Kɛwalew 9:18 - LAYIDUKURA

¹⁸ O yɔrɔnin kelen, fɛɛn dɔw bɔra Sɔli nyadenw na ka benben, olu bɔnin tun bɛ jigɛfaraw ma. A ye yeli kɛ, o yɔrɔnin bɛ, a sɔnna u y'a batize.

Jula NT of Côte d’Ivoire

¹⁸ O yɔrɔnin kelen bɛɛ fɛn dɔw bɔra Sɔli ɲadenw na ka benben, i n’a fɔ jɛgɛfara; a ɲa yɛlɛra. A wurira, ka batize.

ALA KA KUMA

¹⁸ O yɔrɔnin kelen, fɛɛn dɔw bɔra Sɔli ɲadenw na ka benben, olu bɔnin tun be jigɛfaraw ma. A ye yeli kɛ, o yɔrɔnin bɛɛ, a sɔnna u y'a batize.

Kɛwalew 9:18 Iomraidhean Croise

Kɛwalew 2:38

Piyɛri y'u jaabi ko: “Aw ye nimisa ka faran aw ka kojuguw la, an b'aw batize Yezu Krista tɔgɔ la janko aw ka yafa sɔrɔ. O la, aw bɛna Nii Senuman sɔrɔ,

Kɛwalew 2:41

Olu lara Piyɛri ka kuma na o tuma na. U y'u batize. Minw farala kalandenw kan o loon na, u tun bɛ mɔgɔ waa saba bɔ.

Kɛwalew 22:13

Ale nana ne sɔrɔ, k'a fɔ ne ye ko: ‘N teri Sawuli, i nyaa ka yɛlɛ.’ O yɔrɔnin bɛ ne nyaa yɛlɛla.

Kɛwalew 22:16

Ayiwa, i bɛ mun le kɔnɔ tugu? Wili an b'i batize i ka kojuguw ka yafa ale Yezu barika la.’

Kɛwalew 9:17

O la, Ananiyasi taara, a sera soo nin kɔnɔ, a y'a bolo la Sɔli kuun na k'a fɔ a ye ko: “N teri Sɔli, Matigi Yezu min y'a yɛrɛ yira i la sira kan i natɔ yan, ale le ye n ci i fɛ, waasa i nyaa ka yɛlɛ, i ka Nii Senuman sɔrɔ.”

Kɛwalew 9:19

O kɔ, a ye dumuni kɛ, ka fanga sɔrɔ. A kɛra ten, Sɔli ye tile damani kɛ ni Damasi kalandenw ye.

Kɛwalew 9:8

Sɔli wilila ka bɔ duguma, a y'a nyaa yɛlɛ, nga a tun tɛ se ka yeli kɛ tugu. U y'a bolo minɛ le ka don n'a ye Damasi.

Kor 2nan 3:14

Nga u ma se ka foyi faamu, i n'a fɔ fani birinin bɛ u nyada kan. Hali fɔɔ bii yɛrɛ, n'u bɛ layidukɔrɔ kalan tuma min na, u tɛ foyi faamu, bari o fani nin bɛ bɔ Krista le barika la.

Kor 2nan 4:6

Bari Ala min tun y'a fɔ ko kɛnɛ ka bɔ dibi cɛma, ale kelen le ye yeelen bɔ an dusu la, waasa mɔgɔw k'a ka nɔɔrɔ ye, o min bɛ manamana Krista nyada kan.