Kɛwalew 3:25 - LAYIDUKURA

²⁵ Aw ye kiraw ka deenw ye. Ala tun ye layidu ta aw faaw ye Ibrayima barika la, aw y'o deenw ye. A tun ko: ‘I deen sababu la, mɔgɔ bɛɛ bɛna duba sɔrɔ.’

Jula NT of Côte d’Ivoire

²⁵ Ayiwa, Ala ka ko minw bɛɛ yira ciraw ra, o bɛɛ fɔra aw le ye. Ala ka jɛnɲɔgɔnya min don ni an bɛmaw ye, aw fana bɛ o jɛnɲɔgɔnya ra. Ala ka o le fɔ Iburahima ye ko: ‹Dugukolo ta gbaw bɛɛ bɛna baraka sɔrɔ ne fɛ ele ta duruja sababu le ra.›

ALA KA KUMA

²⁵ Aw ye kiraw ka deenw ye. Ala tun ye bɛɛn min kɛ n'aw faaw ye Ibrayima barika la, aw y'o deenw ye. A tun ko: ‹Gwasow bɛɛ bena duba sɔrɔ i kɔmɔgɔ barika la.›

Kɛwalew 3:25 Iomraidhean Croise

Luka 1:72

O cogo la, a makarila an faaw la, a y'a hakili to a ka layidu la.

Kɛwalew 13:26

“Ayiwa, n badenw, aw minw buruju bɔra Ibrayima na, ani aw siya wɛrɛ minw bɛɛ bɛ siran Ala nya, Ala ka hɛrɛ sɔrɔ kuma nin ye an le ta ye.

Kɛwalew 2:39

bari Matigi y'o layidu ta aw, n'aw deenw le ye, ani Matigi an ka Ala bɛna mɔgɔ minw wele ka bɔ yɔrɔjan.”

Rɔmukaw 15:8

Ne b'a fɔ tinyɛ na ko Ala ka kantigiya kɔsɔn, Krista ye baara kɛ Zuwifuw ye, janko Ala tun ye layidu minw ta an faaw ye o ka kɛ.

Rɔmukaw 4:13

Ala ye layidu ta Ibrayima ye ko a bɛna dinyɛ di a n'a kɔmɔgɔw ma ka kɛ u ta ye. O ma kɛ sariya labatoli kɔsɔn dɛ, nga a y'o kɛ bari Ibrayima lar'a la, o la, Ala y'a jati mɔgɔtilennin ye.

Galasikaw 3:16

Ala tun ye layiduw ta Ibrayima n'a kɔmɔgɔ le ye. O kɔmɔgɔ nin ye Krista le ye. O la, a tun y'a fɔ ko: “E n'i kɔmɔgɔ.” Nga a m'a fɔ ko: “E n'i kɔmɔgɔw.”

Galasikaw 3:29

N'aw kɛra Krista ta ye, aw ye Ibrayima kɔmɔgɔw ye, aw fana bɛna niyɔrɔ sɔrɔ Ala ka layidu la.

Galasikaw 3:8

O la, Ala tun kɔnna ka kibaru diman nin fɔ ko: “Siya bɛɛ bɛna duba sɔrɔ i barika la,” bari Ala tun y'a latigɛ ko a bɛna siya wɛrɛw jati mɔgɔtilenninw ye jigi barika la.

Yirari 14:6

O kɔ, ne ye mɛlɛkɛ dɔ tɛmɛtɔ ye fɔɔ sankolo la. Kibaru diman b'a bolo k'a lase dinyɛ mɔgɔw bɛɛ ma, jamanaw kɔnɔ siyaw bɛɛ ma. O kibaru nin tɛna nagasi abada.

Yirari 5:9

U tun bɛ dɔnkilikura dɔ lara ko: “E ni wale, ele le bɛ se ka sɛbɛ nin minɛ k'a taamasinyɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.

Yirari 7:9

O tɛmɛnin kɔ, ne ko n bɛ filɛli kɛ tugu, ne ye jamaba dɔ ye, mɔgɔ si tɛ se ka minw jati k'u daa lɔn. Jamanaw bɛɛ mɔgɔw tun b'a la, ni siya bɛɛ. U lɔnin tun bɛ masasigilan ni Sagaden nyafɛ. Fanigwɛ tun b'u kaan na, ka tenfuraburu minɛ u bolo la.