Kɛwalew 21:19 - LAYIDUKURA

¹⁹ A ye foli di u ma ka ban tuma min, Ala y'a dɛmɛ ka koo minw bɛɛ kɛ siya wɛrɛw cɛma, a y'o bɛɛ lakali u ye kelen kelen.

Jula NT of Côte d’Ivoire

¹⁹ Pɔli ka mɔgɔw fo ka ban tuma min na, Ala ka ko o ko kɛ siya wɛrɛ mɔgɔw* cɛ ra a ta waajuri baraka ra, a donna o bɛɛ ra ka o ɲafɔ o ye kelen kelen.

ALA KA KUMA

¹⁹ A ye foli di u ma ka ban tuma min, Ala y'a dɛmɛ ka koo minw bɛɛ kɛ siya wɛrɛw cɛma, a y'o bɛɛ lakali u ye kelen kelen.

Kɛwalew 21:19 Iomraidhean Croise

Matiyu 23:7

Jamayɔrɔw la, u b'a fɛ ko mɔgɔw k'u fo i n'a fɔ mɔgɔbaw, ani k'u wele karamɔgɔ.

Kɛwalew 1:17

Zuda tun ye an dɔ ye. Baara min tun kalifara an ma, o nyɔgɔn le kalifara a fana ma.

Kɛwalew 14:27

U sera yen tuma min na, u y'o yɔrɔ jama senuman lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ nyafɔ u ye.

Kɛwalew 15:12

O tuma na, jama bɛɛ jera fana ka Barinabasi ni Pɔli lamɛn. Ala y'u dɛmɛ ka kabako ni taamasinyɛ minw kɛ siya wɛrɛw fɛ yen, u y'o bɛɛ lakali u ye.

Kɛwalew 15:4

U sera Zeruzalɛmu, o yɔrɔ kalandenw n'u ka nyamɔgɔw ani cidenw y'u kunbɛn. Ala y'u dɛmɛ ka min bɛɛ kɛ, u y'o nyafɔ.

Kɛwalew 20:24

Ne ka bɔnɔ n nii na, o tɛ foyi ye ne nyana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka makariko kibaru diman nin fɔ mɔgɔw ye le.

Kor fɔlɔ 15:10

Nga ne bɛ yɔrɔ min na sisan, o ye Ala ka nɛɛma nɔɔ ye. O nɛɛma nin ma kɛ gwansan ye ne faan fɛ. Ne ye baara kɛ ka tɛmɛ olu bɛɛ kan. O ma kɛ ne yɛrɛ ka seko ye, o ye Ala ka nɛɛma nɔɔ ye.

Kor 2nan 12:12

Kɛwali minw b'a yira ko ne ye ciden ye, olu bɛɛ yera aw cɛma. Ne ye kobaw ni kabako sifa bɛɛ kɛ. Ka fara o kan, ne munyuna koo bɛɛ la.

Kor 2nan 6:1

An bɛ baara kɛra ni Ala ye, o le kɔsɔn an b'aw dali ko Ala ye nɛɛma min kɛ aw ye, aw kan'a to o bɛ kɛ gwansan ye,

Kɔlɔsikaw 1:29

O le kɔsɔn ne bɛ baara kɛ, ani ne bɛ bondori kɛ n'a ka fanga ye, o min bɛ baara kɛra ne kɔnɔ kosɛbɛ.