Kɛwalew 21:40 - LAYIDUKURA

⁴⁰ Sɔlidasi kuntigi ye sira d'a ma. O la, a lɔra yɛlɛyɛlɛnan nunu kan k'a bolo kɛ ko mɔgɔw ka je. Mɔgɔw jera tuma min na, a kumana u fɛ eburukan na ko:

Jula NT of Côte d’Ivoire

⁴⁰ Sorasiw kuntigiba sɔnna ko Pɔli ye kuma. Pɔli lɔnin tora bon donda yɛlɛnyɔrɔ kan ka a boro kɔrɔta mɔgɔw fɛ ko a b’a fɛ ka kuma o fɛ. Mɔgɔw bɛɛ jera; Pɔli kumana o fɛ aramekan na; a ko:

ALA KA KUMA

⁴⁰ Sɔlidasi kuntigi ye sira d'a ma. O la, a lɔra yɛlɛyɛlɛnan nunu kan k'a bolo kɛ ko mɔgɔw ka je. Mɔgɔw jera tuma min na, a kumana u fɛ eburukan na. A ko:

Kɛwalew 21:40 Iomraidhean Croise

Luka 23:38

U y'a sɛbɛn fɛɛn dɔ kan k'a dulon gwengwenlɔgɔ la Yezu kunna ko: “Nin ye Zuwifuw ka masa ye.”

Yuhana 19:13

Pilati y'o kuma nunu mɛn tuma min na, a ko u ka bɔ ni Yezu ye luu kɔnɔ ka ta'a sigi kiti tigɛyɔrɔ la, min dilanna ni kabakuru ye n'a bɛ wele Gabata eburukan na.

Yuhana 19:17

Yezu y'a ka gwengwenlɔgɔ ta. U taara se yɔrɔ dɔ la min tɔgɔ ko Kungolo yɔrɔ la, u b'a wele eburukan na ko Gɔligota.

Yuhana 19:20

Zuwifu caaman tun ye o sɛbɛ nin kalan, bari Yezu tun gwengwenna yɔrɔ min na, o yɔrɔ tun man jan dugu la, ani o kuma nin tun sɛbɛnna eburukan na, ni latɛnkan na, ani girɛkikan na.

Yuhana 5:2

U bɛ don ni sagaw ye daa min fɛ dugu kɔnɔ, o gɛrɛfɛ, jii lɔyɔrɔ dɔ tun bɛ yen, u b'o yɔrɔ nin wele eburukan na ko Bɛtizata. U y'a yɔrɔ nin lɔ ka bolonda duuru kɛ a la.

Kɛwalew 1:19

Zeruzalɛmukaw bɛɛ y'o kibaru mɛn fɔɔ u ye foro nin tɔgɔ la u ka kaan na ko Akɛlidama. O kɔrɔ ko Joli foro.

Kɛwalew 12:17

Piyɛri y'a bolo kɛ k'u ka je. U jera, Matigi y'a bɔ kaso la cogo min na, a y'o bɛɛ nyafɔ u ye. O kɔ, a y'a fɔ u ye k'u ka taa o kibaru fɔ Yakuba, ni kalanden tɔw ye. A y'o fɔ ka ban, a bɔra ka taa yɔrɔ dɔ la.

Kɛwalew 13:16

Pɔli wilila k'a bolo kɛ k'u ka je. A ye kuma daminɛ ko: “Isirayɛlidenw, ani aw siya wɛrɛ minw bɛɛ bɛ siran Ala nya, aw ye mɛnni kɛ.

Kɛwalew 19:33

Zuwifuw ye Alɛkisandiri tɔgɔ dɔ bila u nyafɛ janko a ka dɔ fɔ u ye. Alɛkisandiri nana a bolo kɛ, k'u ka je. A y'a daminɛ ko a bɛ kuma jama fɛ,

Kɛwalew 21:35

U sera yɛlɛyɛlɛnanw ma tuma min na, sɔlidasiw dɛsɛra le ka Pɔli nyun jama ka fariya kɔsɔn,

Kɛwalew 22:2

U y'a ye ko Pɔli bɛ kumana u fɛ eburukan na minkɛ, yɔrɔ sumana tɛtɛtɛ fɔɔ ka nya.

Kɛwalew 26:14

An bɛɛ benna. Ne ye kumakan dɔ mɛn eburukan na ko: ‘Sawuli, Sawuli, mun na i bɛ ne tɔɔrɔla ten? A ka gwɛlɛ i ma ka kogo bugɔ.’

Kɛwalew 6:1

Kalandenw tora ka buguya dɔrɔn. Waati dɔ la, Zuwifu minw bɔra yɔrɔ wɛrɛ, n'u bɛ girɛkikan fɔ, olu tora ka tɔw kɔrɔfɔ k'u tɛ to k'u mako don olu ka firiyamusow la kosɛbɛ dumuni tilantuma na loon o loon.

Yirari 16:16

Jina nunu y'u ka kɛlɛbolo lajɛn yɔrɔ dɔ la, min tɔgɔ ko Arimagedɔn eburukan na.

Yirari 9:11

Mɛlɛkɛ min ye Dingɛjugu nin kuntigi ye, ale le ye u ka masacɛ ye. A tɔgɔ ko Abadɔn eburukan na. Girɛkikan na, a tɔgɔ ko Apoliyɔn. O kɔrɔ ko Halakibaga.