Kɛwalew 20:21 - LAYIDUKURA

²¹ N y'a fɔ Zuwifuw, ni siya wɛrɛw ye, k'u ka nimisa ka faran u ka kojuguw la, ka la an Matigi Yezu la, k'u nyasin Ala ma.

Jula NT of Côte d’Ivoire

²¹ k’a fɔ mɔgɔw bɛɛ ye k’a gbɛlɛya, Yahudiya fara siya wɛrɛ mɔgɔ* kan, ko o ye nimisa o ta jurumunw na ka sɔn Ala ma, ka la an Matigi Yesu ra.

ALA KA KUMA

²¹ N y'a fɔ zuwifuw, ni siya wɛrɛw ye, k'u ka nimisa ka faran u ka kojuguw la k'u ɲasin Ala ma, ka la an Matigi Yezu la.

Kɛwalew 20:21 Iomraidhean Croise

Matiyu 3:2

A tun b'a fɔ mɔgɔw ye ko: “Aw ye nimisa ka faran aw ka kojuguw la, bari Sankolo tigi ka masaya waati surunyana.”

Matiyu 4:17

Kabini o tuma, Yezu y'a daminɛ ka waajuli kɛ. A tun b'a fɔ mɔgɔw ye ko: “Aw ye nimisa ka faran aw ka kojuguw la bari Sankolo tigi ka masaya waati surunyana.”

Marika 1:15

A tun b'a fɔ ko: “Ala tun ye waati min latigɛ, o sera. Ala ka masaya waati surunyana. Aw ye nimisa ka faran aw ka kojuguw la ka la kibaru diman na.”

Marika 6:12

Kalanden tan ni fila taara mɔgɔw waaju k'u ka nimisa ka faran u ka kojuguw la.

Luka 13:3

Ne b'a fɔ aw ye ko tinyɛ t'o ye. Ni aw ma nimisa ka faran aw ka kojuguw la, aw bɛɛ bɛna halaki fana.

Luka 13:5

Ne b'a fɔ aw ye ko tinyɛ t'o ye. Ni aw ma nimisa ka faran aw ka kojuguw la, aw bɛɛ bɛna halaki fana.”

Luka 15:10

O cogo la, ne b'a fɔ aw ye ko ni kojugukɛla kelen nimisara ka faran a ka kojuguw la, nisɔndiya bɛ kɛ Ala ka mɛlɛkɛw fɛ o tigi kɔsɔn.”

Luka 15:7

O cogo la, ne b'a fɔ aw ye ko ni kojugukɛla kelen nimisara ka faran a ka kojuguw la, mɛlɛkɛw bɛna nisɔndiya sankolo la o tigi kɔsɔn. Mɔgɔtilennin bi kɔnɔntɔn ni kɔnɔntɔn minw mako tɛ nimisali la, nisɔndiya min bɛ kɛ olu kɔsɔn, o tɛ se mɔgɔ kelen nin ta ma.

Luka 16:28

bari dɔgɔcɛ duuru bɛ ne fɛ. A ka taa u lasɔmi waasa olu fana kana na nin tɔɔrɔ yɔrɔ la.’

Luka 24:47

A ka kibaru ka kan ka fɔ siyaw bɛɛ ye waasa u ka nimisa ka faran u ka kojuguw la, Ala ka yafa u ma. O ka kan ka daminɛ Zeruzalɛmu.

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka hɛrɛ banbali sɔrɔ a barika la.

Yuhana 3:36

Ni mɔgɔ min y'a jigi la Ala Deen kan, o tigi ye hɛrɛ banbali sɔrɔ ka ban. Nga ni mɔgɔ min ma sɔn k'a jigi la a Deen kan, o tigi tɛna sini hɛrɛ sɔrɔ, Ala bɛn'a tɔɔrɔ kosɛbɛ.”

Kɛwalew 10:43

Kiraw bɛɛ tun ye ale Yezu le koo fɔ, ko ni mɔgɔ min lara a la, ko Ala bɛna yafa o tigi ma.”

