Kɛwalew 26:20 - LAYIDUKURA

²⁰ Ne y'a daminɛ ka Damasikaw waaju fɔlɔ, ani Zeruzalɛmukaw, ka Isirayɛli jamana bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwalinyumanw kɛ minw b'a yira k'u sɔnna.

Jula NT of Côte d’Ivoire

²⁰ Ne ka o kow waajuri kɛ Damasi dugumɔgɔw le ye fɔlɔ, o kɔ, Zeruzalɛmukaw, ani Zude mara bɛɛ, ani siya wɛrɛ mɔgɔw. Ne k’a fɔ bɛɛ ye ko o ka kan ka nimisa o ta jurumunw na ka kɔsegi Ala ma, ka kɛwale kɛ, kɛwale min b’a yira ko o nimisara can ra.

ALA KA KUMA

²⁰ Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Kɛwalew 26:20 Iomraidhean Croise

Matiyu 3:2

A tun b'a fɔ mɔgɔw ye ko: “Aw ye nimisa ka faran aw ka kojuguw la, bari Sankolo tigi ka masaya waati surunyana.”

Matiyu 3:8

Aw ka kɛwalinyumanw kɛ k'a yira ko aw nimisara ka faran aw ka kojuguw la.

Matiyu 4:17

Kabini o tuma, Yezu y'a daminɛ ka waajuli kɛ. A tun b'a fɔ mɔgɔw ye ko: “Aw ye nimisa ka faran aw ka kojuguw la bari Sankolo tigi ka masaya waati surunyana.”

Matiyu 9:13

Aw ye taa miiri Ala ka kuma nin kɔrɔ la. A tun y'a fɔ ko: ‘Ne b'a fɛ ko mɔgɔw ka makari nyɔgɔn na le, nga n tɛ u ka sɔnnifɛnw fɛ,’ bari ne ma na mɔgɔnyumanw wele, nga ne nana kojugukɛlaw wele.”

Marika 6:12

Kalanden tan ni fila taara mɔgɔw waaju k'u ka nimisa ka faran u ka kojuguw la.

Luka 1:16

A bɛna kɛ sababu ye Isirayɛlidenw caaman bɛna segi ka sɔn u Matigi Ala ma.

Luka 13:3

Ne b'a fɔ aw ye ko tinyɛ t'o ye. Ni aw ma nimisa ka faran aw ka kojuguw la, aw bɛɛ bɛna halaki fana.

Luka 13:5

Ne b'a fɔ aw ye ko tinyɛ t'o ye. Ni aw ma nimisa ka faran aw ka kojuguw la, aw bɛɛ bɛna halaki fana.”

Luka 15:10

O cogo la, ne b'a fɔ aw ye ko ni kojugukɛla kelen nimisara ka faran a ka kojuguw la, nisɔndiya bɛ kɛ Ala ka mɛlɛkɛw fɛ o tigi kɔsɔn.”

Luka 15:7

O cogo la, ne b'a fɔ aw ye ko ni kojugukɛla kelen nimisara ka faran a ka kojuguw la, mɛlɛkɛw bɛna nisɔndiya sankolo la o tigi kɔsɔn. Mɔgɔtilennin bi kɔnɔntɔn ni kɔnɔntɔn minw mako tɛ nimisali la, nisɔndiya min bɛ kɛ olu kɔsɔn, o tɛ se mɔgɔ kelen nin ta ma.

Kɛwalew 11:18

Kuma nunu y'u dusu mala. U y'a daminɛ ka Ala tando ka to k'a fɔ ko: “Aa, tinyɛ na, Ala ye sira di siya wɛrɛw fana ma u ka se k'u sɔɔn yɛlɛma ka sini hɛrɛ sɔrɔ.”

Kɛwalew 15:19

“O kama, ne Zaki ka miiri la, siya wɛrɛ minw bɛ sɔnna Ala ka koow ma, an man kan ka koo gwɛlɛman la u kan.

