le nyinina.

Jula NT of Côte d’Ivoire

²⁹ Sɔli tun bɛ to ka kuma, ani ka sɔsɔri kɛ ni Yahudiya gɛrɛkikanfɔbagaw fana ye; nka olugu fana tun b’a fagayɔrɔ ɲinina.

ALA KA KUMA

²⁹ Zuwifu minw be girɛkikan fɔ, Sɔli tun be baro kɛ, ka sɔsɔli kɛ n'olu fana ye. Nga olu kɔni tun b'a fagayɔrɔ le ɲinina.

Kɛwalew 9:29 Iomraidhean Croise

Kɛwalew 11:20

O bɛɛ n'a ta, kalandenw dɔw bɔra Sipɔrɔ, ni Sirɛni ka taa Matigi Yezu ka kibaru diman fɔ siya wɛrɛw ye.

Kɛwalew 17:17

O la, a y'a daminɛ ka kuma ni Zuwifuw ni mɔgɔtuubininw ye Alabatoso kɔnɔ. Loon o loon, a tun bɛ taa forobayɔrɔ la ka kuma ni jama ye.

Kɛwalew 18:19

U sera Efɛzi tuma min na, Pɔli y'a taamanyɔgɔnw to yen ka ta'a kelen Alabatoso kɔnɔ ka baro kɛ ni Zuwifuw ye.

Kɛwalew 19:8

O kɔ, Pɔli tora ka taa Alabatoso kɔnɔ, ka to yen n'a bɛ mɔgɔw kalan Ala ka masaya koo la fɔɔ kalo saba. A tun bɛ jija waasa ka se a lamɛnbagaw kɔrɔ.

Kɛwalew 22:18

Matigi tun lo, a y'a fɔ n ye ko: ‘Teliya ka Zeruzalɛmu dugu bila, bari i bɛ min lase mɔgɔw ma ne koo la, u tɛna la o la.’

Kɛwalew 6:1

Kalandenw tora ka buguya dɔrɔn. Waati dɔ la, Zuwifu minw bɔra yɔrɔ wɛrɛ, n'u bɛ girɛkikan fɔ, olu tora ka tɔw kɔrɔfɔ k'u tɛ to k'u mako don olu ka firiyamusow la kosɛbɛ dumuni tilantuma na loon o loon.

Kɛwalew 9:27

O la, Barinabasi ye Sɔli ladon cidenw fɛ k'a fɔ u ye ko Matigi tun y'a yɛrɛ yira Sɔli la Damasi sira kan, ka kuma a fɛ, ko a ye Matigi ka kokɛninw wango la yen ni hakilisigi ye.

Kɛwalew 9:28

K'a ta o loon ma, Sɔli tora ka taa n'u ye Zeruzalɛmu faan bɛɛ ka to ka Matigi ka kibaru diman fɔ mɔgɔw ye ni hakilisigi ye.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun bɛ nyini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Zude 1:3

Ne teriw, ne tun y'a lanyini sɛbɛ la ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija lanaya koo la Ala y'o min di a ka jama ma sinyɛ kelen, o nyɔgɔn tɛna kɛ tugu.

Zude 1:9

O ye koo ye, hali mɛlɛkɛw ka nyamɔgɔ Misɛli ma sɔn k'o min kɛ. Tuma min na, a tun bɛ sɔsɔli kɛra ni Sutana ye Musa suu koo la, a y'a yɛrɛ minɛ, a ma sɔn ka Sutana nɛni. Nga a y'a fɔ ko: “Ala bɛna i sara.”