Kɛwalew 2:42 - LAYIDUKURA

⁴² Kalandenw tun bɛ taa cidenw ka kalan lamɛn tuma bɛɛ. U tun bɛ jɛn k'u ka koo bɛɛ kɛ balimaya la. U tun bɛ dumuni senuman tilantilan nyɔgɔn fɛ, ka Ala dali.

Jula NT of Côte d’Ivoire

⁴² Kabini o lon na o mɔgɔw tun bɛ lajɛn wagati bɛɛ ka ciradenw* ta karan lamɛn. O tora lanabagaw ta jɛnɲɔgɔnya ra. O tun bɛ buru tarantaran o ni ɲɔgɔn cɛ, ka o ɲimi, ka o hakiri jigi Matigi ta kuma ra, ka to ka Ala daari ɲɔgɔn fɛ.

ALA KA KUMA

⁴² Kalandenw tun be taga cidenw ka kalan lamɛn tuma bɛɛ. U tun be jɛn k'u ka koo bɛɛ kɛ balimaya la. U tun be dumuni senuman tilantilan ɲɔgɔn fɛ, ka Ala daali.

Kɛwalew 2:42 Iomraidhean Croise

Luka 24:30

Dumunikɛtuma, Yezu sigira n'u ye dumuni na, a ye buru ta ka barika la Ala ye, k'a tilantilan k'a d'u ma.

Luka 24:35

O tuma na, olu fila ye Yezu ye sira kan cogo min na, ani k'a lɔn cogo min na dumunikɛtuma na, u y'o lakali kalanden tɔw ye.

Kɛwalew 1:14

U ka miiri bɛɛ tun ye kelen ye. U lajɛnnin tun bɛ jɛn nyɔgɔn fɛ tuma bɛɛ ka Ala dali. Muso dɔw tun bɛ n'u ye. Yezu baa Mariyamu tun bɛ u cɛma, ani Yezu dɔgɔninw.

Kɛwalew 11:23

Ala y'o mɔgɔ nunu dɛmɛ cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kɛwalew 14:22

U tun bɛ to ka kalandenw jaa gwɛlɛya k'u ka banba k'u jigi la Yezu kan kosɛbɛ. U tun b'a fɔ kalandenw ye ko: “Wajibi lo fɔɔ an ka tɔɔrɔ kosɛbɛ ka sɔrɔ ka don Ala ka mara kɔnɔ.”

Kɛwalew 2:46

U tun bɛ taa Alabatosoba kɔnɔ loon o loon ka Ala bato. U tun bɛ dumuni senuman tilantilan nyɔgɔn fɛ soo kɔnɔ, ka to ka dumuni kɛ ni nyɔgɔn ye nisɔndiya la. U si tun t'u yɛrɛ bonya.

Kɛwalew 20:11

Pɔli yɛlɛla tuma min na, a ye dumuni senuman nin dɔ tigɛ k'a dumu, ka kuma daminɛ tugu fɔɔ ka dugu gwɛ, a sɔrɔla k'a ka sira minɛ.

Kɛwalew 20:7

Lɔgɔkun loon fɔlɔ, an lajɛnnin tun bɛ n'an bɛ dumuni senuman tilantilanna nyɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Kɛwalew 4:23

Piyɛri ni Zan bilanin kɔ, sarakalasebagaw ni cɛkɔrɔbaw ye kuma min bɛɛ fɔ, u segira ka n'o bɛɛ nyafɔ u tɔnyɔgɔnw ye.

Kɛwalew 4:31

U tun bɛ yɔrɔ min na, dalili bantɔ, o yɔrɔ nin yɛrɛyɛrɛla. Nii Senuman jigira u bɛɛ kan, u tora ka Ala ka kuma fɔ ni jagwɛlɛya ye.

Kɛwalew 6:4

Anw kɔni bɛna to ka Ala ka kuma fɔ, ani ka bila Ala daliko nyafɛ.”

Rɔmukaw 12:12

Jigi min b'aw fɛ, aw ka nisɔndiya o kɔsɔn, tɔɔrɔ tuma, aw ka munyuli kɛ, aw ye jija ka Ala dali.

