Kɛwalew 20:38 - LAYIDUKURA

³⁸ O kɔ, u taar'a bila sira kurun daa la. U bɛɛ dusu kasinin tun lo, bari a tun y'a fɔ u ye k'u si nyaa tɛna la ale kan tugu.

Jula NT of Côte d’Ivoire

³⁸ Pɔli tun k’a fɔ minkɛ ko o si ɲa tɛna la ale kan tuun, o kuma le tun ka o jusu kasi kosɛbɛ. O kɔ, o tagara Pɔli blasira kurunda ra.

ALA KA KUMA

³⁸ O kɔ, u tagar'a bila sira kurun daa la. U bɛɛ dusu kasinin tun lo, bari a tun y'a fɔ u ye k'u si ɲaa tena la ale kan tugu.

Kɛwalew 20:38 Iomraidhean Croise

Kɛwalew 15:3

Ala ka jama min tun bɛ Antiyɔsi, olu y'u dɛmɛ o taamako nin na kosɛbɛ. U taatɔ, u ye Fenisi, ni Samari mara cɛɛ tigɛ. Siya wɛrɛw lara Ala la cogo min na, u tora k'o lakali o yɔrɔ kalandenw ye ka to ka taa. O kibaruya ye olu bɛɛ dusu diya.

Kɛwalew 20:25

“Ayiwa, ne tɛmɛtuma na aw fɛ, ne ye Ala ka masaya koo fɔ aw ye. Ne do y'a lɔn sisan ko aw si nyaa tɛna la ne kan tugu.

Kɛwalew 21:16

Sezare kalanden dɔw taara an bila sira ka jatigila di an ma. An tun jigira fɔlɔ kalandenw dɔ fɛ min tɔgɔ ko Munazɔn, Sipɔrɔka tun lo.

Kɛwalew 21:5

O bɛɛ n'a ta, an ye lɔgɔkun kelen nin kɛ ka ban tuma min na, an y'an ka sira ta. Cɛɛw, musow fara denmisɛnw kan, u bɛɛ y'an bila sira. An taamana ka bɔ dugu banakɔ ka se kɛnɛba dɔ la bada la. An bɛɛ y'an kunbiri gwan yen, ka Ala dali.

Kɛwalew 25:26

Ayiwa, ne bɛn'a ka koo kuun nyafɔ cogo min na masacɛ ye sɛbɛ kɔnɔ, ne m'o lɔn. O kama, ne nana n'a ye aw cɛma, waasa ele masa Agiripa k'a lamɛn ka dɔ lɔn a ka koo la, janko n ka se ka sɛbɛ nin ci.

Kor fɔlɔ 16:11

Mɔgɔ si kan'a dɔgɔya. Aw k'a dɛmɛ a ka se ka segi ka na ne fɛ yan hɛrɛ la. Ne n'an balima tɔw b'a kɔnɔna.

Galasikaw 6:10

O cogo la, ni konyuman kɛ see b'an ye tuma min na, an k'o kɛ mɔgɔ bɛɛ ye sankofɛrɛ Krista kɔmɔgɔw.