Kɛwalew 11:18

Kuma nunu y'u dusu mala. U y'a daminɛ ka Ala tando ka to k'a fɔ ko: “Aa, tinyɛ na, Ala ye sira di siya wɛrɛw fana ma u ka se k'u sɔɔn yɛlɛma ka sini hɛrɛ sɔrɔ.”

Kɛwalew 16:31

U y'a jaabi ko: “E ka la Matigi Yezu la dɔrɔn, e n'i ka somɔgɔw bɛɛ bɛna kisi.”

Kɛwalew 17:30

Adamadenw ye kolɔnbaliya minw kɛ ka tɛmɛ, Ala tɛ o si jatira tugu. Nga, a b'a nyini mɔgɔw fɛ yɔrɔ bɛɛ, k'u ka nimisa ka faran u ka kojuguw la.

Kɛwalew 19:17

Efɛzikaw bɛɛ y'o kibaru mɛn, Zuwifu fara girɛkiw kan. U bɛɛ siranna. O seen fɛ, mɔgɔw ye bonya la Matigi Yezu tɔgɔ kan.

Kɛwalew 2:38

Piyɛri y'u jaabi ko: “Aw ye nimisa ka faran aw ka kojuguw la, an b'aw batize Yezu Krista tɔgɔ la janko aw ka yafa sɔrɔ. O la, aw bɛna Nii Senuman sɔrɔ,

Kɛwalew 2:40

Piyɛri y'a fɔ u ye fana ko: “Haya! Aw ye jija k'aw ka kɛwaliw yɛlɛma janko aw ni mɔgɔjugu nunu kana kɛ kelen ye.” A ye kuma wɛrɛw fɔ k'u jaa gwɛlɛya.

Kɛwalew 20:23

N kɔni bɛ min lɔn, n mana se dugu o dugu la, Nii Senuman b'a fɔ ne ye ko u bɛna jɔrɔkɔ kɛ ne la, ko n bɛna tɔɔrɔ.

Kɛwalew 20:24

Ne ka bɔnɔ n nii na, o tɛ foyi ye ne nyana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka makariko kibaru diman nin fɔ mɔgɔw ye le.

Kɛwalew 24:24

Tile damani tɛmɛnin kɔ, Felikisi n'a muso Durusiyi nana. A muso tun ye Zuwifu ye. U ko ka Pɔli wele, a ka dɔ fɔ ale ye Yezu Krista ka koo la.

Kɛwalew 26:18

k'u nyaa yɛlɛ ka dibidibikow dabila, k'u sama ka bɔ Sutana bolo k'u nyasin Ala ma. N'u lara ne la, Ala bɛna yafa u ma ka sigiyɔrɔ d'u ma a ka mɔgɔw cɛma.’

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Isirayɛli jamana bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwalinyumanw kɛ minw b'a yira k'u sɔnna.

Kɛwalew 28:23

Ayiwa, u bɛnna loon wɛrɛ la. O loon, Zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun bɛ ka Yezu koo don u dusu la. O kama a tun bɛ Ala ka sariya ani kiraw ka sɛbɛw kɔnɔnakumaw nyafɔ u ye.

Kɛwalew 3:19

O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Kɛwalew 8:25

Piyɛri ni Zan tun bɛ min lɔn Yezu koo la, u y'o fɔ mɔgɔw ye ka ban, u kɔsegitɔ Zeruzalɛmu, u tora ka Yezu ka kibaru diman fɔ Samari mara dugu caaman na.

Rɔmukaw 1:14

Ne ka kan ka baara kɛ mɔgɔw cɛma minw nyaa yɛlɛma, ni minw ta ma yɛlɛ, ani kolɔnbagaw ni kolɔnbaliw cɛma.

