Kɛwalew 4:21 - LAYIDUKURA

²¹ U ma bolo layɔrɔ sɔrɔ k'u tɔɔrɔ minkɛ, u y'u sɔngɔ kosɛbɛ, ka sɔrɔ k'u bila. U y'o kɛ bari u siranna jama nya, bari mɔgɔ bɛɛ tun bɛ Ala tɔgɔ tandora u ka kokɛnin nin kama.

Jula NT of Côte d’Ivoire

²¹ O ka kankari la Piyɛri ni Yuhana ye tuun k’a gbɛlɛya kosɛbɛ, ka sɔrɔ ka o labla; mɔgɔw ɲasiran kosɔn o ma cogo sɔrɔ ka kiti ben o kan ka o tɔɔrɔ, sabu kabako min tun kɛra, mɔgɔw bɛɛ tun bɛ Ala tandora o kosɔn.

ALA KA KUMA

²¹ U ma bolo layɔrɔ sɔrɔ k'u tɔɔrɔ minkɛ, u sɔngɔna u kan kosɔbɛ, ka sɔrɔ k'u bila. U y'o kɛ jama ɲasiran kosɔn, bari mɔgɔ bɛɛ tun be Ala tɔgɔ tanura u ka kokɛnin nin kama.

Kɛwalew 4:21 Iomraidhean Croise

Matiyu 15:31

Mɔgɔw y'a ye ko bobow bɛ kumana, ni murukuw bɛ kɛnɛyara, ani senkelenninw bɛ taamana ka nya, ni finyɛntɔw bɛ yeli kɛra, u kabakoyara kosɛbɛ, fɔɔ u y'a daminɛ ka Isirayɛli ka Ala tando.

Matiyu 21:46

U tun bɛ cogoya nyinina waasa ka Yezu minɛ, nga u siranna jama nya, bari olu bɛɛ tun bɛ Yezu jati kira ye.

Matiyu 26:5

U tun b'a fɔra k'u man kan k'a minɛ Hɔrɔnya nyanagwɛ tuma na, ko n'o tɛ, mɔgɔw bɛna muruti.

Matiyu 9:33

Yezu ye jina gwɛn ka bɔ a la dɔrɔn, cɛɛ y'a daminɛ ka kuma. Jama bɛɛ kabakoyara, u tora k'a fɔ k'u ma deli ka nin nyɔgɔn ye Isirayɛli jamana na fɔlɔ.

Matiyu 9:8

Jama y'o ye tuma min na, u siranna kosɛbɛ. U ye Ala tando bari ale le ye see di adamaden ma ka koo nin nyɔgɔn kɛ.

Luka 13:17

Yezu ye kuma nin fɔ tuma min na, a juguw bɛɛ maloyara. Jama bɛɛ nisɔn tun ka di Yezu ka kabakokɛninw kɔsɔn.

Luka 20:19

Sariya karamɔgɔw ni sarakalasebagaw tun b'a fɛ ka Yezu minɛ o waati yɛrɛ la, bari u tun y'a faamu ko Yezu ka talen nin nyaa sinnin tun bɛ olu le ma. Nga u tun bɛ siran jama nya.

Luka 20:6

N'an y'a fɔ ko mɔgɔw lo fana, mɔgɔw bɛna an bon ni kabakuru ye k'an faga, bari u lara a la ko Zan tun ye kira ye tigitigi.”

Luka 22:2

Sarakalasebagaw ni sariya karamɔgɔw bɛna se ka Yezu faga cogo min na ni jama ma bɔ a kala ma, u tun b'o cogo nyinina bari u tun bɛ siran ko jama bɛna muruti.

Luka 5:26

U bɛɛ kabakoyara. U ye Ala tando. U siranninba y'a fɔ ko: “An ye kabako ye bii dɛ!”

Kɛwalew 4:17

Nga, n'an t'a fɛ koo nin kibaru ka jɛnsɛn ka taa nya, an ka kan k'u bali, k'u bagabaga k'u kana Yezu tɔgɔ fɔ mɔgɔ si nyana tugu.”

Kɛwalew 4:22

Cɛɛ min ka kɛnɛya kɛra kabako ye, o sii tun tɛmɛna saan bi naani kan.

Kɛwalew 5:13

Nga mɔgɔ tɔw si tun tɛ sɔn ka taa jɛn n'u ye. O bɛɛ n'a ta, jama tun b'u tando.

Kɛwalew 5:26

O tuma na Alabatosoba kɔlɔsibagaw nyamɔgɔ n'a ka mɔgɔw taara yen ka cidenw wele. Nga u m'u jagoya, bari u tun bɛ siran ko jama kana na u bon ni kabakuruw ye.

Kɛwalew 5:40

U ye cidenw wele k'u bugɔ ni golokamiw ye ka ban, u ye kangari la u ye k'u kana Yezu tɔgɔ wele abada. U y'u labila ka taa.