Kɛwalew 26:28 - LAYIDUKURA

²⁸ Agiripa ko a ma: “E b'a miiri ko i bɛna ne kɛ Krista ka mɔgɔ ye waatisurun kɔnɔ ten wa?”

Jula NT of Côte d’Ivoire

²⁸ Agiripa ko Pɔli ma ko: «Pɔli, a tora dɔɔnin i bɛna ne hakiri yɛlɛma ka ne fana kɛ lanabaga dɔ ye dɛ!»

ALA KA KUMA

²⁸ Agiripa ko a ma: «A tora dɔɔni i be ne kɛ Krista ka mɔgɔ ye.»

Kɛwalew 26:28 Iomraidhean Croise

Matiyu 10:18

U bɛna aw minɛ ka taa n'aw ye faamaw ni masaw fɛ bari aw ye ne ka kalandenw ye. O bɛna kɛ sababu ye aw bɛna ne koo fɔ u ye, ani siya wɛrɛw ye.

Marika 6:20

bari Erɔdi tun bɛ siran Zan nya. Erɔdi tun y'a lɔn ko Zan ye mɔgɔnyuman ni mɔgɔsɛbɛ ye. A tun bɛ Zan tanga kojugu ma. N'a ye Zan ka kuma lamɛn tuma o tuma, a hakili bɛ nyagami. O n'a ta bɛɛ, a tun ka d'a ye k'a lamɛn.

Kɛwalew 11:26

A y'a ye, u nana nyɔgɔn fɛ Antiyɔsi. U ye saan kelen kɛ nyɔgɔn fɛ n'o yɔrɔ kalandenw ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o kɔrɔ Krista ka mɔgɔw, o daminɛna Antiyɔsi le.

Kɛwalew 24:25

Pɔli kumana ka taa tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɛbɛ, a y'a fɔ Pɔli ye ko: “A ka nyi ten, taa, n bɛna i wele.”

Kɛwalew 26:27

Masa Agiripa, e lanin bɛ kiraw ka kuma fɔninw na wa? Ne y'a lɔn ko i lanin b'u la.”

Kɛwalew 26:29

Pɔli y'a jaabi ko: “A kɛra waatisurun ye wo, a kɛra waatijan ye wo, ne kɔni b'a nyini Ala fɛ, a kana dan e kelen ma dɛ, nga minw bɛɛ bɛ ne lamɛnna bii, ko ne bɛ cogo min na ten, aw bɛɛ ka kɛ o cogo la. Nga jɔrɔkɔ kana kɛ aw la.”

Kor 2nan 4:2

An banna dibidibiko ma maloya b'o min na, an tɛ koo kɛ ni nanbaran ye, an fana tɛ Ala ka kuma kɔrɔ yɛlɛma fewu. An kɔni, an bɛ tinyɛ yɛrɛ yɛrɛ le fɔ, janko mɔgɔw k'u jigi la an kan Ala nyakɔrɔ.

Piy fɔlɔ 4:16

Nga n'aw dɔ bɛ tɔɔrɔla bari a ye Krista ta ye, o kana kɛ maloya ye a fɛ, a ka barika la Ala ye o tɔgɔ nin koo la.