Kɛwalew 3:16 - LAYIDUKURA

¹⁶ An y'an jigi la Yezu kan minkɛ, o le y'a to a ye cɛɛ nin kɛnɛya, aw nyaa b'o min na, aw b'a lɔn fana ka kɔrɔ. Tinyɛ na, anw lara Yezu la minkɛ, o le y'a kɛnɛya aw nyakɔrɔ ten.

Jula NT of Côte d’Ivoire

¹⁶ Anw lara Yesu tɔgɔ min na, o tɔgɔ le ka baraka don nin cɛ ra; aw ɲa b’a ra, aw k’a lɔn fana. Lanaya, Yesu tɔgɔ ra, o le ka kɛnɛya dafanin di nin cɛ ma aw bɛɛ ɲa na.

ALA KA KUMA

¹⁶ An lara Yezu tɔgɔ la minkɛ, o le y'a to a ye cɛɛ nin kɛnɛya, aw ɲaa be min na, aw b'a lɔn fana ka kɔrɔ. Tiɲɛ na, anw lara Yezu la minkɛ, o le y'a kɛnɛya aw ɲakɔrɔ ten.

Kɛwalew 3:16 Iomraidhean Croise

Matiyu 14:29

Yezu y'a fɔ a ye ko: “Na.” Piyɛri bɔra kurun kɔnɔ ka taama jii kan n'a bɛ taara Yezu fɛ.

Matiyu 9:22

Yezu y'a nyaa yɛlɛma kɔfɛ ka muso nin ye. A y'a fɔ a ye ko: “N dɔgɔmuso, i jigi kana tigɛ. I kɛnɛyara ka ban bari i lara ne la.” O yɔrɔnin bɛ, muso nin kɛnɛyara.

Yuhana 14:12

Tinyɛ tinyɛ na, ne b'a fɔ aw ye ko mɔgɔ min lara ne la, o tigi bɛna se ka ne ka kɛwaliw nyɔgɔn kɛ. A yɛrɛ bɛna koo dɔw kɛ minw ka bon ni ne taw ye, bari ne bɛ taa n Faa fɛ.

Yuhana 7:23

Ka mɔgɔ kɛnɛkɛnɛ lafinyɛlon na, n'o tɛ Musa ka sariya cɛn, mun na aw bɛ dimi ne kɔrɔ ko ne ye mɔgɔ kɛnɛya lafinyɛlon na?

Kɛwalew 14:9

Cɛɛ tun b'a tulo malɔra Pɔli ka waajuli la. Pɔli y'a filɛ! A y'a lɔn ko cɛɛ lara a la ko Yezu bɛ se k'ale kɛnɛya.

Kɛwalew 16:18

A tora o la fɔɔ tile damani. A laban, Pɔli ma se k'a munyu. O la, a y'a nyaa yɛlɛma k'a fɔ muso nin ka jina ye ko: “Yezu Krista tɔgɔ barika la, ne b'a fɔ i ye, bɔ muso nin na.” O yɔrɔnin bɛ, jina bɔra muso la.

Kɛwalew 3:6

Nga Piyɛri y'a fɔ a ye tugu ko: “Sanu tɛ n fɛ, wari tɛ n fɛ, nga fɛɛn min bɛ n fɛ, ne b'o le d'i ma: Nazarɛti Yezu Krista tɔgɔ barika la, wili ka taama.”

Kɛwalew 3:8

A panna ka cun! A taamana ka don n'u ye Alabatosoba kɔnɔ. A tora ka taama ka panpan, ka barika la Ala ye.

Kɛwalew 4:10

O tuma na, a ye tulo malɔ ka nya ani k'a faamu, Isirayɛli jama bɛɛ fana k'a faamu ko Yezu Krista Nazarɛtika nin barika lo, aw tun y'o min gwengwen k'a faga lɔgɔ kan. Ala y'a kunun. Ale barika la cɛɛ nin kɛnɛyara.

Kɛwalew 4:30

A to an ka se ka mɔgɔw kɛnɛya, ka kabakow kɛ Yezu barika la, ale min ye i ka Sagokɛla bɛrɛbɛrɛ ye.”

Kɛwalew 4:7

O tuma na, u nana ni Piyɛri ni Zan ye u cɛma. U y'u nyininga ko: “Aw ye cɛmurukunin nin kɛnɛya ni dalilu jumɛn ye, walima aw y'a kɛnɛya jon barika la?”

Rɔmukaw 3:22

Mɔgɔ o mɔgɔ lara Yezu Krista la, Ala bɛ olu bɛɛ jati mɔgɔtilenninw ye, wolomani t'o la.

Kor fɔlɔ 13:2

Hali ni ne ye kiraya kɛ see sɔrɔ, ka kodogoninw, ni fɛɛn bɛɛ lɔnniya sɔrɔ, hali ni ne lara Ala la kosɛbɛ, fɔɔ ka se ka kuluw wili k'o bɔ u lɔyɔrɔ la, ni kanuya tɛ ne dusu la, o bɛɛ ye gwansan ye.