Kɛwalew 6:9 - LAYIDUKURA

⁹ O bɛɛ kama, Alabatoso min bɛ wele ko Jɔnhɔrɔnyaninw ka Alabatoso, o ka mɔgɔ dɔw nana sɔsɔli daminɛ ni Etiyɛni ye. Sirɛnikaw ni Alɛkisandirikaw ni Silisikaw, ani Azikaw fana nii tun b'o la.

Jula NT of Côte d’Ivoire

⁹ Mɔgɔ dɔw bɔra karanso dɔ ra min bɛ wele ko jɔn kunmabɔninw ta karanso. O mɔgɔw tun ye Sirɛnikaw, ani Alɛsandirikaw le ye; dɔw fana tun bɔra Silisi, ani Azi mara ra; o mɔgɔw nana kɛ Etiyɛni sɔsɔ ye.

ALA KA KUMA

⁹ O bɛɛ kama, kalanso min be wele ko Jɔnhɔrɔnyaninw ka kalanso, o mɔgɔ dɔw nana sɔsɔli daminɛ ni Etiyɛni ye. Sirɛnikaw ni Alɛkisandirikaw ni Silisikaw, ani Azikaw fana niin tun b'o la.

Kɛwalew 6:9 Iomraidhean Croise

Matiyu 10:17

“Aw k'aw yɛrɛw kɔlɔsi bari mɔgɔw bɛna aw minɛ ka taa n'aw ye kititigɛlaw fɛ. U bɛna aw bugɔ ni golokami ye u ka Alabatosow kɔnɔ.

Matiyu 23:34

Ayiwa, aw ye mɛnni kɛ. Ne bɛna n ka ciradenw ci aw ma, hakilitigiw ani mɔgɔkalanninw. Aw bɛna dɔw faga ka dɔw gwengwen lɔgɔ kan, ka dɔw bugɔ ni golokami ye Alabatosow kɔnɔ, ani aw bɛna tugu dɔw kɔ ka taa u tɔɔrɔ dugu wɛrɛw la.

Matiyu 27:32

U taatɔ, u ye cɛɛ dɔ kunbɛn min tun ye Sirɛnika ye ka bɔ Libi jamana na, a tɔgɔ ko Simɔn. U y'ale karaba ka Yezu ka gwengwenlɔgɔ ta.

Marika 13:9

“Aw k'aw yɛrɛw kɔlɔsi, sabu, u bɛna aw don kititigɛlaw bolo. U bɛna aw bugɔ Alabatosow kɔnɔ. U bɛna taa n'aw ye jamanatigiw ni masacɛw fɛ ne kɔsɔn. O bɛna kɛ sababu ye aw bɛ ne koo fɔ u ye.

Luka 21:12

“Nga sanni o koow bɛɛ ka kɛ, mɔgɔw bɛna aw minɛ k'aw tɔɔrɔ kosɛbɛ. U bɛna aw don Alabatoso kuntigiw bolo k'aw don kaso la. U bɛna taa n'aw ye masacɛw ni jamanatigiw fɛ ne kɔsɔn.

Kɛwalew 11:20

O bɛɛ n'a ta, kalandenw dɔw bɔra Sipɔrɔ, ni Sirɛni ka taa Matigi Yezu ka kibaru diman fɔ siya wɛrɛw ye.

Kɛwalew 13:1

Kira ni karamɔgɔw tun bɛ Ala ka jama cɛma Antiyɔsi. Olu tun ye: Barinabasi, ni Simiyɔn, u b'ale min wele ko Nizɛri, ani Lusiyusi ka bɔ Sirɛni, ni Manayɛn, o min ni Erɔdi ye denmisɛnya kɛ nyɔgɔn fɛ. Sɔli ka fara u kan.

Kɛwalew 13:45

Zuwifuw ye nin ye dɔrɔn, o kereya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 15:23

U ye sɛbɛ min don olu bolo, a sɛbɛnnin tun b'o la ko: “Aw kalanden minw tɛ Zuwifuw ye n'aw siginin bɛ Antiyɔsi, Siri jamana na, ani minw bɛ Silisi jamana na, aw baden cidenw, ni cɛkɔrɔbaw b'aw fo.

