Kɛwalew 9:20 - LAYIDUKURA

²⁰ O yɔrɔnin bɛ Sɔli y'a daminɛ ka mɔgɔw kalan Alabatosow kɔnɔ ko Yezu ye Ala Deen ye.

Jula NT of Côte d’Ivoire

²⁰ O wagati yɛrɛ ra Sɔli ka kɛ waajuri kɛ ye karansow kɔnɔ, k’a fɔ o ye ko Den min bɔra Ala ra*, ko o ye Yesu le ye.

ALA KA KUMA

²⁰ O yɔrɔnin bɛɛ, Sɔli y'a daminɛ ka mɔgɔw kalan kalansow kɔnɔ ko Yezu ye Ala Deen ye.

Kɛwalew 9:20 Iomraidhean Croise

Matiyu 27:43

A y'a jigi bɛɛ la Ala kan k'a fɔ ko ale ye Ala Deen ye. An k'a filɛ sisan ni Ala bɛn'a kisi.”

Matiyu 27:54

Sɔlidasi kuntigi min tun bɛ Yezu kɔlɔsira n'a ka sɔlidasiw ye, olu ye dugukolo ye a yɛrɛyɛrɛla, ani koo minw kɛra o waati la, u y'o bɛɛ ye, u siranna kosɛbɛ. U y'a fɔ ko tinyɛ na, cɛɛ nin tun ye Ala Deen ye.

Matiyu 4:3

Sutana gwɛrɛla a la k'a fɔ a ye ko: “N'i ye Ala Deen ye, a fɔ ko kabakuru nunu ka yɛlɛma ka kɛ buru ye.”

Yuhana 1:49

Natanayɛli y'a jaabi ko: “Karamɔgɔ, i ye Ala Deen ye, i ye Isirayɛli ka masa ye.”

Yuhana 19:7

Zuwifu nunu y'a fɔ ko sariya bɛ olu fɛ, k'olu ka sariya la a ka kan ka faga, bari a y'a yɛrɛ kɛ Ala Deen ye.

Yuhana 20:28

Toma y'a fɔ a ye ko: “Ne Matigi ni n ka Ala!”

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka hɛrɛ banbali sɔrɔ a barika la.

Kɛwalew 13:14

Olu kɔni tora Pɛrize ka taa nyafɛ ka se Antiyɔsi, min bɛ Pisidi jamana na. Lafinyɛlon sera, u taara don Alabatoso kɔnɔ ka sigi.

Kɛwalew 13:33

ko a y'o koo nin kɛ an ye sisan, an minw y'u ka deenw ye, bari, a ye Yezu kunun a sanin kɔ. O cogo la a sɛbɛnnin bɛ Ala tando dɔnkili filanan kɔnɔ ko: ‘I ye ne dencɛ ye, ne kɛra i faa ye bii.’

Kɛwalew 13:46

Pɔli ni Barinabasi hakili sigininba y'a fɔ u ye ko: “Ala ka kuma ka kan ka fɔ aw Zuwifuw le ye fɔlɔ. Nga aw do bɛ banna a la, o b'a yira ko aw man kan ni sini hɛrɛ ye. N'o lo, an b'an nyasin siya wɛrɛw ma,

Kɛwalew 13:5

U bɔra yen ka na se Salaminɛ, u ye Ala ka kuma fɔ Zuwifuw ka Alabatosow kɔnɔ. Zan Mariki tun bɛ n'u ye ka to k'u dɛmɛ.

Kɛwalew 14:1

Pɔli ni Barinabasi sera Ikɔniyɔmu, u donna Zuwifuw ka Alabatoso kɔnɔ fana ka mɔgɔw waaju, fɔɔ Zuwifuw ni siya wɛrɛw caaman lara Matigi la.

Kɛwalew 16:13

Lafinyɛlon sera, an bɔra dugu banakɔ ka taa kɔɔ dɔ faan fɛ. An y'a miiri ko an bɛna Zuwifuw ka Ala batoyɔrɔ sɔrɔ yen. An taara muso dɔw lajɛnnin sɔrɔ yen, an sigira, k'o muso nunu waaju.

