Kɛwalew 9:15 - LAYIDUKURA

¹⁵ Nga Matigi ko Ananiyasi ma: “Taa, bari ne mako b'a la. A bɛna ne ka koo fɔ siya wɛrɛw n'u ka masaw ye ani Isirayɛlidenw ye, u ka ne lɔn.

Jula NT of Côte d’Ivoire

¹⁵ Nka Matigi k’a fɔ Ananiyasi ye ko: «Taga, sabu ne ka nin cɛ ɲanawoloma k’a kɛ ne ta baarakɛminan le ye, janko a ye ne tɔgɔ waajuri kɛ siya wɛrɛ mɔgɔw* ni o ta masacɛw ye, ani Izirayɛlimɔgɔw ye.

ALA KA KUMA

¹⁵ Nga Matigi ko Ananiyasi ma: «Taga, bari ne ye cɛɛ nin woloma waasa a ka ne tɔgɔ fɔ siya wɛrɛw n'u ka masaw, ani Isirayɛlidenw ye, u ka ne lɔn.

Kɛwalew 9:15 Iomraidhean Croise

Matiyu 10:18

U bɛna aw minɛ ka taa n'aw ye faamaw ni masaw fɛ bari aw ye ne ka kalandenw ye. O bɛna kɛ sababu ye aw bɛna ne koo fɔ u ye, ani siya wɛrɛw ye.

Yuhana 15:16

A ma kɛ ko aw le ye ne woloma dɛ, ne le ye aw woloma k'aw bila janko aw ka taa ka baara caaman kɛ, ani o baara nafa ka to, janko aw mana fɛɛn o fɛɛn dali n Faa fɛ ne tɔgɔ la, a k'o di aw ma.

Kɛwalew 13:2

K'u to suun ni Ala batoli la loon dɔ, Nii Senuman y'a fɔ u ye ko: “Ne ye n bolo la Barinabasi ni Sɔli kan baara min kama, aw k'u fila bɔ danna waasa u k'o kɛ.”

Kɛwalew 21:19

A ye foli di u ma ka ban tuma min, Ala y'a dɛmɛ ka koo minw bɛɛ kɛ siya wɛrɛw cɛma, a y'o bɛɛ lakali u ye kelen kelen.

Kɛwalew 22:14

A y'a fɔ ne ye ko: ‘An faaw ka Ala y'i woloma k'i kɛ a ta ye, janko i k'a sago lɔn, i nyaa ka la a ka Mɔgɔnyuman kan, ka mɛnni kɛ ale yɛrɛ daa la,

Kɛwalew 22:21

A y'a fɔ ne ye ko ale bɛna ne ci ka taa yɔrɔjan siya wɛrɛw fɛ.”

Kɛwalew 25:22

Agiripa y'a fɔ Fɛsitusi ye o tuma na ko: “Ne b'a fɛ k'o cɛɛ nin lamɛn.” Fɛsitusi y'a jaabi ko: “I bɛn'a lamɛn sini yɛrɛ.”

Kɛwalew 26:1

O tuma na, Agiripa y'a fɔ Pɔli ye ko kuma b'a bolo. Pɔli y'a bolo wili k'a fɔ ko:

Kɛwalew 26:32

Agiripa y'a fɔ Fɛsitusi ye ko: “Cɛɛ nin ko Ɔrɔmu masacɛ niin ka don koo nin na minkɛ, n'o tɛ, a ka kan ka labila.”

Kɛwalew 27:24

k'a fɔ n ye ko: ‘I kana siran Pɔli, wajibi lo fɔɔ i ka se Ɔrɔmu masacɛ fɛ k'i ka koow nyafɔ a ye. Ayiwa, Ala ka nyumanya kɔsɔn, a ko i taamanyɔgɔn nunu si nii tɛna to jii la i sababu la.’

Kɛwalew 28:17

Pɔli senin tile saba, a ye Ɔrɔmu Zuwifu nyamɔgɔw bɛɛ wele. U nana lajɛn tuma min na, a y'a fɔ u ye ko: “N badenw, n ma koo kɛ an ka siya la, n ma koo kɛ min n'an ka sariya tɛ bɛn. Nga u ye ne minɛ Zeruzalɛmu ka n don Ɔrɔmu faamaw bolo.

Kɛwalew 28:28

“Ayiwa, ne Pɔli b'a fɔ aw ye ko Ala ka kuma bɛna fɔ siya wɛrɛw le ye sisan. Olu bɛna na a lamɛn, ka kisi.” [

Rɔmukaw 1:1

Ne Pɔli min ye Yezu Krista ka jɔɔn ye, a ye ne wele ka kɛ ciden ye, Ala ye ne woloma ka ne kɛ a ka kibaru diman fɔbaga ye.

Rɔmukaw 1:5

An ye nɛɛma sɔrɔ ale le barika la ka kɛ cidenw ye, waasa ka siya wɛrɛw bɛɛ dɛmɛ u k'u jigi la Krista kan ka mɛnni kɛ a fɛ, janko Ala tɔgɔ ka bonya.

Rɔmukaw 11:13

Ne b'o fɔ aw siya wɛrɛw ye, ne cira ka baara kɛ aw le ye, ne bɛ bonya la o baara nin kan,

Kor fɔlɔ 15:10

Nga ne bɛ yɔrɔ min na sisan, o ye Ala ka nɛɛma nɔɔ ye. O nɛɛma nin ma kɛ gwansan ye ne faan fɛ. Ne ye baara kɛ ka tɛmɛ olu bɛɛ kan. O ma kɛ ne yɛrɛ ka seko ye, o ye Ala ka nɛɛma nɔɔ ye.

Kor fɔlɔ 9:16

bari kibaru diman fɔko ma kɛ tɔgɔnyiniko ye ne fɛ, wajibiko lo ne ma. Bɔnɛ ye ne ta ye ni ne ma kibaru diman fɔ.

Galasikaw 1:1

Ne Pɔli min ye ciden ye, o ma kɛ mɔgɔw sababu la, walima adamaden dɔ barika la, nga o ye Yezu Krista sago ye n'a Faa Ala min y'a kunun a sanin kɔ.

Ɛfɛsikaw 3:1

O le y'a to ne Pɔli min bɛ kaso la Yezu Krista kɔsɔn aw siya wɛrɛw kama,

Tim fɔlɔ 2:7

O le kɔsɔn ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tinyɛ lɔn. Ne bɛ tinyɛ le fɔra, ne tɛ galon tigɛra.

Tim 2nan 1:11

Ala ye ne wele o kibaru diman fɔli kama ka n kɛ ciden ni karamɔgɔ ye.

Tim 2nan 2:4

Ni mɔgɔ min donna sɔlidasiya la, n'a b'a fɛ k'a kuntigi sago kɛ, a bɛ jija o baara la, a t'a niin don baara wɛrɛ la.

Yirari 17:14

U bɛna Sagaden nin kɛlɛ. Nga Sagaden bɛna se u kɔrɔ, bari ale ye matigiw ka Matigi ye, ani masaw ka Masa. Sagaden n'a ka mɔgɔ weleninw, n'a ka wolomaninw, ni kantigiw, u bɛɛ bɛna see sɔrɔ.”