Kɛwalew 4:1 - LAYIDUKURA

¹ Ka Piyɛri ni Zan to kuma na jama fɛ, sarakalasebagaw ni Alabatosoba nyamɔgɔ, ani Sadusenyɛ dɔw sera.

Jula NT of Côte d’Ivoire

¹ Ayiwa, ka Piyɛri ni Yuhana to kuma ra jama fɛ, sarakalasebagaw* ni Alabatosoba kɔrɔsibagaw kuntigi ni Sadusiw* nana bara ka bɔ o kan.

ALA KA KUMA

¹ Ka Piyɛri ni Zan to kuma na jama fɛ, sarakalasebagaw ni Alabatosoba ɲamɔgɔ, ani *Saduseɲɛ dɔw sera.

Kɛwalew 4:1 Iomraidhean Croise

Matiyu 16:12

O tuma na, u y'a faamu ko a tun tɛ kumana u fɛ burufununan yɛrɛ koo la, nga ko a tun bɛ kumana u fɛ Farizinyɛ ni Sadusenyɛw ka kalan le koo la.

Matiyu 22:16

U y'u ka kalanden dɔw, ni Erɔdi ka mɔgɔ dɔw ci, waasa u k'a fɔ Yezu ye ko: “Karamɔgɔ, an y'a lɔn ko i bɛ tinyɛ fɔ, an'i bɛ mɔgɔ kalan ni tinyɛ ye Ala ka sira la. E fana tɛ siran mɔgɔ si nya ka sɔn o tigi ka miiriya ma, i tɛ mɔgɔ bɔ mɔgɔ la.

Matiyu 27:20

Sarakalasebagaw ni cɛkɔrɔbaw ye jama kɔnɔnasu, waasa u ka Pilati dali ko a ka Barabasi labila ka Yezu faga.

Matiyu 27:41

Sarakalasebagaw ni sariya karamɔgɔw ani cɛkɔrɔbaw tun b'a lɔgɔbɔra fana ko:

Matiyu 3:7

Zan y'a ye ko Farizinyɛ caaman ni Sadusenyɛ caaman bɛ nana batize ale fɛ minkɛ, a y'a fɔ u ye ko: “Aw fɔnfɔnnidenw, jon y'aw lasɔmi ko aw ka boli Ala ka kiti nata nya?

Luka 20:1

Loon dɔ la, Yezu tun bɛ mɔgɔw kalanna Alabatosoba kɔnɔ ka kibaru diman fɔ u ye. Sarakalasebagaw ni sariya karamɔgɔw ani dugu cɛkɔrɔbaw taar'a sɔrɔ,

Luka 22:4

A taar'a fɔ sarakalasebagaw ni Alabatosoba kɔlɔsibagaw kuntigiw ye ko cogo b'ale fɛ ka Yezu don u bolo.

Yuhana 15:20

Aw y'aw hakili jigi ne ka kuma nin na. N tun y'a fɔ aw ye ko baaraden man fisa n'a ka kuntigi ye. N'u ye ne tɔɔrɔ, u bɛna aw fana tɔɔrɔ. N'u ye ne ka kuma labato, u bɛna aw fana ta labato.

Yuhana 18:3

Sarakalasebagaw kuntigiw ani Farizinyɛw ye Alabatosoba kɔlɔsibaga dɔw ni sɔlidasi dɔw ci. Zuda bilara u nya ka na, lanpan ni kala mananinw ani maramanfɛnw tun b'u fɛ.

Kɛwalew 4:6

Sarakalasebagaw kuntigiba Ana n'a ka somɔgɔw bɛɛ tun bɛ yen, ni Kayifu, ni Zan ani Alɛkisandiri.

Kɛwalew 5:17

O la, sarakalasebagaw kuntigiba n'a ka dakɔrɔsigiw olu minw ye Sadusenyɛw ye, u bɛɛ dimininba

Kɛwalew 5:24

Alabatosoba kɔlɔsibagaw nyamɔgɔ, ni sarakalasebagaw kuntigiw y'o kibaru nin mɛn, u bɛɛ kɔnɔnafilila kosɛbɛ o koo la. U tora ka nyɔgɔn nyininga ko koo nin laban bɛna kɛ cogo di.

Kɛwalew 5:26

O tuma na Alabatosoba kɔlɔsibagaw nyamɔgɔ n'a ka mɔgɔw taara yen ka cidenw wele. Nga u m'u jagoya, bari u tun bɛ siran ko jama kana na u bon ni kabakuruw ye.

Kɛwalew 6:12

O kama cɛkɔrɔbaw ni sariya karamɔgɔw ani jama bɛɛ murutira Etiyɛni kama ka girin k'a minɛ ka taa n'a ye u ka kititigɛlaw fɛ.

Kɛwalew 6:7

Ala ka kuma tora ka jɛnsɛn, kalandenw tora ka caya kosɛbɛ Zeruzalɛmu kɔnɔ. Sarakalasebaga caaman sɔnna ka la Yezu la.