Kɛwalew 2:46 - LAYIDUKURA

⁴⁶ U tun bɛ taa Alabatosoba kɔnɔ loon o loon ka Ala bato. U tun bɛ dumuni senuman tilantilan nyɔgɔn fɛ soo kɔnɔ, ka to ka dumuni kɛ ni nyɔgɔn ye nisɔndiya la. U si tun t'u yɛrɛ bonya.

Jula NT of Côte d’Ivoire

⁴⁶ Lon o lon o tun bɛ lajɛn Alabatosoba kɔnɔ ɲɔgɔn fɛ ni miiriya kelen ye ka Ala bato. O tun jijara o ra kosɛbɛ. O tun bɛ lajɛn o ta sow kɔnɔ ka buru tarantaran ɲɔgɔn cɛ k’a ɲimi, ka o hakiri jigi Matigi ta kuma ra. O tun bɛ domuni kɛ ɲɔgɔn fɛ ni ninsɔndiya ani jusukun gbɛnin ye.

ALA KA KUMA

⁴⁶ U tun be taga Alabatosoba kɔnɔ loon o loon ka Ala bato. U tun be dumuni senuman tilantilan ɲɔgɔn fɛ soo kɔnɔ, ka to ka dumuni kɛ ni ɲɔgɔn ye nisɔndiya la. U si tun t'u yɛrɛ boɲa.

Kɛwalew 2:46 Iomraidhean Croise

Matiyu 6:22

“Mɔgɔ nyaa kɛra i n'a fɔ a fari ka lanpan. N'i nyaa ma cɛn, i bɛ yeli kɛ.

Luka 11:41

Aw k'aw bololafɛnw di saraka ye faantanw ma, o la, aw ka koo bɛɛ saniyanin bɛna to.

Luka 24:30

Dumunikɛtuma, Yezu sigira n'u ye dumuni na, a ye buru ta ka barika la Ala ye, k'a tilantilan k'a d'u ma.

Luka 24:53

O yɔrɔ la, u tun bɛ to ka taa Alabatosoba kɔnɔ tuma bɛɛ ka Ala tando.

Kɛwalew 16:34

Ayiwa, a ye dumuni d'u ma a ka soo. Ale n'a ka somɔgɔw bɛɛ nisɔn diyara, bari u lara Ala la.

Kɛwalew 2:42

Kalandenw tun bɛ taa cidenw ka kalan lamɛn tuma bɛɛ. U tun bɛ jɛn k'u ka koo bɛɛ kɛ balimaya la. U tun bɛ dumuni senuman tilantilan nyɔgɔn fɛ, ka Ala dali.

Kɛwalew 20:7

Lɔgɔkun loon fɔlɔ, an lajɛnnin tun bɛ n'an bɛ dumuni senuman tilantilanna nyɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Kɛwalew 3:1

Loon dɔ, Piyɛri ni Zan tun bɛ taara Alabatosoba kɔnɔ wulafɛ batoli la.

Kɛwalew 5:21

U ye mɛlɛkɛ ka kuma labato. Sɔgɔma joona, u sera Alabatosoba kɔnɔ k'a daminɛ ka mɔgɔw kalan. O tuma na, sarakalasebagaw kuntigiba n'a ka dakɔrɔsigiw taara u ka nyɔgɔnyeyɔrɔ la. U ye Zuwifuw ka kititigɛlaw bɛɛ lajɛn, ka sɔlidasiw bila k'u ka taa cidenw bɔ kaso la ka na n'u ye.

Kɛwalew 5:42

Loon o loon, Yezu min ye Ala ka Mɔgɔwolomanin ye, cidenw tun bɛ to ka taa ale ka kibaru diman fɔ mɔgɔw ye Alabatosoba kɔnɔ, ani u yɛrɛ ka soow kɔnɔ.

Rɔmukaw 12:8

Mɔgɔ ladi see dira min ma, o tigi k'o kɛ. Ka mɔgɔw sɔn fɛɛn na, o see dira mɔgɔ min ma, o tigi k'o kɛ, a kana sigasiga. Ka kɛ nyamɔgɔ ye, o see dira min ma, o tigi ka banba k'o kɛ. Mɔgɔ min bɛ makari, o tigi k'o kɛ ni nisɔndiya ye.

Kor fɔlɔ 10:16

An bɛ barika la Ala ye filen dubaman min kɔsɔn, ka sɔrɔ k'a min, ale t'an jɛn ni Krista ye a joli bɔnko la wa? An bɛ buru min tilantilan, o fana t'an jɛn ni Krista farisogo ye wa?

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala nyasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 11:3

Nga ne bɛ siran ko aw hakili kana nyagami, k'aw jigi kana bɔ Krista kan, i n'a fɔ saa ye Awa nanbaran n'a ka cekuya ye cogo min na.

Ɛfɛsikaw 6:5

Jɔɔnw, aw k'aw ka kuntigiw bonya kosɛbɛ ni kɔnɔgwɛ ye, ka siran u nya i n'a fɔ aw b'a kɛ Krista ye cogo min na.

Kɔlɔsikaw 3:22

Jɔɔnw, aw ka mɛnni kɛ aw kuntigiw fɛ koo bɛɛ la ka kɛnyɛ ni adamadenya ye, aw kana baara kɛ aw ka kuntigiw nyana dɔrɔn janko k'aw koo diya u ye, nga o ka kɛ ni dusukun gwɛnin ye Matigi nyasiran kɔsɔn.