Rɔmukaw 1:16

Ne tɛ maloya ka kibaru diman fɔ, bari Ala ka sebagaya koo lo, mɔgɔ minw bɛ la a la, kisili ye olu ta ye, k'a daminɛ Zuwifu ma fɔlɔ, o kɔ siya wɛrɛw.

Rɔmukaw 10:9

N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bɛna kisi.

Rɔmukaw 2:4

Walima e tɛ Ala ka nyumanya dafanin n'a ka munyuli, an'a ka timinadiyali jati foyi ye wa? K'a sɔrɔ a b'i dɛmɛ a ka nyumanya barika la ka nimisa ka faran i ka kojugu la.

Rɔmukaw 4:24

Nga an fana niin b'o la, Ala bɛna an minw jati mɔgɔtilenninw ye bari an lara Ala la ale min y'an Matigi Yezu kunun.

Rɔmukaw 5:1

An jatira mɔgɔtilenninw ye jigi barika la, o cogo la, hɛrɛ sɔrɔla an ni Ala cɛ an Matigi Yezu Krista barika la.

Kor fɔlɔ 1:22

Zuwifuw, olu mako bɛ kabako kɛli la, girɛkiw, olu bɛ lɔnniya le nyinina.

Kor 2nan 7:10

Bari dusukasi min bɛ bɔ Ala fɛ, ale bɛ mɔgɔ dɛmɛ ka nimisa ka kisi, “tun ka lɔn” tɛ ale kɔfɛ. Dusukasi min kɛra dinyɛ ta ye, ale bɛ taa ni mɔgɔ ye saya la.

Galasikaw 2:16

An b'a lɔn ko mɔgɔ si tɛ se ka jati mɔgɔtilennin ye sariya labatoli fɛ, nga fɔɔ ni min lara Yezu Krista la. O la, an lara Yezu Krista la fana, waasa an ka se ka jati mɔgɔtilenninw ye o lanaya barika la, a kana kɛ sariya labatoli barika la, bari mɔgɔ si tɛ se ka jati mɔgɔtilennin ye sariya labatoli barika la.

Galasikaw 2:20

Hali n'aw y'a ye ko ne bɛ nii na halibele, o tɛ ne yɛrɛ sababu ye, o ye Krista ka sababu ye. Bari n'aw y'a ye ko ne nyanaman lo farisogo la, o kɛra Ala Dencɛ barika la, ne ye n jigi la o min kan. A ye ne kanu fɔɔ k'a yɛrɛ di ne kɔsɔn.

Galasikaw 3:22

A fɔra Ala ka kuma na ko mɔgɔ bɛɛ bɛ kojugu ka fanga kɔrɔ, waasa mɔgɔ minw lara Yezu Krista la olu ka Ala ka layidu nɛɛma sɔrɔ.

Ɛfɛsikaw 1:15

O le y'a to, kabini ne y'a mɛn ko aw jigi lanin bɛ Matigi Yezu kan ani ko aw bɛ Ala ka mɔgɔw bɛɛ kanu,

Kɔlɔsikaw 2:5

Tinyɛ lo, ne tɛ aw cɛma, nga ne hakili bɛ aw la, ne nisɔndiyanin bɛ k'a ye ko aw bɛnnin lo kosɛbɛ, ani ko aw jijanin lo nyɔgɔn fɛ k'aw jigi la Krista kan.

Filemɔn 1:5

bari, i bɛ Krista kɔmɔgɔw kanu cogo min na, ani i jigi bɛ Matigi Yezu kan cogo min na, ne y'o mɛn.

Zan fɔlɔ 5:1

Ni mɔgɔ o mɔgɔ lara a la ko Yezu le ye Ala ka mɔgɔ wolomani ye, o tigi ye Ala deen ye. Mɔgɔ o mɔgɔ bɛ denfa kanu, o tigi b'a deen fana kanu.

Zan fɔlɔ 5:5

Mɔgɔ min lanin b'a la ko Yezu ye Ala Dencɛ ye, o tigi le sera dinyɛ kɔrɔ.