Kɛwalew 22:12 - LAYIDUKURA

¹² “Cɛɛ dɔ tun b'o yɔrɔ la, a tɔgɔ tun ko Ananiyasi, a tun bɛ Ala ka sariyaw labato kosɛbɛ, a tɔgɔnyuman tun bɛ Zuwifuw bɛɛ daa la o yɔrɔ la.

Jula NT of Côte d’Ivoire

¹² «O y’a sɔrɔ cɛ dɔ tun bɛ Damasi, a tɔgɔ ye ko Ananiyasi. Alaɲasiranbaga tun lo, ani sariya siratagamabaga; Damasi Yahudiyaw bɛɛ tun bɛ a tɔgɔɲuman fɔ.

ALA KA KUMA

¹² «Cɛɛ dɔ tun b'o yɔrɔ la, a tɔgɔ tun ko Ananiyasi, a tun be Ala ka sariyaw bato kosɔbɛ, a tɔgɔɲuman tun be zuwifuw bɛɛ daa la o yɔrɔ la.

Kɛwalew 22:12 Iomraidhean Croise

Luka 2:25

O y'a sɔrɔ cɛɛ dɔ tun bɛ Zeruzalɛmu min tɔgɔ ko Simiyɔn. O cɛɛ tun ye mɔgɔnyuman ye, a tun bɛ Ala ka sariyaw bɛɛ labato. A tun bɛ Isirayɛli ka kunmabɔbaga nali kɔnɔna. Nii Senuman tun b'a fɛ.

Kɛwalew 10:22

U y'a jaabi ko: “Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a bɛ siran Ala nya, Zuwifu jama bɛɛ b'a tɔgɔnyuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.”

Kɛwalew 17:4

Zuwifuw mɔgɔ damani, ani girɛki minw bɛ siran Ala nya, olu caaman, ni faamamuso dɔw lara kuma nunu na. Olu nɔrɔla Pɔli ni Silasi la.

Kɛwalew 6:3

O kama, aw yɛrɛ ka mɔgɔ wolonwula woloma aw cɛma minw sɔɔn ka nyi, ni hakili b'u fɛ, ni Nii Senuman. O la, anw bɛna dumuni tilanko don olu bolo.

Kɛwalew 8:2

Mɔgɔnyuman dɔw ye Etiyɛni suu don k'a sanga kɛ kosɛbɛ.

Kor 2nan 6:8

N ye n yɛrɛ yira Ala ka baarakɛla ye n bonyatuma ni n dɔgɔyatuma na. U b'an tɔgɔjugu fɔ, k'an tɔgɔnyuman fana fɔ. U bɛ miiri ko an ye galontigɛlaw ye, k'a sɔrɔ an ye tinyɛfɔlaw ye.

Tim fɔlɔ 3:7

A ka kɛ mɔgɔ ye min tɔgɔnyuman bɛ fɔ mɔgɔ wɛrɛw fɛ, waasa a kana dɔgɔya sɔrɔ Sutana ka se a kɔrɔ.

Heburuw 11:2

Fɔlɔfɔlɔ mɔgɔw ye tɔgɔnyuman sɔrɔ Ala fɛ u jigi kɔsɔn.

Zan 3nan 1:12

Demetiriyusi kɔni, mɔgɔ bɛɛ b'ale tɔgɔnyuman fɔra. U do bɛ tinyɛ le fɔra. Anw fana b'a tɔgɔnyuman fɔ. I b'a lɔn ko an bɛ min fɔ, ko tinyɛ lo.