Kɛwalew 24:24 - LAYIDUKURA

²⁴ Tile damani tɛmɛnin kɔ, Felikisi n'a muso Durusiyi nana. A muso tun ye Zuwifu ye. U ko ka Pɔli wele, a ka dɔ fɔ ale ye Yezu Krista ka koo la.

Jula NT of Côte d’Ivoire

²⁴ Tere dama tɛmɛnin kɔ, jamanatigi Felisi nana ni a muso ye, min ye Durusili ye; o muso tun ye Yahudiya ye. O ka mɔgɔ ci ka taga Pɔli wele ka na. Mɔgɔ bɛ la Yesu Kirisita ra cogo min na, Pɔli ka o ɲafɔ o ye.

ALA KA KUMA

²⁴ Tile damani tɛmɛnin kɔ, Felikisi n'a muso Durusiyi nana. A muso tun ye zuwifu ye. A ko ka Pɔli wele, a ka dɔ fɔ ale ye Yezu Krista ka koo la.

Kɛwalew 24:24 Iomraidhean Croise

Marika 6:20

bari Erɔdi tun bɛ siran Zan nya. Erɔdi tun y'a lɔn ko Zan ye mɔgɔnyuman ni mɔgɔsɛbɛ ye. A tun bɛ Zan tanga kojugu ma. N'a ye Zan ka kuma lamɛn tuma o tuma, a hakili bɛ nyagami. O n'a ta bɛɛ, a tun ka d'a ye k'a lamɛn.

Luka 19:3

A tun b'a fɛ k'a nyaa la Yezu kan k'a lɔn, nga a tun tɛ se k'a ye jama kɔsɔn, bari ale Zase tun ka surun.

Luka 23:8

Erɔdi ye Yezu ye minkɛ, o diyara a ye kosɛbɛ. A tun b'a fɛ ka Yezu ye kabini tumajan bari a tun y'a ka koo mɛn. A tun bɛ miiri fana ko Yezu bɛna kabako dɔ kɛ ale nyana.

Kɛwalew 16:31

U y'a jaabi ko: “E ka la Matigi Yezu la dɔrɔn, e n'i ka somɔgɔw bɛɛ bɛna kisi.”

Kɛwalew 20:21

N y'a fɔ Zuwifuw, ni siya wɛrɛw ye, k'u ka nimisa ka faran u ka kojuguw la, ka la an Matigi Yezu la, k'u nyasin Ala ma.

Kɛwalew 24:25

Pɔli kumana ka taa tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɛbɛ, a y'a fɔ Pɔli ye ko: “A ka nyi ten, taa, n bɛna i wele.”

Kɛwalew 26:22

Nga Ala ka dɛmɛli sababu la, halibi ne bɛ yen, ka se ka tinyɛ fɔ setigiw ni faantanw ye. Kiraw ni Musa nunu tun y'a fɔ ko min bɛna kɛ, ne ma dɔ fɔ ka tɛmɛ olu ta kan.

Galasikaw 2:16

An b'a lɔn ko mɔgɔ si tɛ se ka jati mɔgɔtilennin ye sariya labatoli fɛ, nga fɔɔ ni min lara Yezu Krista la. O la, an lara Yezu Krista la fana, waasa an ka se ka jati mɔgɔtilenninw ye o lanaya barika la, a kana kɛ sariya labatoli barika la, bari mɔgɔ si tɛ se ka jati mɔgɔtilennin ye sariya labatoli barika la.

Galasikaw 2:20

Hali n'aw y'a ye ko ne bɛ nii na halibele, o tɛ ne yɛrɛ sababu ye, o ye Krista ka sababu ye. Bari n'aw y'a ye ko ne nyanaman lo farisogo la, o kɛra Ala Dencɛ barika la, ne ye n jigi la o min kan. A ye ne kanu fɔɔ k'a yɛrɛ di ne kɔsɔn.

Galasikaw 3:2

Ne b'a fɛ ka fɛɛn min faamu aw fɛ, o ye nin ye: Aw ye Nii Senuman sɔrɔ aw ka sariya labatoli barika la wa, walima aw sɔnna kibaru diman ma minkɛ, o kɔsɔn lo?

Zan fɔlɔ 5:1

Ni mɔgɔ o mɔgɔ lara a la ko Yezu le ye Ala ka mɔgɔ wolomani ye, o tigi ye Ala deen ye. Mɔgɔ o mɔgɔ bɛ denfa kanu, o tigi b'a deen fana kanu.

Zude 1:3

Ne teriw, ne tun y'a lanyini sɛbɛ la ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija lanaya koo la Ala y'o min di a ka jama ma sinyɛ kelen, o nyɔgɔn tɛna kɛ tugu.

Yirari 14:12

O kama Ala ka mɔgɔ minw b'a ka kuma labato ani k'u jigi to Yezu kan, olu ka jijawaati sera.