Kɛwalew 15:41

U ye Siri ni Silisi jamana yaala ka to k'o yɔrɔ kalandenw ladi k'u jaa gwɛlɛya.

Kɛwalew 16:6

Nii Senuman ye Pɔli ni Silasi nunu bali ka Ala ka kuma fɔ Azi mara la. U tɛmɛna ka taa Firizi ni Galati mara nunu yaala.

Kɛwalew 18:24

Zuwifu dɔ nana Efɛzi, a tɔgɔ tun ko Apolɔsi, a wolola Alɛkisandiri. A daa tun ka di kosɛbɛ, a tun bɛ Ala ka kuma lɔn.

Kɛwalew 19:10

A y'a kɛ ten saan fila fɔɔ Azi jamana mɔgɔw bɛɛ, Zuwifu fara girɛkiw kan, u bɛɛ ye Matigi ka kibaru diman mɛn.

Kɛwalew 19:26

Nga Pɔli tɔgɔla nin bɛ min fɔra, ani a bɛ min kɛra, aw b'o mɛnna, aw b'o yera fana. A ko adamadenw bɛ fɛɛn minw lalaga n'u bolo ye, k'olu tɛ batofɛn nyanamanw ye. A jijara fɔɔ ka mɔgɔ caaman kuun yɛlɛma n'o ye. O ma kɛ i n'a fɔ Efɛzi kɔnɔ yan dɔrɔn lo! Nga a bɛ nyini ka Azi mara bɛɛ sɔrɔ!

Kɛwalew 21:27

Saniyali min bɛ kɛ tile wolonwula minw kɔnɔ, o daa tun bɛ nyini ka fa. Azi mara Zuwifu dɔw nana Pɔli ye Alabatosoba kɔnɔ, u ye jama kɔnɔnasu ka bila Pɔli la, u y'a minɛ.

Kɛwalew 21:39

Pɔli y'a jaabi ko: “Ne ye Zuwifu ye ka bɔ Tarisi, Silisi mara la. N ka dugu tɛ dugudogonin ye. Ne b'i dali, a to n bɛ dɔ fɔ jama ye.”

Kɛwalew 22:19

Ne y'a jaabi ko: ‘Matigi, u b'a lɔn ko ne tun bɛ taa Alabatosow kɔnɔ k'i kɔmɔgɔw minɛ ka taa u don kaso la ka dɔw bugɔbugɔ ni golokamiw ye.

Kɛwalew 22:3

“Ne ye Zuwifu ye, n wolola Tarisi, Silisi mara la, nga n lamɔna dugu nin kɔnɔ yan. Gamaliyɛli le ye n kalan kosɛbɛ an faaw ka sariyaw la. N ka Alako tun tɛ tolonkɛko ye, i n'a fɔ aw fana ta bɛ cogo min na bii.

Kɛwalew 23:34

A ye sɛbɛ nin kalan ka ban tuma min na, a ye Pɔli nyininga ko a bɛ bɔ mara jumɛn na. Pɔli ko ale bɛ bɔ Silisi mara la minkɛ,

Kɛwalew 24:18

O waati la, dɔw ye ne ye Alabatosoba kɔnɔ, nga mankan tun tɛ ne ni mɔgɔ si cɛ, ne tun bɛ n yɛrɛ saniyara le.

Kɛwalew 26:11

Tuma caaman, ne tun bɛ taa u tɔɔrɔ Alabatosow kɔnɔ, ka caaman wajibiya k'a fɔ k'u ma la Yezu la. Dimi kɔsɔn, n tun bɛ taa hali dugu wɛrɛw la k'ale Yezu kɔmɔgɔw tɔɔrɔ yen.

Kɛwalew 6:10

Nga u daa tun tɛ sera Etiyɛni kɔrɔ, bari a tun bɛ kuma ni hakilitigiya ye Nii Senuman barika la.

Kor fɔlɔ 1:20

Lɔnnikɛla bɛ min? Kalanfa bɛ min? Mɔgɔ minw bɛ koo bɛɛ lɔnniya nyinina bii dinyɛ na, olu bɛ min? Ala ma dinyɛ nin ka lɔnniya yɛlɛma k'o kɛ nalomanya ye wa?

Galasikaw 1:21

O kɔ, ne tɛmɛna ka taa Siri ni Silisi jamana na.