Kɛwalew 5:41 - LAYIDUKURA

⁴¹ Cidenw nisɔn diyanin bɔra kiti tigɛyɔrɔ la, bari Ala ye bonya la u kan o min kɛra u lɔgɔbɔko ye Yezu tɔgɔ kɔsɔn.

Jula NT of Côte d’Ivoire

⁴¹ Ciradenw tagara ka bɔ kititigɛjama kɔrɔ, o bɛ ɲagarira k’a ye ko Ala ka o bonya la olugu kan, k’a to o ye olugu dɔgɔya Yesu tɔgɔ kosɔn.

ALA KA KUMA

⁴¹ Cidenw nisɔn diyanin bɔra kiti tigɛyɔrɔ la, bari Ala ye boɲa la u kan min kɛra u lɔgɔbɔko ye Yezu tɔgɔ kosɔn.

Kɛwalew 5:41 Iomraidhean Croise

Luka 6:22

Ni mɔgɔw b'aw kɔniya tuma min na, ka ban aw la, k'aw nɛni ani k'aw tɔgɔjugu fɔ Mɔgɔ Dencɛ kɔsɔn, o tuma na, aw ye dubadenw ye.

Yuhana 15:21

U bɛna o bɛɛ kɛ aw la ne kɔsɔn bari u ma ne cibaga lɔn.

Kɛwalew 21:13

Nga a y'an jaabi ko: “Mun na aw bɛ kasira ten, n'aw b'a fɛ ka ne jigi tigɛ? Ka ne siri, o tɛ foyi ye ne fɛ. Ne ka sa yɛrɛ, Matigi Yezu kɔsɔn Zeruzalɛmu, ne labɛnnin lo o kama.”

Kɛwalew 5:21

U ye mɛlɛkɛ ka kuma labato. Sɔgɔma joona, u sera Alabatosoba kɔnɔ k'a daminɛ ka mɔgɔw kalan. O tuma na, sarakalasebagaw kuntigiba n'a ka dakɔrɔsigiw taara u ka nyɔgɔnyeyɔrɔ la. U ye Zuwifuw ka kititigɛlaw bɛɛ lajɛn, ka sɔlidasiw bila k'u ka taa cidenw bɔ kaso la ka na n'u ye.

Rɔmukaw 5:3

O dama tɛ, an bɛ nisɔndiya an ka tɔɔrɔkow la, bari an lanin b'a la ko tɔɔrɔ kɔsɔn an bɛ munyu.

Kor 2nan 12:10

O le kɔsɔn, ne bɛ nisɔndiya ne ka dɛsɛ koow la, u bɛ ne nɛnina wo, ne dusu kasira wo, u bɛ ne tɔɔrɔla wo, ne bɛ nisɔndiya hali ni nisɔngoyako lo Krista kɔsɔn, bari ne y'a lɔn ko waati min na ne barika dɛsɛra, o waati yɛrɛ la ne bɛ fanga sɔrɔ.

Filipikaw 1:29

Aw minw kɛra Krista ta ye, Ala ye nɛɛma min kɛ aw ye, o ye nin ye. A y'a kɛ aw y'aw jigi la a kan, o dama tɛ, aw bɛ sɛgɛn sɔrɔ a kɔsɔn fana.

Heburuw 10:34

Aw sɛgɛnna ni kasodenw ye u ka tɔɔrɔw la. Aw sɔnna k'aw ka bololafɛnw to u bɔsibagaw bolo ni nisɔndiya ye. Bari, aw ko nafolo wɛrɛ b'aw fɛ min ka fisa n'o ye n'a tɛ ban abada.

Heburuw 12:2

An k'an nyaa lɔnin to Yezu kan ale min ye an jigi bɔyɔrɔ ye, n'a laban ye. A sɔnna ka tɔɔrɔ gwengwen lɔgɔ kan, a m'o maloya yɛrɛ jati, bari nisɔndiya min tun b'a kɔnɔna, a nyaa tun b'o la. Sisan, a siginin bɛ Ala kinibolo la.

Yakuba 1:2

N badenw, kɔrɔbɔli sifa o sifa mana se aw ma, aw k'aw yɛrɛ jati mɔgɔdagamuninw ye.

Zan 3nan 1:7

Bari u bɔra Krista le tɔgɔ la. O le y'a to u ma sɔn ka Ala lɔnbaliw ka dɛmɛ foyi minɛ.