Kɛwalew 3:20 - LAYIDUKURA

²⁰ Aw k'a kɛ ten, o la, yɛlɛmani bɛna don, lafiya bɛna sɔrɔ. O seen fɛ Ala bɛna segi k'a ka Mɔgɔwolomanin Yezu ci aw ma tugu, i n'a fɔ a y'a latigɛ cogo min na.

Jula NT of Côte d’Ivoire

²⁰ Ni o kɛra, Matigi bɛna laganfiya di aw ma, ani Kirisita min ta ko latigɛra aw ye, min ye Yesu ye, a bɛna o ci ka na aw fɛ.

ALA KA KUMA

²⁰ Aw k'a kɛ ten, o la, yɛlɛmani bena don, lafiya bena sɔrɔ. O seen fɛ Matigi bena segi k'a ka Mɔgɔ wolomanin Yezu ci aw ma tugu, i n'a fɔ a y'a latigɛ cogo min na.

Kɛwalew 3:20 Iomraidhean Croise

Matiyu 16:27

Ayiwa, Mɔgɔ Dencɛ bɛna na n'a ka mɛlɛkɛw ye a Faa ka sebagaya la, o cogo la a bɛna mɔgɔw bɛɛ kelen kelen sara ka kɛnyɛ n'u ka kɛwaliw ye.

Matiyu 24:3

Yezu taara sigi Olivuyirikulu kan. A ka kalandenw gwɛrɛla a la u danna k'a fɔ a ye ko: “O koow bɛna kɛ waati min na, i ka o fɔ an ye, e k'i nako taamasinyɛ, ni dinyɛ laban taamasinyɛ fɔ an ye.”

Marika 13:26

O tuma na, mɔgɔw bɛna Mɔgɔ Dencɛ natɔ ye sankabaw cɛma ni sebagaya ni nɔɔrɔ ye.

Luka 19:11

Mɔgɔ minw tun bɛ Yezu lamɛnna, olu kɔni tun bɛ miirila ko Ala tun bɛn'a ka masaya yira o waati yɛrɛ la. O y'a sɔrɔ, a tun surunyana Zeruzalɛmu na, o la, Yezu ye talen la u ye

Luka 21:27

O tuma na, mɔgɔw bɛna Mɔgɔ Dencɛ natɔ ye sankabaw cɛma ni sebagaya, ni nɔɔrɔ ye.

Kɛwalew 17:31

O kama, a ye loon dɔ sigi. N'o loon nin sera, a ye mɔgɔ dɔ woloma ka ban, a bɛna o tigi bila ka adamadenw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale le bɛna mɔgɔw bɛɛ kiti.”

Kɛwalew 3:19

O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Kɛwalew 3:21

Nga sanni o waati ka se, a siginin bɛna to Ala kɔrɔ fɔlɔ yan ni yɛlɛmani bɛ don dinyɛ koow bɛɛ la, ka kɛnyɛ ni Ala ka kiraw ka kuma ye, o min fɔra kabini tumajan.

Tes 2nan 2:2

aw kan'a to mɔgɔ si b'aw lafili gwansan, ani ka siranya bila aw la, ko ale ye kiraya kuma sɔrɔ, walima ka manamanakuma dɔ fɔ aw ye, walima n'u dɔ ye bataki koo fɔ aw ye k'o bɔra an fɛ, n'u b'a fɔ aw ye ko Matigi ka kɔsegi sera.

Tes 2nan 2:8

O la, mɔgɔjugu nin b'a yɛrɛ yira, an Matigi Yezu bɛn'a halaki a dalafɔnyɔ fɛ, k'a kɛ a bɛ tunu pewu n'a ka nali nɔɔrɔ ye.

Heburuw 9:28

o cogo kelen na, Krista y'a yɛrɛ saraka sinyɛ kelen, ka mɔgɔ bɛɛ ka kojuguw yafa. O kɔ, a bɛna segi ka na, o tɛna kɛ kojuguw yafako kama tugu, nga mɔgɔ minw b'a makɔnɔna, olu kisili kɔsɔn lo.

Yirari 1:7

Ayiwa, a bɛna na sankaba kan. Mɔgɔ bɛɛ bɛn'a ye. Hali minw tun y'a sɔgɔ ni taman ye, u bɛn'a ye. Siyaw bɛɛ bɛna kasi ale kɔsɔn. Ɔnhɔn, a bɛna kɛ ten. Amiina.