Kɛwalew 17:10

O loon bɛ sufɛ, Tesaloniki kalandenw bɔra ni Pɔli ni Silasi ye k'u ka taa Bere. U sera yen tuma min na, u taara Zuwifuw ka Alabatoso kɔnɔ.

Kɛwalew 17:17

O la, a y'a daminɛ ka kuma ni Zuwifuw ni mɔgɔtuubininw ye Alabatoso kɔnɔ. Loon o loon, a tun bɛ taa forobayɔrɔ la ka kuma ni jama ye.

Kɛwalew 17:2

Pɔli taara u fɛ yen lafinyɛlon na, i n'a fɔ a tun bɛ deli k'a kɛ yɔrɔ tɔw la cogo min na. A ye lɔgɔkun saba kɛ u fɛ, ka to ka nyɔgɔn sɔsɔ ka Ala ka kuma fɔ u ye lafinyɛlon o lafinyɛlon.

Kɛwalew 18:19

U sera Efɛzi tuma min na, Pɔli y'a taamanyɔgɔnw to yen ka ta'a kelen Alabatoso kɔnɔ ka baro kɛ ni Zuwifuw ye.

Kɛwalew 18:4

Lafinyɛlon o lafinyɛlon, Pɔli tun bɛ mɔgɔw waaju Alabatoso kɔnɔ. A tun bɛ jija waasa ka se Zuwifuw ni girɛkiw kɔrɔ.

Kɛwalew 19:8

O kɔ, Pɔli tora ka taa Alabatoso kɔnɔ, ka to yen n'a bɛ mɔgɔw kalan Ala ka masaya koo la fɔɔ kalo saba. A tun bɛ jija waasa ka se a lamɛnbagaw kɔrɔ.

Kɛwalew 8:36

K'u to sira kan, u sera yɔrɔ dɔ la jii tun bɛ o yɔrɔ la. Cɛɛ ko: “Jii filɛ nin ye, mun bɛ se k'i bali ka ne batize?” [

Kɛwalew 8:37

Filipi y'a jaabi ko: “N'i lara Yezu la kosɛbɛ, ne bɛ se k'i batize.” Cɛɛ ko: “Ne lara a la ko Yezu Krista ye Ala Deen ye.”]

Kɛwalew 9:22

O n'a ta bɛɛ, Sɔli kɔni tun bɛ barika sɔrɔla ka taa nya dɔrɔn. A tun bɛ waajuli kɛ ko Yezu ye Ala ka Mɔgɔwolomanin ye fɔɔ ka Damasi Zuwifuw dabari ban, u m'a lɔn u bɛna min fɔ a ye.

Rɔmukaw 1:4

Nii Senuman y'a yira ko an Matigi Yezu Krista ye Ala Dencɛ ye, o sebagaya lɔnna a kununni fɛ a sanin kɔ.

Galasikaw 1:16

a y'a Dencɛ yira ne la, waasa ne k'a koo fɔ siya wɛrɛw ye. O la, o yɔrɔnin bɛ, ne ma adamaden ka ladili kɔnɔ.

Galasikaw 2:20

Hali n'aw y'a ye ko ne bɛ nii na halibele, o tɛ ne yɛrɛ sababu ye, o ye Krista ka sababu ye. Bari n'aw y'a ye ko ne nyanaman lo farisogo la, o kɛra Ala Dencɛ barika la, ne ye n jigi la o min kan. A ye ne kanu fɔɔ k'a yɛrɛ di ne kɔsɔn.

Yirari 2:18

“Sɛbɛ ci Ala ka jama nyamɔgɔ ma Tiyatiri ko: “Ala Dencɛ, o min nyadenw bɛ i n'a fɔ tasuma, n'a seenw bɛ i n'a fɔ zira konin, ale ko: