Kɛwalew 20:7 - LAYIDUKURA

⁷ Lɔgɔkun loon fɔlɔ, an lajɛnnin tun bɛ n'an bɛ dumuni senuman tilantilanna nyɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Jula NT of Côte d’Ivoire

⁷ Lɔgɔkun tere fɔlɔ, an tun lajɛnna ka Matigi ta domuni kɛ ɲɔgɔn fɛ. Pɔli tun b’a fɛ ka taga o lon dugusagbɛ; a kumana lanabagaw fɛ ka mɛɛn fɔ ka taga se su cɛmancɛ wagati ma.

ALA KA KUMA

⁷ Lɔgɔkun loon fɔlɔ, an lajɛnnin tun be n'an be dumuni senuman tilantilanna ɲɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Kɛwalew 20:7 Iomraidhean Croise

Marika 16:9

Lɔgɔkun loon fɔlɔ sɔgɔma joona, Yezu kununna a sanin kɔ. A tun ye jina wolonwula gwɛn ka bɔ Magidala Mariyamu min na, a y'a yɛrɛ yira o la fɔlɔ.

Luka 22:19

O kɔ, Yezu ye buru ta ka barika la Ala ye. A y'a tilantilan k'a d'u ma k'a fɔ ko: “Nin ye ne fari ye [min bɛna kɛ saraka ye aw ka nafa kɔsɔn. Aw ye to ka nin kɛ k'aw hakili to ne la.”

Luka 24:35

O tuma na, olu fila ye Yezu ye sira kan cogo min na, ani k'a lɔn cogo min na dumunikɛtuma na, u y'o lakali kalanden tɔw ye.

Yuhana 20:1

Lɔgɔkun loon fɔlɔ, Mariyamu ka bɔ Magidala wilila sɔgɔmada joona fɛ, mɔgɔ tun tɛ yeli kɛ kosɛbɛ fɔlɔ, ka taa kaburu yɔrɔ la, a taar'a sɔrɔ kabakuru tun tɛ kaburu daa la tugu.

Yuhana 20:19

O loon kelen wulafɛ, o min tun ye lɔgɔkun daminɛlon ye, Zuwifuw nyasiranya kɔsɔn, kalandenw tun bɛ boon min kɔnɔ, u tun y'o daaw tugu k'u sɔgɔ. K'o daa nunu sɔgɔnin to, Yezu donna ka lɔ u cɛma k'a fɔ u ye ko: “Hɛrɛ ka kɛ aw ye.”

Yuhana 20:26

O loon nyɔgɔn tugu, Yezu ka kalandenw tun bɛ soo kɔnɔ, o loon na Toma tun bɛ n'u ye. U tun ye daaw bɛɛ tugu k'o sɔgɔ, o bɛɛ n'a ta, Yezu nana don ka lɔ u cɛma k'a fɔ u ye ko: “Hɛrɛ ka kɛ aw ye.”

Kɛwalew 16:10

O kɔ, an y'a lanyini o yɔrɔnin bɛ ko an bɛ taa Maseduwani, bari an lanin tun b'a la ko Ala le b'an welela o yɔrɔ la, waasa k'a ka kibaru diman fɔ yen.

Kɛwalew 2:42

Kalandenw tun bɛ taa cidenw ka kalan lamɛn tuma bɛɛ. U tun bɛ jɛn k'u ka koo bɛɛ kɛ balimaya la. U tun bɛ dumuni senuman tilantilan nyɔgɔn fɛ, ka Ala dali.

Kɛwalew 2:46

U tun bɛ taa Alabatosoba kɔnɔ loon o loon ka Ala bato. U tun bɛ dumuni senuman tilantilan nyɔgɔn fɛ soo kɔnɔ, ka to ka dumuni kɛ ni nyɔgɔn ye nisɔndiya la. U si tun t'u yɛrɛ bonya.

Kɛwalew 20:11

Pɔli yɛlɛla tuma min na, a ye dumuni senuman nin dɔ tigɛ k'a dumu, ka kuma daminɛ tugu fɔɔ ka dugu gwɛ, a sɔrɔla k'a ka sira minɛ.

Kɛwalew 20:31

Aw k'aw hakili to a la ko ne tun bɛ aw kelen kelen bɛɛ ladi ni nyaji ye loon o loon saan saba kɔnɔ. O tuma na, aw y'aw yɛrɛ kɔlɔsi.

Kɛwalew 20:5

O jɛnkulu nin tun kɔnna ka sira ta anw nya, ka taa anw kɔnɔ Torowasi.

Kɛwalew 20:9

Kanbelennin dɔ siginin tun bɛ fɛnɛtiri daa la, a tɔgɔ tun ko Etiiki. Pɔli ka kuma janyana minkɛ, sinɔgɔ ye kanbelen nin minɛ. Sinɔgɔ fɛ, a porokotora ka bɔ sangaso sabanan fɛnɛtiri daa la ka jigi duguma. U jigira k'a ta, o y'a sɔrɔ a sara.

Kɛwalew 28:23

Ayiwa, u bɛnna loon wɛrɛ la. O loon, Zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun bɛ ka Yezu koo don u dusu la. O kama a tun bɛ Ala ka sariya ani kiraw ka sɛbɛw kɔnɔnakumaw nyafɔ u ye.

Kor fɔlɔ 10:16

An bɛ barika la Ala ye filen dubaman min kɔsɔn, ka sɔrɔ k'a min, ale t'an jɛn ni Krista ye a joli bɔnko la wa? An bɛ buru min tilantilan, o fana t'an jɛn ni Krista farisogo ye wa?

Kor fɔlɔ 15:10

Nga ne bɛ yɔrɔ min na sisan, o ye Ala ka nɛɛma nɔɔ ye. O nɛɛma nin ma kɛ gwansan ye ne faan fɛ. Ne ye baara kɛ ka tɛmɛ olu bɛɛ kan. O ma kɛ ne yɛrɛ ka seko ye, o ye Ala ka nɛɛma nɔɔ ye.

Kor fɔlɔ 16:2

Lɔgɔkun loon fɔlɔ o loon fɔlɔ, mɔgɔ kelen kelen bɛɛ ka fɛɛn dɔ bɔ a ka sɔrɔta la k'o mara gɛrɛfɛ. Aw kana ne kɔnɔ ni ne nana tuma min na, an ka sɔrɔ k'o bolomafara minɛ.

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni munyuli ye u kalanwaati la.

Yirari 1:10

Dimasilon dɔ la, Nii Senuman barika la, ne ye kumakan dɔ mɛn n kɔfɛ, i n'a fɔ buru fiyɛkan.