Kɛwalew 17:30

Adamadenw ye kolɔnbaliya minw kɛ ka tɛmɛ, Ala tɛ o si jatira tugu. Nga, a b'a nyini mɔgɔw fɛ yɔrɔ bɛɛ, k'u ka nimisa ka faran u ka kojuguw la.

Kɛwalew 2:38

Piyɛri y'u jaabi ko: “Aw ye nimisa ka faran aw ka kojuguw la, an b'aw batize Yezu Krista tɔgɔ la janko aw ka yafa sɔrɔ. O la, aw bɛna Nii Senuman sɔrɔ,

Kɛwalew 20:21

N y'a fɔ Zuwifuw, ni siya wɛrɛw ye, k'u ka nimisa ka faran u ka kojuguw la, ka la an Matigi Yezu la, k'u nyasin Ala ma.

Kɛwalew 26:17

Ne bɛna i kisi Zuwifuw, ni siya wɛrɛw ma. Bari ne b'a fɛ k'i ci olu le fɛ,

Kɛwalew 26:19

“Ayiwa masa Agiripa, Ala y'o min fɔ ne ye, ne ma se k'a sɔsɔ.

Kɛwalew 3:19

O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Kɛwalew 9:15

Nga Matigi ko Ananiyasi ma: “Taa, bari ne mako b'a la. A bɛna ne ka koo fɔ siya wɛrɛw n'u ka masaw ye ani Isirayɛlidenw ye, u ka ne lɔn.

Kɛwalew 9:35

Lidakaw, ani minw siginin bɛ Sarɔn, u ye koo nin ye, u bɛɛ tuubira Matigi ye.

Rɔmukaw 2:4

Walima e tɛ Ala ka nyumanya dafanin n'a ka munyuli, an'a ka timinadiyali jati foyi ye wa? K'a sɔrɔ a b'i dɛmɛ a ka nyumanya barika la ka nimisa ka faran i ka kojugu la.

Kor 2nan 3:16

Ni min sɔnna Matigi ma, fani nin bɛ bɔ o tigi nyada kan.

Kor 2nan 7:10

Bari dusukasi min bɛ bɔ Ala fɛ, ale bɛ mɔgɔ dɛmɛ ka nimisa ka kisi, “tun ka lɔn” tɛ ale kɔfɛ. Dusukasi min kɛra dinyɛ ta ye, ale bɛ taa ni mɔgɔ ye saya la.

Ɛfɛsikaw 4:17

Ne bɛ min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw bɛ taama cogo min na u ka miiriya fufafu fɛ.

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔnko dabila cogo min na ka Ala kelen bato, mɔgɔ bɛɛ b'o fɔra.

Yirari 16:11

U tora ka Ala nɛni k'a tɔgɔjugu fɔ u ka tɔɔrɔ sɔrɔninw bɛɛ kɔsɔn. U ma nimisa ka faran u ka kɛwaliw la dɛ.

Yirari 2:21

N y'a to fɔlɔ waasa a k'a sɔɔn yɛlɛma. Nga a do t'a fɛ k'a ka kakalaya dabila.

Yirari 2:5

Aw tun bɛ cogo min na fɔlɔfɔlɔ la, n'aw yɛlɛmana, aw ye miiri o la kosɛbɛ ka nimisa, k'aw ka fɔlɔfɔlɔ kɛwaliw nyɔgɔn kɛ. N'aw m'o kɛ, ne bɛna na aw kama, k'aw ka lanpan ta ka bɔ a nɔɔ na.

Yirari 3:3

Aw ye kuma min mɛn ka sɔn a ma, aw k'aw hakili jigi o la, k'aw sɔɔn yɛlɛma k'o kuma nin minɛ ka nya dɛ! N'o tɛ, ne bɛna na bari aw la i n'a fɔ soon, aw tɛna ne natuma lɔn.