Kɛwalew 23:6 - LAYIDUKURA

⁶ Ayiwa, Pɔli y'a lɔn ko kititigɛlaw faan kelen ye Sadusenyɛw ye, faan dɔ ye Farizinyɛw ye minkɛ, a pɛrɛnna ko: “N badenw, ne faa ye Farizinyɛ ye, ne yɛrɛ ye Farizinyɛ ye. An jigi bɛ suuw kununko min na, o jigi nin kama u ye ne minɛ.”

Jula NT of Côte d’Ivoire

⁶ Ayiwa, Pɔli tun k’a lɔn ko kititigɛjama mɔgɔ dɔw tun ye Sadusiw* ye, dɔw tun ye Farisiw* ye. O kosɔn, a pɛrɛnna kititigɛjama cɛ ma, k’a fɔ ko: «Ne balemaw, ne ye Farisi yɛrɛworo le ye. Ne lanin b’a ra ko suw bɛna kunu lahara minkɛ, o le kosɔn kiti bɛ tigɛra ne kan bi.»

ALA KA KUMA

⁶ Ayiwa, Pɔli y'a lɔn ko kititigɛlaw faan kelen ye *Saduseɲɛw ye, faan dɔ ye *Fariziɲɛw ye minkɛ, a pɛrɛnna ko: «N balimaw, ne faa ye Fariziɲɛ ye, ne yɛrɛ ye Fariziɲɛ ye. An jigi be suuw kununko min na, o jigi nin kama u ye ne minɛ.»

Kɛwalew 23:6 Iomraidhean Croise

Matiyu 10:16

“Ayiwa, ne b'aw ci i n'a fɔ sagaw waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtugan.

Matiyu 22:23

Sadusenyɛw le tun b'a fɔ ko suuw tɛna kunun. O loon kelen na, olu dɔw taara Yezu fɛ k'a fɔ a ye ko:

Matiyu 3:7

Zan y'a ye ko Farizinyɛ caaman ni Sadusenyɛ caaman bɛ nana batize ale fɛ minkɛ, a y'a fɔ u ye ko: “Aw fɔnfɔnnidenw, jon y'aw lasɔmi ko aw ka boli Ala ka kiti nata nya?

Kɛwalew 22:3

“Ne ye Zuwifu ye, n wolola Tarisi, Silisi mara la, nga n lamɔna dugu nin kɔnɔ yan. Gamaliyɛli le ye n kalan kosɛbɛ an faaw ka sariyaw la. N ka Alako tun tɛ tolonkɛko ye, i n'a fɔ aw fana ta bɛ cogo min na bii.

Kɛwalew 22:30

Dugu gwɛra, Zuwifuw bɛ Pɔli jalakila kuun min na, sɔlidasi kuntigi nin tun b'a fɛ k'o lɔn. O la, a y'a fɔ sarakalasebagaw ni Zuwifuw ka kititigɛlaw bɛɛ ye k'u ka nyɔgɔn lajɛn, ko ale bɛna Pɔli d'u ma u k'a kiti. O la, a ye Pɔli foni ka ta'a d'u ma.

Kɛwalew 22:5

Sarakalasebagaw kuntigiba ni cɛkɔrɔbaw ka jɛnkulu bɛ se k'a fɔ ni galon lo, ni tinyɛ lo. Loon dɔ la, ne ye sɛbɛ sɔrɔ olu fɛ ko n ka ta'a di an baden Zuwifuw ma Damasi, ka Yezu kɔmɔgɔw minɛ yen ka na n'u ye Zeruzalɛmu k'u tɔɔrɔ.

Kɛwalew 23:1

Pɔli lɔra ka kititigɛla nunu filɛ furutututu k'a fɔ ko: “N badenw, ne ye n ka kɛtaw bɛɛ kɛ ni kɔnɔgwɛ ye Ala nyana fɔɔ ka na se bii ma.”

Kɛwalew 23:15

O la do, aw ye bɛn ni kititigɛla tɔw ye, k'a nyini sɔlidasi kuntigi fɛ ko a ka Pɔli sama aw ma waasa aw k'a ka koo jatiminɛ kosɛbɛ. Anw bɛna labɛn k'a faga sira la n'a ma se aw fɛ yan.”

Kɛwalew 23:20

Kanbelen y'a jaabi ko: “Zuwifuw bɛnna a la k'u bɛna Pɔli dali e fɛ sini, janko kititigɛlaw ka se k'a ka koo nyanabɔ kosɛbɛ.

Kɛwalew 23:7

Pɔli y'o kuma nin fɔ tuma min na, mankan wilila Farizinyɛ ni Sadusenyɛw cɛ. Jama tilanna fila ye.

Kɛwalew 24:15

Ne ni olu bɛɛ jigi bɛ Ala kan ko a bɛna mɔgɔnyumanw ni mɔgɔjuguw bɛɛ kunun dinyɛ labanlon.

Kɛwalew 24:21

N tun pɛrɛnna sinyɛ kelen, k'a fɔ ko: ‘Suuw kununko kama lo aw bɛ ne kitira bii kɛ.’ K'o niin bɔ a la, n ye mun kɛ?”

Kɛwalew 28:20

O le y'a to ne ye aw wele ka kuma n'aw ye Isirayɛli jigi bɛ min kan, o kama lo ne sirinin bɛ ni jɔrɔkɔ ye.”

Filipikaw 3:5

Ne wolola, a tile seeginan loon, n kɛnɛkɛnɛna. Ne kɛra Isirayɛliden ye ka bɔ Bɛnzamɛn kɔmɔgɔw la. Ne kɛra Eburu ye, ne wolobagaw bɛɛ ye Eburuw ye. Ala ka sariya labatoli ta faan fɛ, ne kɛra Farizinyɛ ye.

Kɔlɔsikaw 1:5

Aw jigi lanin bɛ fɛɛn min kan arijana na, aw ye o jigi nin sɔrɔ kibaru diman barika la, o min ye tinyɛ kuma ye, aw kɔnna k'o le mɛn.

Heburuw 6:19

O jigi min b'an fɛ, barika b'o la. O b'a kɛ an bɛ lɔ ka nya, a b'an dɛmɛ fɔɔ ka taa se Ala fɛ.