Kor fɔlɔ 10:21

Aw tɛ se ka minni kɛ ni Matigi ka filen ye, ka tila ka minni kɛ ni Sutana ta ye fana. Aw fana tɛ se ka Matigi ka dumuni kɛ ka tila ka Sutana ta kɛ.

Kor fɔlɔ 11:2

Ne bɛ barika la aw ye bari aw hakili bɛ to ne la waati bɛɛ, ne ye koo minw bɛɛ fɔ aw ye, aw y'o labato ka nya.

Kor fɔlɔ 14:6

N balimaw, n'a kɛra ko ne tun nana aw fɛ ka kuma aw fɛ kaan wɛrɛ la, min tɛ koo dɔ yira, n'a tɛ lɔnniya d'aw ma, ni kirayakuma t'o la, n'a t'aw kalan fana, o bɛna mun le nya aw ma?

Galasikaw 1:6

Ala min y'aw wele Krista barika la, aw banna ale la joona joona, ka tugu kibaru diman wɛrɛ kɔ, o ye ne kabakoya kosɛbɛ.

Ɛfɛsikaw 2:20

Kiraw ni cidenw ye soo juu min sigi, ni Yezu Krista le y'o juu nin kabakuru nyanaman ye, aw lɔra o le kan i n'a fɔ boon.

Ɛfɛsikaw 6:18

Aw ka Ala dali kosɛbɛ tuma bɛɛ Nii Senuman barika la ni dalili sifa bɛɛ ye. Aw ye jija o la kosɛbɛ ka dalili kɛ Ala ka mɔgɔw bɛɛ ye.

Filipikaw 1:5

bari kabini ne y'a daminɛ ka kibaru diman fɔ aw fɛ, fɔɔ ka na se bii ma, aw bɛ ne dɛmɛna k'aw niyɔrɔ ta o baara la.

Kɔlɔsikaw 1:23

Nga aw ka jija k'aw jigi la a kan kosɛbɛ, fɛɛn si kana aw ka miiriya nyagami k'aw jigi bɔ kibaru diman kan aw ye o min mɛn, ale min koo fɔra danfɛnw bɛɛ ye dinyɛ kɔnɔ. Ne Pɔli kɛra o min baarakɛla ye.

Kɔlɔsikaw 4:2

Aw ka jija Ala dali la, ka barika la a ye kosɛbɛ.

Tim 2nan 3:14

Ele kɔni, e kalanna koo minw na, ani ka sɔn u ma, i ka jija k'o minɛ ka nya, bari i ye o koo kalan mɔgɔ min fɛ, i b'o tigi lɔn.

Heburuw 10:25

An kana ban ka taa an ka nyɔgɔnlajɛnyɔrɔ la, i n'a fɔ dɔw bɛ to k'a kɛ cogo min na. Nga an ka nyɔgɔn jaa gwɛlɛya, bari aw yɛrɛ nyaa b'a la ko Matigi ka loon surunyana ka ban.

Heburuw 10:39

Minw bɛna segi kɔ ka halaki, anw tɛ olu dɔw ye. Anw ye jigitigiw ye minw bɛna kisi.

Zan fɔlɔ 1:3

Anw ye min ye, ka min mɛn, an b'o le fɔ aw ye, waasa aw fana ka jɛn ni anw ye. Ayiwa, anw kɔni n'an Faa Ala n'a Dencɛ Yezu Krista jɛnnin lo.

Zan fɔlɔ 1:7

Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ bɛ cogo min na, o tuma na, jɛɛn bɛ kɛ an bɛɛ ni nyɔgɔn cɛ, a Dencɛ Yezu joli b'an ka kojuguw bɛɛ bɔ an na.

Zan fɔlɔ 2:19

U bɔra anw cɛma le, nga u tun t'an dɔw ye bɛrɛbɛrɛ, ni an dɔw tun lo, u tun bɛ to n'an ye. Nga a kɛra ten waasa a k'a yira ko an dɔ tɛ u ye tinyɛ tinyɛ na.

Zude 1:20

Nga aw kɔni, ne teriw, aw ka jija ka taa nya aw ka jiginyuman koo la, ani ka Ala dali Nii Senuman barika la.